صفحات ممزقة ( روايات ليبية )

حلقة 22🔥

#صفحات ممزقة
(قصة واقعية)
الحلقة(22)
بقلم.. القطة الشريرة
-------------------------------------------

خنساء.. تبكي هذا كله مني
دعاء.. يستر الله توا ادعيله يطلع من العملية بخير بس
صابرين.. ان شاء الله خير يارب
---------------------------------------------------
زهرة .. هيا يابنتي ضمي الحاجات المهمة والذهب كله هاتيه خلي نلفه ف حاجة ونحطوه تحت جتك
رانيا.. هييييي
محمود.. قاعد هوا وولاده
أمين.. مش ماشي أنا
محمود.. إنت اول واحد بتمشي تحساب ماوصلتني الدوا يلقو فيك دايخ ف الشوارع نحسابوك كبرت وبديت راجل عقلك ف راسك
أمين.. نزل راسه وقعد ساكت
محمود.. مافي حد قاعد كلكم بتمشو
-------------------------------------------------
دعاء.. ايوا جعفر شن صار
جعفر.. طلع من العملية وأموره طيبة
دعاء.. باهي الحمد لله وغدوة طمنا عليه بالله
جعفر .. إن شاء الله
خنساء.. واقفة جنب دعاء شن صار معاه
دعاء.. نجحت عمليته
خنساء.. حطت ايدها ع قلبها الحمد والشكر ليك يارب
صابرين.. الحمد لله
خنساء.. بنمشي نتوضا ونصلي ركعتين شكر
---------------------------------------------------
فاضل.. الفرخة هدي خيرها ماقبلت طلب الصداقة واطية وحدة أكيد دير ف جو انا ثقيلة وهكي لكن توا نوريها
----------------------------------------------------
ف الصبح
دعاء.. عيونك حالة يابنت
خنساء.. مارقدت بكل تقلبت تقلبت ماجاني نوم قلت نصلي قيام الليل وندعي لحسين ع الأقل ينقص إحساسي بتأنيب الضمير
صابرين.. باهي أرقدي شوي اليوم عندنا الساعة 11
خنساء.. لا مش نعسانة دعاء كلمي جعفر
دعاء.. مسكت تلفونها ورنت اهو يضرب
جعفر.. صباح الخير
دعاء.. صباح النور جعفر شن اخبارك
جعفر..الحمد لله وإنتي
دعاء.. ماشية بالله شن حال حسين اليوم
جعفر.. والله مزال مامشيتله أمس حطوه ف العناية وماسمحو لحد يقعد معاه وتوا بنمشيله بالك يطلعوه من العناية
دعاء..اها ان شاء الله خير باهي من جاء من ناسه
جعفر.. خوه الكبير بس
دعاء.. وين باقي ناسه
جعفر.. من عنده هوا بوه ميت الله يرحمه وأمه مجلوطة وخوته زوز ماتو ف الحرب وقعدله هذا
دعاء.. ياناري وماعنداش خوات
جعفر.. عنده وحدة تقريبآ راجلها مطلوب وهاربين برا ليبيا
دعاء.. ربي يكون ف عونه المهم توصل غادي طمنا عليه
جعفر.. ان شاء الله
دعاء.. تعالو نحكيلكم ع حسين ياناري يسخف
----------------------------------------------------
موسى.. وين وصلتو توا
محمود.. كيف بنطلعو من براك الشاطي
موسى.. مافتشكم حد
محمود.. العائلات لاااااا الحق
موسى.. توصلو سالمين توا نتابعكم الطريق كلها
محمود.. بارك الله فيك
------------------------------------------------
ثريا .. بنفسخ
منتهى.. شن جاك ع الصبح
ثريا.. قريب شهر ماعدل عليا ولادورني
منتهى.. مرات عنده عمل
ثريا.. عنده عزاه وحق ربي درهلي كبدي نتصل عليه يامقفل يايديرلي مشغول
منتهى.. بالك زعلتيه ف شي
ثريا.. لا زعلته ولاشي وتوا يشوف بما إنى ف طرابلس بنهيج ع كيف كيفي
------------------------------------------------
دعاء.. شن رأيكم نمشوله
خنساء.. بصفتنا شن نمشوله قعمزي وهني روحك
دعاء.. عادي زملاءه ف الكلية
صابرين.. لافكينا شني مسلسل سوري هوا
خنساء.. ايه نحنا ندعوله وخلاص
دعاء.. أقسم بالله انكم ناكرت الجميل هوا مسكين جاء دافع عنكم وعارف ان الموضوع فيه موت راه وانتو مستخصرين فيه زيارة
خنساء.. وخوه شن يقول علينا ان نحنا مش متربيات ولاشني
دعاء.. بالعكس خوه حايفرح يقول أهو عنده اصدقاء مهتمين بيه
خنساء.. أنا لاأستطيع نحسها بايخة وتوا تلقي حتى عمامه وخواله جو يعني مستحيلة يسيبوه
دعاء.. يابايخات خزي بنمشيله بروحي بنسق مع جعفر وبنمشي الله غالب صاحباتي مايفهمو ف الأصول
خنساء.. فتحت النت دبري راسك ولقت طلب صداقة من فاضل كان كاتب إسمه بالإنجليزي وحاط صورته وقبلت الطلب وبعتتله بوراسين خنب قرشين ف نص الليل ساعة 2😂😂😂 بس كان مسكر
---------------------------------------------------
موسى.. جايب اللحم والخضرة شن تبو تاني
مديحة.. نبو بطاطين زيادة ومخاد
دلال.. نبو حتى فراشات
موسى.. معناها البسي وإمشي معايا
دلال.. تمام لبست وطلعو
مديحة.. داليا ياداليا تعالي عاونيني
داليا.. قاعدة ع الصلاية بعد ماكملت صلاة الضحى وكانت تدعى
-------------------------------------------------
أمين.. رجعله الأمل إن خنساء تكون ليه لأن ربي قاعد يقرب فيه منها
عزو.. عمك عادل يسوق ع ال80
زايد وأمين.. هههههه
زايد.. ماتعرفه خايف ع السيارة ولاخايف من سارة
أمين.. انزل انت سوق عنه
عزو.. باش يقعد يهزب فيا قدام سارة
----------------------------------------------------
خنساء.. والله ماعندي نية ف المحاضرة
صابرين.. واضح عليك التعب هلبة
خنساء..خايفة من الفرخ متع أمس
صابرين.. اي حتى انا قلبي يدق
خنساء.. هيا جري للقاعة وبعدها نخشو للمكتبة لعند يجي الباص
صابرين.. هيييي
-------------------------------------------------
أميرة .. فاضل قاتلك أمك نوض باش تجيب القضية
فاضل.. حولي لين نقتلك يافرخة
أميرة.. ان شاء الله عمرك ماتنوض
فاضل.. فتح تلفونه وشاف رسالة خنساء وقعد يضحك والله فرخة وبعتلها تي باهي يابقرة توا نتحاسبو بعدين .
----------------------------------------------------
دعاء.. كانت طالعة من كليتها
متع الأمن .. وين ماشية
دعاء.. عيادة الأسنان وكانت حاطة ايدها ع فمها
طبعآ عيادة الأسنان كانت قريبة ع الكلية
متع الأمن .. تمام
دعاء.. اول ماطلعت زعما اما محل نمشيله وشن ناخدله هدية
----------------------------------------------------
محمود.. ايوا موسى اهو كيف خشينا لدرج
موسى.. خليك جنب القهوة السياحية جايكم هي
زهرة.. مبعدها هالدرج وووه
رانيا.. رجليا تنفخو من كثر القعاد
--------------------------------------------
مديحة.. هيا سخنى الزيت باش تقلي البطاطا
دلال.. تمام
داليا.. تقرض ف السلاطة
مديحة.. نطلع الصواني من المخزن ونجي
دلال.. داليا ردبالك من الزيت نحط البخور ونجي
----------------------------------------------------
خنساء.. وأخيرآ وتلوحت ع السرير
صابرين .. هيا نلحقو ع الغداء وبعدين أرقدي
خنساء.. مانبيش نبي نرقد بس
صابرين.. توا نجيبلك وجبتك معناها
خنساء.. تغطت ورقدت
----------------------------------------------------
موسى.. نورتو نورتو وسلم عليهم
محمود.. والله مانحساب فيه بلاد بعد الطريق هدي كلها
موسى.. هههههه سلامتكم سلامتكم وركب ف سيارته ولحقوه هما لعند درس جنب الحوش
عزو.. وأخيرآ
نزلو ونزلو دبشهم وستقبلوهم مديحة وبناتها
----------------------------------------------------
دعاء.. نزلت للداخلي وجري خشت للمطعم
فاطمة.. كانت مقعمزة ع الطاولة وتاخد ف اسماء الطالبات بسم الله خيرك يامنجوها
دعاء.. أسمعي نبيك ف خدمة ياحبي
فاطمة.. عيوني ليك
دعاء.. قعدت تحكيلها
فاطمة .. تمام
دعاء.. معناها خلي نتغدا لأنى جيعانة وبعدها ساهل
.......................................................
حسين.. كانت رجله معلقة ومسند ع السرير
جعفر.. خش عليه دعاء هدي عش لنم
حسين.. شافله خيرها
جعفر.. قالت تبي تجي تستحمدلك ع السلامة وانا نقوللها راهو كل مرة يجي حد صحابه ناسه لكن هيا شي شي دبرلي كيف
حسين.. تبسم بارك الله فيها
جعفر.. بس الى انت دور ف رضاها حتى بالكذب ماتعبت روحها وسألت عليك
حسين.. أنا مادرت هكي باش تسأل عليا
جعفر.. ايه ايه أقعد الا دافع عليها انت
حسين.. امتى بنطلع من هنا راهو قلقت
جعفر.. لين يجي الدكتور ونشوفو شن يقول
-------------------------------------------------
دعاء.. بطنى ااااااااه يابطني
صابرين.. قطعت صلاتها بسم الله خيرك
دعاء.. بطني بنمووووووت ااااااااااااه يابطني
خنساء.. تسمع ف صوت العياط وناضت خيركم شن فيه
دعاء .. ماسكة بطنها وتتقلب يمين ويسار بطني يما بطني
خنساء.. مشت جري للمشرفات
صابرين.. بدو دموعها ينزلو شن صارلك يادعاء شن كليتي اليوم
دعاء .. ماكليت شي غير الغداء
خنساء..تخبط ع دار المشرفات
فاطمة.. خوشي
خنساء.. فتحت الباب وهيا ترعش دعاء مريضة وبطنها وتعيط
فاطمة.. ناضت تجري مع خنساء خيرها زعما
خنساء .. مش عارفة الحق
دعاء.. ااااااه يابطني ااااااه
فاطمة .. دعاء خيرك ياحبي
دعاء بطني بطني وتبكي
فاطمة.. مسكت تلفونها الو ياعمي محمد بالله نبو الإسعاف ف طالبة مريضة هلبة
محمد .. تمام
فاطمة.. لبسوها وشاحها والبسي حتى انتي ياخنساء
صابرين.. قعدت تلبس ف دعاء
خنساء.. كانت لابسة من الكلية كاب رصاصي ووشاح بودري صلحت وشاحها وطلعو وهما ماسكين دعاء
محمد.. دخل الإسعاف للداخلي وحطو دعاء ع السرير
ايمن.. الغفير ركب معاهم
صابرين .. طمنوني بالله
خنساء وفاطمه ركبو مع دعاء
----------------------------------------------------
موسى.. هيا تفضلو
محمود.. فتات ياسلالام
موسى.. خنساء حشيشتها
محمود.. شن حالها المنجوها
موسى.. الحمد لله قريب تروح امتحاناتها ماقعد عليهم شي
أمين.. يسمع وفرحان
-----------------------------------------
محمد.. هيا وصلنا تقدر تنزل ولانجيبولها سرير
فاطمة.. تقدري تنزلي
دعاء.. ايه نقدر
نزلت خنساء هيا الأولة وبعدها نزلت دعاء وتسندت ع خنساء
محمد.. دخلهم راجو هنا توا يجي الدكتور
فاطمة.. تمام
جاء الدكتور وكشف ع دعاء وعطاها مسكن وكان بيركبلها التغدية
دعاء.. لاااا توا نركبها ف الداخلي
الدكتور.. تمام وان شاء الله لاباس
خنساء.. خيرك ماركبتيها ع الأقل طمنا عليك
دعاء.. بعد المسكن حالي باهي
محمد وايمن قعدو البرا ف السيارة
فاطمة .. معناها تعالو عندي صاحبتي هنا راقدة خلي نشوفها ماداما جينا
دعاء.. تمام هي
خنساء.. كانت ماشية وراهم
دعاء.. دارت رنة لجعفر
جعفر .. حسين حسين
حسين.. فتح عيونه نعم
جعفر ..دعاء جت
حسين.. رقيلي السرير
جعفر.. تمام
فاطمة.. خبطت الباب السلام عليكم
دعاء.. مسكت ف يد خنساء وجبدتها السلام عليكم
حسين وجعفر وعليكم السلام
خنساء.. قعدت مصدومه ووقفت ف مكانها
حسين.. تفجأ لما شاف لخنساء وقلبه قعد يرقص
دعاء.. الحمد لله ع سلامتك
فاطمة.. خنساء ماتبيش تسلمي ع زميلك
خنساء.. بصوت ياذوب طالع الحمد لله ع سلامتك
دعاء.. توشوش لفاطمة طلعي الهدية
فاطمة.. طلعتها ومدتها لدعاء
دعاء.. هدي هدية من خنساء
خنساء.. الدنيا دور بيها وتشوف لرجل حسين المعلقة وعيونها يلمعو بالدموع
دعاء.. غير هيا متحشمه تمدهالك
حسين.. خدا الهدية بارك الله فيها ليش متعبة روحك
فاطمة .. هيا يابنات خلو الولد يرتاح
دعاء.. ان شاء الله لاباس عليك
وطلعو
خنساء.. كانت طول الطريق ساكته
---------------------------------------------------
أمين.. قعد يدور ف الحوش ويتاخيل ف خنساء بعد ماترجع
زايد.. تصل بنورة وطمن عليها
-----------------------------------------------
خنساء .. فتحت الباب بقوة وقعدت تبكي
صابرين.. خيرك شن فيه ووين دعاء
دعاء .. خشت بعد خنساء
خنساء.. مش مصدقة انك حطيتيني ف موقف تافه زي هذا
دعاء.. ليش تبكي باه مادرت جريمة انا
خنساء.. كيف مادرتي جريمة عاجبك منظري خاشة ع الولد
صابرين.. سكرت الباب ستهدو بالله وفهموني خيركم
خنساء.. الفالحة هدي الى رعشتنا عليها طلعت مدايرة خطة باش ترفعني عند حسين
دعاء.. قصدي شن فيها كان فرحتى الولد بعد مادافع عنك
خنساء.. كيف شن فيها حسيت بروحي حشرة لما خشيت عليه بالطريقة هدي انا مانحبش حد يحطني تحت الأمر الواقع لما قتلك مانبيش نمشيله يعني مانبيش
صابرين.. نقصو حسكم يسمعو فيكم بنات القاطع
دعاء.. اصلآ الحق فيا أنى الى نساعد فيك باهي
خنساء.. طلعت من الدار لأنها ماتبيش تغلط ف الدوة
دعاء.. ان شاء الله بكل
----------------------------------------------------
جعفر.. خيرك مافتحت الهدية
حسين.. لأنها مش منها
جعفر.. كيف
حسين.. يعني الهدية من دعاء مش من خنساء
جعفر.. كيف عرفت
حسين.. واضحة انت شفتها اول ماخشت كيف نصدمت وقعدت واقفة ف مكانها
جعفر.. رسمي انا بروحي لاحظتها
حسين.. واضح انها نحطت تحت الأمر الواقع
جعفر.. شكلها دعاء داهية لكن مشعارفة شن خلط خنساء عليها
حسين.. غير تشوف فيها هكي انت راهي بنت كويسة
---------------------------------------------------
فاضل.. شن حالك ياميما
أمنة .. الحمد لله وانت
فاضل .. الحمد ياميما
حدهم.. مدتله طاسة قهوة وين امك
فاضل .. أمي ف الحوش
حدهم.. غدوة ماشية انا وخالك نجيبو خنساء تمشي معانا
فاضل.. هديكا تبي كانتر ترفعها
حدهم.. ههههه حرام عليك هديكا خنساء زمان تبي كانتر توا بدت اضعف منك
فاضل.. ف هدي عندك حق
حدهم .. معناها متفاهمين
يتبع