صفحات ممزقة ( روايات ليبية )

حلقة 16🔥

#صفحات ممزقة
(قصة واقعية)
الحلقة(16)
بقلم.. القطة الشريرة
امين.. خش لأمه ف المطبخ أسمعي يما أخطبيلي ثريا بنت خالتي مفيدة
زهرة.. بسم الله شن جاك ع الصبح
أمين.. شي شن قلتي
زهرة.. نكلم أمها ونشوفها شن تحساب انت الموضوع طول طول
أمين.. استعجليلي بالله عليك
رانيا.. صباح الخير
امين وزهرة.. صباح النور
رانيا.. شن منوضك انت زي الجن
زهرة.. حالم بثريا
رانيا.. خيرها ثريا
أمين.. قلت لأمك تخطبهالي
رانيا .. شن هوا بتخطب ثريا
زهرة.. خيرك نقصي حسك
رانيا.. توا تمو البنات لين بتاخد دراه الكبد
زهرة .. تحشمي
أمين.. مادخلك انتي وزي ماقتلك يما نظمي الموضوع بسرعة
----------------------------------------------------
خنساء .. قعمزت جنب صابرين وقعدت طلع ف المدكرة من الشنطة وحست بحد قعمز جنبها ولما رفعت عيونها نصدمت انت شن دير هنا
حسين.. انتي الى شن ديري هنا
خنساء.. مادخلك+ المدرج واسع قعمز بعيد
حسين.. للأسف المدرج معبي ومافيش الا المكان هذا
صابرين.. منو هذا
خنساء.. نوضي خلي نحولو من هنا
الدكتور ناصر..السلام عليكم
صابرين .. قعمزي توا الدكتور يعيط علينا
خنساء.. قعمزت طول
حسين.. شافلها وتبسم ع جنب
خنساء.. قارنة حواجبها
صابرين.. منو هذا
خنساء.. كتبتلها ع المدكرة توا نحكيلك بعدين
---------------------------------------------------
مفيدة.. خلي نسألها ونسأل بوها ونرد عليك
زهرة.. إن شاء الله المهم شن حالك انتي وشن حال صحتك
---------------------------
رانيا.. اقسم بالله يادلال قهرني
دلال.. ليش قهرك هذا من حقه
رانيا.. انتي شفتيها كيف حركاتها وبرادتها
دلال .. هوا يبيها يدبر راسه
رانيا.. توا بتبدا تدلع علينا
دلال.. طنشيها
------------------------------------
الدكتور بعد ماخدا الأسامي تفضلو تقدرو تطلعو
خنساء.. وأخيرآ بسرعة أطلعي
حسين.. خنساء نقدر نحكي معاك
خنساء.. لاطبعآ ومزال نشوفك ف طريقي نكلم بابا يكلم بوك ونديرلك فضيحة
صابرين.. ليش الكراسي ضيقات الواحد يقعد يمشي بالجنب
خنساء.. طلعت ورا صاحبتها
حسين.. غير كان تسمعني بس
صابرين .. منو هذا
خنساء.. هذا فرخ قليل ادب ايام كنت نقرا ف الشهادة الاعدادية بداية السنة نادني وقالي تبيك الأبلة ف الفصل انامشيت نجري واول ماخشيت الفصل لقيته معبي ولاد فصلي وهوا كان وراي اول ماتلفتت ورايا هوا باسني
صابرين.. حييييي ع فمك
خنساء.. لا ع خدي وقعدو الولاد يضحكو منها وانا حالتي حالة وتعقدت ونوض نتخلع
صابرين.. وقلتي لناسك
خنساء.. والله ماقدرت كنت خايفة نحكي لحد ومايفهموني وهوا حايشهدو معاه صحابه
صابرين.. والحقير بكل وقاحة مقعمز جنبنا
خنساء.. هيا نمشو للمصوراتي نصورو الشيت فكينا من سيرته
صابرين .. هياااااا
-----------------------------------------
دلال.. قالو أمين بيخطب ثريا
داليا.. وهيا تقرض ف البصل شن هوا
مديحة.. شافتلها خيرك
داليا.. شي غير ستغربت
مديحة.. ربي يهنيه
داليا.. دلال تعالي حطي انتي الغداء حسه راسي يوجع فيا
دلال.. لكن العشاء عليك مادخلني فيك
داليا.. تمام وخشت جري لدار مسكت تلفونها ورنت ع أمين
امين.. وبعد الرنة الخامسة نعم
داليا.. انا شن قتلك ع تريا
أمين.. قلتي لاماقلتي مادخلك فيا
داليا.. صوركم عندي
امين .. نقعيهم وأشربي ميتهم وحتى انا عندي رسايلك متع تعال للسطح نبيك اسمعي ياداليا امسحي رقمي والا قسمآ بالله حاتشوفي شي عمرك ماشفتيه
داليا.. حقير وواطي وسكرت عليه
أمين.. كان بينفجر مش قادر يتحمل فكرة ان خنساء قررت تكمل حياتها من غيره وكان يتخيل فيها وهيا مبسوطة من غيره وناسياته
---------------------------------------
خنساء.. هدي أمي ترن عليا الو
مديحة.. صباح الخير
خنساء.. صباح النور كيف حالك يما
مديحة.. الحمد لله كيف حالك انتي مشيتي للكلية
خنساء.. اي قبل شوي طلعت من المحاضرة
مديحة.. صقع لابسة كويس
خنساء اي شن حال بابا
مديحة.. حاله باهي كويس
خنساء.. الباص جاء يما نحكو بعدين
مديحة هيا بالسلامة
دلال.. راجي ماتسكري بنقوللها حاجة الو خنساء
خنساء.. خيرك بسرعة
دلال.. امين بيخطب ثريا
خنساء.. شني شني من قالك
دلال.. رانيا خبرتني
مديحة.. تقرص ف بنتها ليش خبرتيها
خنساء.. عيونها تجمعو فيهم الدموع
صابرين.. خنساء هيا الباص بيمشي
خنساء.. هيا باي
دلال.. باي
مديحة .. اللسان يبي القطع
دلال.. ماقدرت مانخبرها
_____________________________
مفيدة.. خشت ع ثريا ف الدار عندي ليك بشارة
ثريا.. خير ان شاء الله
مفيدة.. أمين قال لخالتك أخطبولي ثريا
ثريا.. كانت فرحانة هلبة
مفيدة.. بنكلم بوك بعدين انتي شن رايك ف الموضوع
ثريا.. سكتت ونزلت راسها لوطة
مفيدة.. معناها موافقة صح
ثريا .. هزت براسها
------------------------------------------
ف الباص
صابرين.. امسحي دموعك يشبحو فيك
خنساء.. تمسح ف دموعها بغل
صابرين .. تحملي اهو وصلنا للداخلي
وقف الباص
نزلو صابرين وخنساء بسرعة وركبو للدار
دعاء.. كيف نايضة تتكسل خيركم
خنساء.. حدفت شنطتها الحقير الخاين امس كان يترجى فيا باش نسامحه واليوم خطب واحد واطي نبي نقتله نبي ندبحه
صابرين.. دموعها ينزلو مع خنساء خلاص حبيبتي اسكتي خلاص
دعاء.. خليها تبكي ع راحتها
خنساء.. قعمزت ع السرير وحطت ايديها ع وجهها وقعدت تبكي وتشهق
دعاء.. أبكي ابكي هوا توا فرحان وعايش اللحظة وانتي ابكي توا هوا يكلم فيها ويتمعشق معاها وانتي ابكي
صابرين.. ليش تزيدي فيها انتي
دعاء.. نوعي فيها ليش تبكي ع حد مايستاهل
خنساء.. حولت ايديها ع وجهها ولبست نظارتها وبصوت مخنوق عندها الحق لكن مجروحة ياناس مش قادرة ننسى
دعاء.. انتي لازم تنتقمي منه
صابرين.. ماتلعبي براس البنت
خنساء.. لا مانبيش حسبي الله ونعمة الوكيل تكفي وتوفي
دعاء.. لاانتقمي منه بأنك ادللي نفسك وفتحتلهم النت وع قوقل كتبت كيف تنتقمين من حبيبك الى خانك
خنساء .. قعدت تقرا وصابرين الله طرق حلوة هدي
دعاء.. يلا امسحي دموعك وخلي نمشو نتغدو وبعدها نفدو الخطة رقم 1
خنساء.. تم غيرو دبشهم ونزلو للمطعم خدو وجباتهم رز بالبصلة وطرف دجاجة وتفاحة ومشروب ببسي تغدو وركبو للدار جري
دعاء.. الخطة رقم 1 تغيري من مظهرك وفتحت شنطتها متع الملابس وطلعتلها سروال بيج وبلوزة خضرة البسيهم
خنساء.. لاااا دبشك
دعاء.. ماهو توا ماعندنا فرصة لغدوة نكلم عمي محمود متع الباص يحطنا ف محلات زوز ونص
صابرين.. عادي قصدك
دعاء.. هوا الحق يساعد فينا هلبة ومتفهم
خنساء .. تمام غمضو عيونكم خلي نلبس هيا افتحو
صابرين.. شهقت الله خنساء محلاها عليك
دعاء.. طالعة عليك من غادي
خنساء .. تشوف لروحها ف المراية حق حلوة
دعاء.. معناها من غدوة تلوحي عليك اللبس الى عندك وتلبسي حاجة حلوة ومناسبة لسنك
خنساء .. تم
صابرين.. كانت فرحانة لخنساء هلبة
محلاها الصاحبة الى هكي
------------------------------------------
أمين.. وهوا خاش للحوش زعما سمعت خنساء بالموضوع لكن كان ماسمعت اليوم بتسمع غدوة وتوا تشوفي زي ماعشتي حياتك انا بنعيش حياتي
-----------------------------------------------
دعاء.. الخطة 2 للإنتقام من الحبيب الخائن واشرت لمعداتها من شمع ومقص ومبرد اظافر وزمالطو
صابرين.. لاااااااا مش لهدرجة
دعاء.. والله تنظيف لوجهك بس مش حانقرب حاجة تانية
خنساء.. لا هكي راضية انا
دعاء.. غير انتي جربي ولو ماعجبك نفوتك اقسم بالله
خنساء.. لكن حواجبي لااااا تسمعي
دعاء.. حاضر
خنساء.. رقدت ع رجل دعاء
صابرين.. ربنا معاكي ياحبيبت ألبي
دعاء .. بدت ف شغلها
-------------------------------------------
مفيدة.. يعني نردو عليهم
إبراهيم.. لو بنتك موافقة ماعنديش مشكلة انا
مفيدة.. معناها غدوة الصبح نرد عليهم
ابراهيم .. ديري رايك
---------------------------------------
صابرين.. اقسم بالله طالعة تهبلي
خنساء.. عطوني مراية بالله
دعاء.. خودي هي
خنساء.. توا هدي انا قصدكم
دعاء.. حتى هوا شن طلعنا منك لكن عيونك حلوات من غير نظارة تعالي معايا نوضي
خنساء.. وين
دعاء.. المشرفة صاحبتي اكيدا تعرف وين يغيرو ف اطار النظارة ومشولها
صابرين.. صحة ليك تعرفي الناس كلها هنا
دعاء.. حتى انا كنت زيكم نتحشم لكن لو مادرتي شخصية لنفسك مستحيل حد يديرهالك اهو وصلنا وخبطو ع الباب
فاطمة.. تفضلو
دعاء.. فطومة ياحبي وسلمت عليها
فاطمة .. شن جوك وعرفينا
دعاء .. صاحباتي صابرين وخنساء
فاطمة .. بالجودة
دعاء.. خلينا من التعارف قتلك نبي وين يغيرو ف اطار النظارات بنغيرو لهدي
فاطمة.. عندي بنت عمتي تكشف بالكمبيوتر وعندها اطارات
دعاء.. ياسلالالام معناها وصلنا حبي
فاطمة.. تبو نكلمهالكم
دعاء .. ياريت وخليها تساعدنا بالله
فاطمة.. تمام توا نشوفها وكان عادي نرفعكم معايا غدوة
دعاء.. اي بالله اصلآ نحنا هكي هكي غدوة عندنا طلعة للمحلات
فاطمة.. خدت التلفون وكلمتها
-----------------------------------------
ثريا.. كانت فرحانة بطير وتراجي ف مكالمة أمين بالدقيقة
----------------------------
زايد.. خيرك يانورة متغيرة
نورة.. لاعادية جدآ ونتصرف معاك كاصديقة زي ماإنت تبي
زايد.. المهم مش زعلانة مني
نورة.. أبدآ وليش بنزعل
زايد.. باهي تمام
نورة.. هيا تصبح ع خير مانقدرش نسهر اليوم
زايد.. تمام براحتك وصكر وقعد يفكر ف نورة زعما حبت حد تاني
-------------------------------------------
دعاء.. الخطة رقم 3
-يتبع