#صفحات ممزقة
(قصة واقعية)
الحلقة(23)
بقلم.. القطة الشريرة
---------------------------------------
فاضل.. ف هدي عندك حق
حدهم .. معناها متفاهمين
فاضل تم
------------------------------------------------
صابرين.. تبي الحق إنتي غلطانة ف حقها بري راضيها
دعاء.. هيا تكبر ف المواضيع قصدي شن فيها كان ستحمدتله ع سلامته
صابرين.. حطي روحك مكانها انتي عارفة طبعها يعني انتي ماعندك الحق تفرضي عليها شي هيا ماتبيه وتوا هيا نوضي نصالحوها
------------------------------------------
دلال.. انتي وينك ماتردي
خنساء.. كان صامت ماسمعته
دلال.. شن الجو
خنساء.. تمام وانتو شن مدايرين
دلال.. تعب وحوسة
خنساء.. شن فيه
دلال.. عمي عادل وعمي محمود نزحو عندنا
خنساء.. كيف صار
دلال.. اوباري نقلبت حالة وبوي قاللهم أطلعو وتعالو عندنا
خنساء.. وبيعقدو لأمتى
دلال..كان طولت الحرب بيأجرو
خنساء.. كلهم جو
دلال.. ايه
خنساء.. باهي كويس
دلال.. هيا درقي وجهك رصيدي يصفر
خنساء.. سلمي عليهم
----------------------------------------------
دعاء.. وينها زعما
صابرين.. تعالي نشوفوها ف الصالة
دعاء.. هيا
صابرين .. اهيا حبنا
دعاء.. حبي ياروحي
خنساء.. قارنة حواجبها
دعاء.. حبي زعلانة مني نقتل روحي راه كيف نكمل حياتي وخنساء زعلانة مني
خنساء.. ماسكة ضحكتها
صابرين.. هيا خنساء دعاء جت تتأسف يلا تصالحو
دعاء.. اسفة حبي ووعد معاش نعاودها
خنساء.. سامحتك واسفة لو عيطت عليك
دعاء.. حضنتها ياقلبي انتي وتصالحو
صابرين.. العصر يأذن هيا نصلو ونطلعو نكسدو البرا ف الساحة
----------------------------------------------------
فات اليوم عادي بدون أحداث جديدة
ف الليل
خنساء.. هيا برو معاي بالله
صابرين.. لا ياكبدي شن بيرفعنا لناس مانعرفوهم
دعاء.. حتى انا مروحة غدوة كان هذا مشيت
صابرين.. بنقعد غير انا زي الغولة
دعاء.. بري معايا الرياينة قريبة
صابرين.. لاااااااااا بوي مايخليني
دعاء.. معناها أقعدي
خنساء.. انا حتى بابا ماقتله ورنت عليه
--------------------------------------------
موسى.. ها بطة شن حالك
خنساء.. كيف حالك بابا
موسى.. الحمد لله شن جو غريان صقع ولاباهي
خنساء.. معقول بابا بنقولك
موسى.. شنو
خنساء.. غدوة جاي خالي عبد السلام وخالتي حدهم بيرفعوني لطرابلس
موسى.. كلمني خالك بكري
خنساء.. اي قالي لكن قلت نخبرك بروحي
موسى .. صحيتي بنتي اهو عمامك وولاد عمامك يسلمو عليك
خنساء.. سلم عليهم تصبح ع خير
موسى.. تصبحي ع خير
محمود.. مالا ماشية لخوالها
موسى.. ايه بيرفعوها يومين تغير جو وتشوف جدتها
عادل.. كويس خليها تعيش حياتها
أمين.. طول خطر ع باله فاضل وعصب
-------------------------------------------------
مفيدة.. خالتكم نزحت لدرج ماقالك أمين امالا
ثريا.. هوا غير يكلمني قبل
مفيدة.. بالك انتي زعلتيه ف شي
ثريا .. مازعلته لاشي بروحه يوزع فيا ومرات مايرد عليا
مفيدة.. توا نكلمه ونتفاهم معاه
منتهى .. شن تتفاهمي معاه شن دخلك بيه
مفيدة.. بنتي مش لعبة عنده يايعاملها كويس يايفسخ مش واقفة عليه
ثريا.. والله
---------------------------------------------
خنساء.. فتحت نت وقعدت تهدرز هيا وفاضل
وصلتها رسالة من أنثى الصحراء هلا
خنساء.. أهلين نورتي أسماء
اسماء.. شن أخبارك عاش من شاف حروفك
خنساء.. تعيشي وتشوفي شن مدايرة
اسماء.. اهو عايشة وخلاص
خنساء.. الحمد لله ع كل حال
أسماء..نتك ضعيف شكله تعطلي ف الرد
خنساء.. لاوالله غير نهدرز انا وولد خالتي
أسماء.. بس
خنساء.. كيف يعني
أسماء.. يعني مافيش بينكم علاقة
خنساء.. لااااا
أسماء.. إنتي مش مخطوبة
خنساء.. لا
اسماء.. ولاعمرك نخطبتي او حبيتي
خنساء.. أبدآ
أسماء.. اممم باهي
خنساء .. نستأذنك ولد خالتي يتصل
أمين.. كان معصب كيف انها مش معترفة انها كانت مخطوبة أو حبت معقولة مسحتني من دماغها ومش حابة تحكي عني حتى بالكذب والكلب فاضل الى خشلي ف النص شن يبي مش عارف
----------------------------------------------
فاضل.. ألو
خنساء.. ياهلا
فاضل.. ساعة باش تردي يادبة
خنساء.. هكي نبي نشحطك
وكانت فاتحة المايك لدعاء وصابرين
فاضل.. انتي غدوة بتجي توا تشوفي كان ماندمتك
خنساء.. خوفتني مرات يصير العكس
فاضل.. هالمرة شفشوفتك بنربطها ليك ف عمود الضي
خنساء.. باش تلقى روحك أصلع بعدين
فاضل.. خلاص تم
خنساء.. تم
فاضل.. درقي وجهك تمرقدي خلاص باش غدوة تنوضي بكري
خنساء.. تمام تصبح ع خير
فاضل.. وإنتي من أهله باي
خنساء باي
دعاء.. محلاه يهبل صوته
خنساء.. انتي كلهم عندك يهبلو
دعاء.. هدي مشكلتي نكبد من الصوت
صابرين.. ف النهاية بتحبي واحد صوته شين
دعاء.. مش متجوزة بنقعد هكي
خنساء.. هيا تمرقدو خلاص
------------------------------------------------
ف الصبح
خنساء.. لابسة وموتيا شنطتها
دعاء.. حتى هيا تراجي ف بوها
صابرين.. كانت دايرة روحها راقدة ماتبيش تودعهم
-------------------------------------------------
حسين.. كتبوله خروج
جعفر.. هيا مشينا
حسين.. وقف وتسند ع العكازات هيا وطلعو
-----------------------------------------------
خنساء.. رنت عليها خالتها ونزلت هيا ودعاء
حدهم.. سلمت ع خنساء وتعرفت ع دعاء الى كانت نازلة باش تشوف فاضل لكنها نضربت ف عبد السلام
خنساء.. حضنت دعاء نتلاقو السبت
دعاء.. نبي رقم خالك ضروري
خنساء.. هههه تمام
دعاء.. باي
خنساء.. طلعت وسلمت ع خالها وفاضل وركبت ف السيارة
دعاء.. قعدت البرا لعند جاها بوها ومشت
صابرين.. ناضت وهيا مضايقة وتفكرت ناسها وقعدت تبكي
----------------------------------------------------
فاضل .. مش ملاحظين السيارة تمشي ع جنب
خنساء.. كانت راكبه ف جيهة فاضل ومسكتله شعره من هالفروج الى معلقه
عبد السلام وحدهم .. هههههههه
فاضل.. نزلها نزلها
عبد السلام.. نزلك انت وهيا تقعد
فاضل.. باهي يابيوع ياخالي
خنساء.. تستاهل
--------------------------------------------------
أمين.. ماسك تلفونه الى يرن برقم غريب الو
مفيدة.. الو
أمين.. مني
مفيدة.. انا خالتك مفيدة ولامش مخزن رقمي
أمين.. أهلين خالتي لا والله غير تلفوني الأول فسد وهذا واحد تاني
مفيدة.. اها شن بنقولك ماتقوليش خيرك مع ثريا
أمين..خيرها ثريا
مفيدة.. لاترد عليها ولاتتصل بيها لواه هذا كله شن ريت منها غلط ولاشن دارتلك
أمين.. الحق ماريت منها الا كل خير بس مضغوط من الشغل وتوا وضعي ملخبط بعد النزوح
مفيدة.. كان ماتبيها قول راه عادي الدنيا نصيبات وكل حد ياخد نصيبه
أمين..لا مافيش منه الكلام هذا بكل وتوا نكلمها ثريا ونحل الموضوع معاها
مفيدة.. باهي ياولدي مانعطلش عليك توا وسلم ع أمك
-----------------------_________________
وصلت خنساء وشبحت جدتها الى كانت فرحانة بيها وخوالها وخالاتها تغدت وبعد الغداء طلعهم فاضل للبحر
خنساء.. وأخيرآ البحر وقعدت تصور باش تنزلهم ف صفحتها وتبعت لدلال الصور
فاضل.. جاء من ورا خنساء الى كانت واقفة قريبة ع البحر وحط ايديه ع خصرها
خنساء.. نصدمت هييي شن دير انت
فاضل.. شكلك خاطرك ف البحر بنلوحك فيه
خنساء.. تحاول تبعدله ف يديه بعد عني تبي تقتلني ولاشن
فاضل.. زاد كرش فيها وبدا يدف فيها ويجري
خنساء.. ياخالتي وتعيط
حدهم.. المجنون بيحدفها ف البحر
فاضل .. خششها ف بدايه البحر وتبل سروالها
خنساء.. ياواطي ياحيوان
فاضل .. نزيد ندفك راه
خنساء.. لا توا ف جرتك بنمرض امتحاناتي قعد عليهم اسبوع
فاضل.. حرام ومسكها من يدها وطلعها
حدهم.. طالعين ع بعضهم صح
أميرة.. هههههه يعني
حدهم.. عينك شوفي محلاهم
فات اليوم عليهم حلو هلبة
رجعو للبيت وخنساء نزلت الصور
حدهم.. فاضل اقعد بات معانا باش غدوة من الصبح بكري نطلعو للسوق
فاضل .. خوالي وين
حدهم .. واحد بايت البرا وواحد ماينوض بكل
فاضل.. تمام نوصل اميرة وامي ونرجع
حدهم .. مقدمك وصلهم خالك امجد
فاضل.. والله باهي كويس خلي نمشي نهدرز مع ميما شوي
خنساء.. واقفة ف المطبخ ودير ف قهوة وتحكي مع صابرين
------------------------------------------
أمين.. بعد ماشاف صور خنساء ف الفيس عصب ونقهر هلباااا وقرر يتصل بثريا الى ماردت عليه الا بعد المكالمة الثالتة
ثريا.. باهي الى دكرتني
أمين.. حليلي ع المعصب
ثريا.. بجديات زعلانة قصدي مش معاملة هدي
أمين.. حقك عليا والله مضغوط الفترة الى فاتت
ثريا.. وانا شن دخلي المفروض تخصصلي وقت تحكي فيه معايا بالكي نقدر نخفف عليك
أمين.. حبيبي مانبيش ندخلك ف مشاكلي ونكد عليك
ثريا .. باهي قولي حبي شن الى مضايقك
أمين ..مستاحشك هلبة
ثريا.. حتى انا حبي
----------------------------------------------------
خنساء..بعد ماشربت القهوة هيا وحدهم وفاضل رفعت السفرة انا خلاص نعست
حدهم .. صح تعبتي هلبااا اليوم
فاضل.. الى يسمع كانت تخدم ع العجانة
خنساء.. هديكا خدمتك انت
حدهم .. نوض حتى انت خلي نغير لأمي
فاضل.. مانيش طالع هي
خنساء.. مبردك ومشت للمطبخ وقعدت تغسل ف الطواسي
فاضل .. لحقها وقعد واقف ع الباب ويشوفلها قوليلي شن جو الداخلي معاك
خنساء.. كانت لابسة توتا بودرية وشعرها كان مرخي وقصتها كانت تجي ع وجهها وتحولها ورا ودنها تمام ماشي حاله
فاضل.. قرب من خنساء ولصق فيها من خلف وحط ايديه ع الحوض
خنساء.. يتبع
أنت تقرأ
صفحات ممزقة ( روايات ليبية )
Romansaللكاتبة : القطة الشريرة تتكلم عن بنت يعتبرها الناس معقدة و انطوائية و لا تملك اي صداقات و لكن عندما تجد الحب أمامها تتغير 180 درجة ؟ فهل التغير يفيدها ؟ و هل الحب صادق ام لا ؟ و ما نهايتها ؟ قصة جميلة جدا من داخل المجتمع الليبي 🔥
