#صفحات ممزقة
(قصة واقعية)
الحلقة(26)
بقلم.. القطة الشريرة
----------------------------------------------------
امين.. عمي بنقولك موضوع ونبيه بيني وبينك
موسى.. إن شاء الله خير قول
أمين.. الموضوع بخصوص خنساء
--------------------------------------------
ثريا.. خشت للمربوعة وينه هذا ورجعت للمطبخ
مفيدة.. خيرك رجعتي السفرة
ثريا.. فاضية المربوعة
مفيدة.. زايد ف الحمام وأمين بالك شن يدخل من سيارته
ثريا.. توا نطلع نشوفه
--------------------------------------------
موسى.. تمام باهي الى قتلي وكان معصب
أمين.. ماعندي فيه جميل ياعمي وانا خبرتك لأني خايف عليها
موسى.. ولد أصل بارك الله فيك
------------------------------------------
خنساء.. مش قادرة نركز يابنات وحدفت الشيتات
دعاء.. خيرك
خنساء.. نفكر ف الكلب أمين
صابرين.. فوتيه الحقير قداش ماحرقلي دمي
خنساء.. مش عارفة أمتى بنتريح منه ومن وجهه
دعاء.. تعرفي ياحبي هذا توا عرف قيمتك وعرف قيمته ويبي بأي طريقة يطلعك غلطانة
خنساء.. واطي لكن تعرفو صح نزعل منه ونسب فيه لكن ف من مرات نقعد نحنله نحن لأيام الإعدادي لما جاء عشان خاطري وقعد يلحق فيا للمدرسة
دعاء.. ماتنسى انه خانك
صابرين.. ايه مع اختك تاني وزوز تانيات
خنساء.. اي صح الواطي النسونجي حسبي الله ونعمة الوكيل فيه
------------------------------------------------
ثريا .. أمين ياأمين
أمين.. ياعيونه
ثريا.. تبسمتله حبيبي ستاحشتك
أمين.. حتى انا هلبة تعالي تعالي هاتي بوسة
ثريا.. لااااا توا تطلع ماما خليها لبعد الغداء
أمين.. عض ع شاربه ااخ منك
---------------------------------------------
مديحة.. نتغدو ونمشو نظفو الحوش متع خالتكم عيشة
رانيا.. نخست دلال حوش عزوزتك
دلال.. فنصت فيها
داليا.. كانت ع حالها شادة صلاتها والقرأن وقليل النادر ماتطلع تقعد مع البنات ومش معروف شن موضوعها بالزبط
----------------------------------------------------
دعاء.. هيا ننزلو للمطعم
خنساء.. ماعندي نية
صابرين.. هيا اليوم كسكسي بالحوت
خنساء.. جيبولي غدايا ونتغدو هنا ورن تلفونها هذا بابا
دعاء.. كان مايطلع الكلب أمين قاله شي
خنساء.. ماتخوفيني وردت
موسى.. هدي الثقة الى انا عطيتهالك هكي انا ربيتك
خنساء.. قلبها يدق ودموعها ينزلو والله يابابا الى وصلك الدوة الا يبي يفتن
موسى.. ولد عمك بيكذب عليك ولاشن
دعاء.. دافعي ماتسكتي
خنساء.. يابابا هذا الولد جابلي الشيتات باش نراجع فيهم لأنه يبيني نفهمه ف المادة وانا يابابا وقفت معاه قدام الناس كلها مش بروحنا والا ف حوش وبعدين يابابا هذو زملائي وانت تعرفهم هدو قرو معايا ف يفرن حسين..... وجعفر.......
موسى.. اها قوليلي هكي من الأول خلاص حصل خير
خنساء.. معناها اليوم تعال روح بيا كانك مش واثق فيا ومش عارف خنساء شن
موسى.. خلاص يابنتي انا مش قصة مش واثق فيك لكن خايف يضحكو عليك ولاد الحرام وحتى ولد عمك لما خبرني من باب خوفه عليك يعني لو عيلتك ماخافت عليك من بيخاف عليك
خنساء.. تبكي ومش قادرة تتكلم
موسى.. هيا عاد قلنا خلاص امسحي دموعك واقري كويس انا شايف روحي فيك راه
خنساء.. تمسح ف دموعها مرة تانية اسمع مني ومعاش تتهمني
موسى.. باهي باه وصلك الفتات
خنساء.. ايه وبنتعشو بيه انا والبنات
موسى.. اشيه اشيه باهي صحتين وسلمي ع البنات
خنساء .. يوصل وصكرو
دعاء.. الفاسد المنحط
---------------------------------------
أمين.. مقعمز يتغدا هوا وزايد رن تلفونه وشاف لرقم أووووو
زايد.. من
أمين.. بعد نكمل المكالمة توا نقولك وناض طلع
زايد.. ربي يهديك
أمين.. ياهلا ياهلا
خنساء.. انت حشرة وبتقعد طول عمرك حشرة يانذل وشكرآ لأنك أثبتلي انك عيل ومستحيل تولي راجل ونحمد ربي ليل نهار اني كشفتك ع حقيقتك
امين.. احترمي نفسك
خنساء.. أخرها تتبلا عليا يانجس تحسابني زيك نلقط ف الطايح لو انت ذبانة وتحب الكنايس فأنا مش زيك وحسبي الله ونعمة الوكيل فيك ربي ياخد منك الحق عاجل غير أجل ياواطي يانسونجي
أمين.. كملتي كلامك توا جاء دوري واسمعي كويس
خنساء.. صكرت عليه وع الحظر
صابرين ودعاء .. يضحكو قوية ياخنساء
خنساء.. تهز ف رجلها ومربعة ايديها نرفزني الواطي
دعاء.. خلاص مسحتي بيه فوتيه
----------------------------------------
زايد.. طلعت فرحان خشيت وجهك مايتفسر
أمين.. فتحله مسجل الصوت أسمع
زايد.. يسمع ومش فاهم شي مني هدي
أمين.. خنساء
زايد.. هههههه خنساء قالت الكلام هذا
أمين.. هز براسه فشلت يازايد
زايد.. كيف
امين.. خبرت عمي ع قصة الولد كنت نبيه يروح بيها كنت نبيها تقعد قدام عيوني باش نقدر نتأسفلها بس الخطة فشلت
زايد.. مابونيا ع بطل فهو باطل الخطة غلط ف غلط انت هكي قريب دمرت حياة البنت
أمين .. يمسح ف وجهه معاش عرفت كيف نتصرف
زايد.. خليها ف حالها وشد ف الى عندك وتمت
------------------------------------------------
عزيز.. سلمها الفالحة الى ضمت الحوش
دلال .. مش بروحي معايا امي وعمتي مفيدة ورانيا
عزيز.. المهم انتي معاهم
دلال.. خلاص وتيتو دبشكم كله
عزيز .. ايه غدوة بإذن الله حانكون عندك
دلال.. توصلو بالسلامة
------------------------------------------
ثريا.. منتهى مزال ساعة ويرجع بابا غطي عليا باهي
منتهى.. وين ماشية
ثريا.. عند حبي
منتهى.. فكينا من المشاكل
ثريا.. مش معطلة
منتهى.. خمسة دقايق بس
ثريا .. غير غطي عليا قتلك
منتهى.. تمام
------------------------------------------------
زايد .. يراسل ف نورة
امين.. انت ف من تكلم من ورايا
زايد.. ف حبي
امين.. تحب من ورايا
زايد..لا من الهاتف
امين.. من هيا هادي
زايد.. هدي ولانقولك لما نطلبها رسمي توا تعرفها
أمين.. باهي باه انا حبي تراجي فيا لكن لما نرجع توا تشوف حسابك
زايد.. فوتك توا يجيكم حد
امين.. هيا ضامنة الجو كله وطلع
ثريا.. كانت واقفة قدام الباب وتراجي فيه
أمين .. عطلت عليك
ثريا.. مسكاته من يده مش وقته الكلام هذا ورفعاته للمخزن
-----------------------------------------------
إبراهيم.. ماتشدها عليا تقريبآ عندي توا نوصل للحوش نفتشلك وان شاء الله نكون جبته
-------------------------------------------
جعفر .. لاععععع بعد هكي بع حسين يقرا
حسين.. مالا تبي البنت تقول عليا باكو ع الأقل نحفظ التعريفات والقوانين
جعفر.. هههههههه ربي يعاونك
حسين.. اقرا حتى انت مش تحشمني
جعفر.. مالقيت من من بنتحشم الا من الغوريلا
حسين.. هيييي تحشم ع وجهك
---------------------------------------------
أمين.. هبلتيني يابنت وقعد يبوس فيها وحوللها البلوزة متاعها
ثريا.. كانت مسلمة روحها لأمين
إبراهيم.. فتح الباب وخلاه مفتوح لأنه بيطلع ومشى للمخزن
ثريا .. حبي فيه صوت صح
أمين.. لااااا وقعد يبوس بيها ويتنهد
ابراهيم .. دف باب المخزن لإنه مايتسكر
----------------------------------------------------
خنساء.. مدت لدعاء ورقة
دعاء.. هذا شن
خنساء.. هدا جدولي قولي لجعفر يشوف جدوله ويرد عليا
دعاء.. تمام
خنساء.. رقمها يرن رقم غريب
دعاء.. مرات الكلب أمين
خنساء .. كان هوا بنسمعه وسخ ودانه
دعاء.. أفتحي المايك خلي نسمعو
خنساء.. فتحت المايك
المتصل.. الو خنساء بالله ماتسكري لين تسمعيني
خنساء.. هوا انت
يتبع
أنت تقرأ
صفحات ممزقة ( روايات ليبية )
Romanceللكاتبة : القطة الشريرة تتكلم عن بنت يعتبرها الناس معقدة و انطوائية و لا تملك اي صداقات و لكن عندما تجد الحب أمامها تتغير 180 درجة ؟ فهل التغير يفيدها ؟ و هل الحب صادق ام لا ؟ و ما نهايتها ؟ قصة جميلة جدا من داخل المجتمع الليبي 🔥
