#صفحات ممزقة
(قصة واقعية)
الحلقة(21)
بقلم.. القطة الشريرة
---------------------------------------------
حسين.. كان جاي للكلية بحكم الداخلي متاعهم لاصق ف الكلية عشان يرجع المدكرة للبنت ويشوف الولد يجري ف خنساء وصابرين
الطلبة الى ف الكلية كلهم يتفرجو ومش فاهمين شي
حسين.. مشى يجري وشد الولد وقعد يتعارك معاه
صابرين.. من الخوف طاحت داخت
خنساء.. صابرين صابرين وقعدت تنوض فيها
حسين .. ياعيل كيف تجري ع البنات
الولد.. وانت شن دخل .... 🔞
وبدو يضاربو وجو الولاد يحزو فيهم
صابرين .. فاقت وقعدت تبكي
حسين.. ضرب الولد لعند فمه قعد يصب ف الدم
وجو جماعة الأمان وقعدو يفرغو ف الهواء وبعدوهم
الولد.. وربي لما نقتلك يا......... 🔞
خنساء.. قعدت تضحك بشكل هستيري
صابرين ..هبلتي إنتي
خنساء.. من الرعشة والله من الرعشة
حسين.. قعد ينفض ف روحه
جعفر.. انت شن جابك وجاب المشاكل
حسين.. يجري ف البنات شن بنسكتله
جعفر.. توا يجيبلك جماعته ومش حايخسر فيك طلقة
حسين.. طز فيه ماحد بيموت ناقص عمر وقعد يشوف يمين ويسار
جعفر .. خيرك
حسين.. ندور ع خنساء وين
جعفر.. وانا نازل من القاعات شفتهم مقعمزين جنب الكراسي الى جنب المكتبة توا تجيب اخرتك الفرخة هدي
حسين.. قعد يصلح ف شعره بيده بالك تقدر تسامحني ع عملتي ومشالهم
صابرين.. والله معاش قارية وبنكلم بوي يروح بيا
خنساء.. عشان موقف زي هذا ضيعي مستقبلك بالله صكري فمك
حسين.. السلام عليكم
صابرين.. قعدت تمسح ف دموعها وعليكم السلام
خنساء..بدون ولاكلمة
حسين.. يضايق فيكم الفرخ هذا من قبل ولاشي
صابرين.. لا بس
خنساء.. وانت شن دخلك
صابرين .. نخستها بارك الله فيك كان مش انت راهو مش عارفة شن دار فينا
خنساء.. شبحت للجيهة التانية
حسين.. تبو شي ولانقصكم شي كلموني
خنساء.. مانبو شي وجبدت صابرين من يدها
-------------------------------------------------
موسى.. أطلعو أطلعو تعالو عندنا
محمود.. كيف نطلعو ونسيبو حياشنا
موسى.. الحياش تتعوض
محمود.. والله امك قريب تطلع ف عقلها وتخش
موسى... اطلعو اطلعو ماعندكم ليش قاعدين
محمود .. من هنا لغدوة كان ماهفتو توا نطلعو
موسى.. ان شاء الله خير
------------------------------------------
زايد.. الدنيا مقلوبة وانت قاعدلي تسكر هنا
أمين.. خليني ف حالي
زايد.. تي نوض نوض هيااا أمك قداش ليها مشغولة عليك وانا معاش عندي كيف نغطي عليك
امين.. ناض وروح مع خوه
---------------------------------------------------
دعاء.. لاوالله ماعندك حق ف كلامك
خنساء.. مادخلي بيه ليش قاعد يتفلح
صابرين.. قشرتلي وجهي
دعاء.. والله الا عيب عليك ياخنساء راهو من علامة قوة الشخصية انك تقولي شكرآ وتتأسفى مش مادخلك متاعك هدي
خنساء.. ماقتله يجي يدافع عني
دعاء.. هذا لأنه راجل وشهم دار هكي أسمعي ياخنساء مش معناها كان أمين خدلك معناها كلهم هكي وعارفة بتقولي ان حسين دار ودار لكن هوا عارف انه غلطان ومعترف بغلطه ودافع عنك اليوم تعرفي مرات الولد هذا يبعتله جماعته ويقتلوه ماعنداش مشكلة
خنساء.. اياه يقتله
دعاء.. والله بجديات توا القتل زي صبلي نشرب راه
صابرين .. صح كلامها ولا يخطفوه ويعذبوه
خنساء.. حييي كان هذا
دعاء.. توا نتصل بيه وإعتدريله
خنساء.. خليها غدوة ف الكلية
دعاء.. غدوة تبدا بايخة توا هي مدامها ساخنة
خنساء.. شن يقربلك الشيطان توسوسي احرف منه
دعاء.. ههههه حيوانة ورنت ع حسين بس مقفل ها هذا كله لأنك مش راضية
خنساء.. خليها لغدوة وخلاص
دعاء.. اليوم يعني اليوم ولو مش توا بعدين
----------------------------------------------------
دلال.. باهي تعالو لدرج فيه حياش للإيجار راه
عزيز.. وين نجو ونخلو حياشنا
دلال.. بس حايتكم أهم
عزيز.. الموت وحدة وربي يستر
دلال..بعد عمر طويل ومعاش تجيب سيرة المووت
عزيز.. خايفة عليا
دلال.. سكتت
عزيز.. هههه تعرفي يادلال من أول ماشفتك ف عزاء جدك قلت هيا هدي ياعزيز الى دور عليها خلي تهدا الدنيا ونطلبك رسمي شن رأيك
دلال.. إي أحسن لأني مانحبش جو العلاقات
عزيز.. تم معناها مافيش داعي نحكو مع بعضنا كل يوم لعند يصير بينا شي رسمي
دلال .. تمام وكانت فرحانة لأنها حست ربي عوضها بعزيز
----------------------------------------------------
رانيا.. تبكي طلعونا مانبيش نموت انا
زهرة.. حتى أختي مفيدة طلعو اليوم
محمود.. غدوة يرفعوكم الشباب وانا بنقعد
خالدة.. شن تقعد كان انت ماطلعت انا مش طالعة
محمود.. كيف نطلعو ونخلو الحوش بعدين يخنبوه
خالدة.. انا قتلك لو انت ماطلعت انا مش طالعة
محمود.. استغفر الله وخلاص
----------------------------------------------------
داليا.. يما كلمي بوي بنخش للجامع
مديحة.. شن خطر عليك
داليا.. بنحفظ قرأن
مديحة.. ليش ماتقوليله إنتي
داليا.. بيقعد يلقح وماخاطريش نتعارك معاه
مديحة.. انتي خيرك يابنت ليك فترة مش عاجبتني
داليا.. ماخيرني شي
-------------------------------------------------
دعاء.. لاحول لله أمتى صار
صابرين.. خيرك
دعاء.. حسين تصاوب
خنساء.. كيف😨😨
-----------------------------------------
فاضل.. أميرة عندك ايميل خنساء
أميرة.. لاااا لكن تقريبآ عند خالتي حدهم
فاضل.. عند خالتي حدهم وليش انتي ماعندك
أميرة.. الحق فيا الى خبرتك وشن تبي فيها
فاضل .. مادخلك ورجع لداره فتح ع ايميل خالته وقعد يدور ف الأصدقاء شوف الغبية مدايرة إسمها وبعتلها طلب صداقة
-----------------------------------------------
خنساء.. تبكي هذا كله مني
دعاء.. يستر الله توا ادعيله يطلع من العملية بخير بس
يتبع
أنت تقرأ
صفحات ممزقة ( روايات ليبية )
Romanceللكاتبة : القطة الشريرة تتكلم عن بنت يعتبرها الناس معقدة و انطوائية و لا تملك اي صداقات و لكن عندما تجد الحب أمامها تتغير 180 درجة ؟ فهل التغير يفيدها ؟ و هل الحب صادق ام لا ؟ و ما نهايتها ؟ قصة جميلة جدا من داخل المجتمع الليبي 🔥
