#صفحات ممزقة
(قصة واقعية)
الحلقة(19)
بقلم.. القطة الشريرة
----------------------------------------------
زهرة.. تعيط ان لله وان اليه راجعون
رانيا.. اااه ياجدي وين مشيت وخليتنا
خالدة.. لاحول ولاقوة الا بالله لاحول ولاقوة لا بالله
طبعآ إدريس توفى الله يرحمه جاته سكتة قلبية
------------------------------------------------
مديحة.. هيا بسرعة حطو دبشكم كله
دلال.. وهيا تمسح كلمو خنساء
مديحة.. بوك قال بيكلمها
داليا.. احسن حاجة متت ياجدي ع الأقل جت المشية بسرعة
---------------------------------------------------
خنساء.. هيااا نوضي هذا ماهو جاي
صابرين.. الفرخة دعاء وين زعما
خنساء.. توا تلقيها مطيحة نص ولاد الكلية
وطلعو من المدرج
صابرين.. الو دعاء انتي وين
دعاء.. ف الكافتريا تعالو ألحقوني
صابرين .. تمام
خنساء.. الفرخ حسين واقف غادي مانبيش نمشي جيهته ورن تلفونها هذا بابا
موسى.. السلام عليكم
خنساء.. وعليكم السلام كيف حالك بابا
موسى.. الحمد لله تمام وين انتي
خنساء.. ف الكلية
موسى.. عندك محاضرة توا
خنساء.. الدكتور مزال ماجاء
موسى.. نحنا كيف طالعين لأوباري وتي دبشك بنفوت عليك
خنساء.. ليش شن فيها
موسى.. جدك
خنساء.. شهقت ماات
صابرين.. نخلعت من مات
موسى.. إدعيله بالرحمة
خنساء.. بدت تبكي ومدت التلفون لصابرين
حسين.. قعد يشوفلها ومش فاهم شي
صابرين.. ايوا عمي موسى
موسى.. بالله يابنتي ردبالك منها
صابرين .. باهي إن شاء وصكرت
خنساء ..حاطة ايديها ع وجهها وتبكي بصوت
تجمعو عليها البنات خيرها شن فيه
صابرين.. جدها مات
قعدو البنات يصبرو فيها
صابرين.. خبرت دعاء وجتهم جري
حسين.. قعد مشغول ومش فاهم شي
دعاء.. هيا الباص جاء
ركبو البنات ومشو للداخلي
----------------------------------------------------
امين.. يمسح ف دموعه
والحوش بدا يزحم
عادل.. الظهر قريب ندفنوه ولاشن
محمود.. لاخليها للعصر باش يلحق خوك ويشوفه
عادل.. هلبة للعصر راه
محمود.. خوك يبي يشوفه
---------------------------------------------------
موسى.. درس جنب الداخلي وتصل بخنساء
صابرين ودعاء ..نزلو معاها الدبش
دعاء.. عارفة مش وقته الكلام هذا لكن الفرخ امين ردبالك تعطيه وجهه وخليه هوا يعزيك وردبالك تنقهري من حركاته
صابرين.. اي صح راهو لما تبدي جنبه مش زي ف التلفون
خنساء.. ان شاء الله
صابرين .. اهوا عمي موسى
خنساء.. حضنت بوها وقعدت تبكي
نزلت مديحة ودلال وسلمو ع البنات وتوكلو
دعاء.. تمسح ف دموعها بتخلي مكانها
صابرين.. اي صدقتي
----------------------------------------------------
الرجالة.. شدو العزاء ف حوش أخت خالدة الى هوا حوش نورة وعزيز
عادل.. العصر بيأذن وخوك مزال ماوصل
محمود.. مسك هاتفه أيوا موسى وينك
موسى.. كيف خشيت لأوباري
محمود .. تمام هي
عادل .. شنو
محمود.. كيف خش لأوباري
أمين.. مقعمز ف الشارع هو والشباب
موسى.. عياط النساوين فكوني منه جو تخشو تريشو وتتعايطو مانبيشي
مديحة.. ان شاء الله
موسى.. درس السيارة جنب حوش بوه
أمين.. ماكانش يعرف ان خنساء جاية
زايد.. عمي موسى وصل وناض هوا وامين وعزيز وعزو قربو من السيارة
موسى .. نزل وقعد يسلم عليهم ويعزو ف بعضهم
نزلت .. مديحة ودلال وداليا وسلمو عليهم وعزوهم
عزيز.. عيونه ع دلال اول مرة يشوفها
داليا.. كانت تشوف لزايد
خنساء.. هيا اقلبو وجوهكم خلي ننزل وسيارة بوها كانو رواشنها مظلمات وقعدت تشوف لأمين بس مافيش ف قلبها تجاهه الا احساسها بالكره
موسى.. هيا انزلي ياخنساء وقالها بعياط
أمين.. حس بلقبه قعد يدق
خنساء.. كانت لابسة كبوط اسود وسروال اسود ووشاح ازرق كحلي وسبيدرو ازرق كحلي ف الابيض فتحت باب السيارة ونزلت من جيهة امين
أمين.. قعد يشوفلها عيونها من غير نظارة وجها المنور كل شي فيها متغير لبسها طريقة لفها للوشاح مش نفسها خنساء الأولى
خنساء.. السلام عليكم
كلهم.. بنظرت استغراب من منظر خنساء وعليكم السلام
خنساء.. من بعيد البقاء والدوام لله
كلهم.. عزانا واحد
موسى.. الله اكبر العصر يأذن هيا هيا ومشو للحوش التاني
اما.. مديحة وبناتها خشو للحوش وكان معبي وقعدو يعزو
------------------------------------------------
أمنة(أم مديحة ) وين خوتك ياحدهم
حدهم .. امجد ف المربوعة وعبد السلام طلع
أمنة.. قوليلهم نبي نمشي نعزي
حدهم .. وين تمشي يما وانتي مريضة
أمنة.. مابيا شي نمشو ف الطيارة
حدهم.. غادي زحمة تزيدي تمرضي
أمنة.. بنمشي يعني بنمشي
حدهم.. تفاهمي انتي وولادك
--------------------------------------------------
أمين.. كان طول الجنازة يفكر ف منظر خنساء
زهرة.. دفنو توا
وناضو يتعايطو من جديد
خنساء.. كانت مقعمزة جنب رانيا ودلال
ثريا.. ماسكة تلفونها وترن ع أمين
امين.. فصل عليها
ثريا.. تعرفو من بكري نتصل بأمين مايردش مزال ماعزيته
خنساء.. بدون ولاردة فعل لأنها تبكي ع جدها
رانيا.. هالفرخة كلمة تانية وبنوض نقلبها ع راسها
دلال.. فوتيها مادوريش
--------------------------------------------------
دعاء.. الوووووو
حسين.. الو
دعاء.. حسين صح
حسين.. ان شاء الله
دعاء.. انا الى بكري خديت رقمك
حسين.. بجديات نراجي فيك من بكري تتصلي بالله خيرها خنساء تبكي بكري
دعاء.. مسكينه جدها مات
حسين.. الله يرحمه
دعاء.. اللهم امين وبكري جو ناسها رفعوها لأوباري
حسين.. باهي كويس
دعاء.. توا قولي شن تبيها خنساء وليش تبيها تسمعك
حسين.. هكي موضوع بيني وبينها
دعاء.. انت تحبها ولاشن احكيلي راهو سرك ف بير ومرات نساعدك
حسين.. انا بنحكيلك ونشوف شن تقدري ديري
---------------------------------------------------
خنساء.. غيرت ولبست توتا سودة وحولت الوشاح وقامت شعرها الفوق وخدت المكنسة وبدت تكنس
ثريا .. تراقب فيها وقريب تاكلها بعيونها
نسيبة.. محلاها خنساء كيف بدت
دلال.. ههه اي بدت زي بنات المدينة
داليا.. كانت طالعة خاشة وتراجي ف زايد يجي
أمين .. فتح الباب وكان مدخل صناديق الحليب وشاف لخنساء كيف نازلة من الدروج
عزو.. خيرك واقف هيا خش
أمين.. خش وحط الصناديق
عزو.. خنوس شن الجو بكري ماسلمنا كويس
خنساء.. تمام الحمد لله
عزو.. نادي لأمي خلي تقوللنا شن ناقص تاني
خنساء.. تمام هي
--------------------------------------------------
فات اليوم الاول كله تعب ف تعب
ف الصبح
ناضو .. البنات فيسع ودارو الفطور للعزايز الكبار
خنساء.. والله انتو كلاب مرقديني مع العزايز الى تشخر والى تكشكش ف كيس الدواء والى تنوض فيا باش نوصلها للحمام
سارة.. هههههه وانتي ليش راقدة معاهم
خنساء.. ماحصلت مكان
دلال .. ربحتي فيهم أجر
زهرة.. هيا بسرعة يابنات
سارة .. هيا هي
رفعو البنات الفطور وقعمزو يفطرو
خنساء.. كانت تحكيلهم ع جو غريان وع صابرين ودعاء
والبنات .. منسجمات معاها
مفيدة.. ثريا ياثريا نوضي حشمتينا البنات كلهم ناضو الا إنتي
ثريا.. مزال يما خليني نرقد
دلال.. هيا بنات كل وحدة تشد حاجة ف الحوش وضمها باش نكملو فيسع
البنات تمام ووزعو المهام بينهم
----------------------------------------------
زايد.. وين ماشي انت
عزو.. بنمشي نفطر ف الحوش
زايد.. تحشم ع وجهك الحوش معبي
عزو.. بنشبع بطني وعيوني امالا
أمين.. ههههههه بنمشي حتى انا
عزيز.. انت عندك ليش ماشي تكثر ف الزحمة
----------------------------------------------
مديحة.. داليا ياداليا عندك رصيد باش تكلمي بوك
داليا.. من يعبيلي فيه انتي ولاراجلك
مديحة.. دلال عندك رصيد نكلم بوك
دلال.. لا والله ليش خيره
مديحة.. أمي جاية هيا وخالتك حدهم وخوالك
دلال.. الله قداش ستاحشتهم
مديحة.. دبرولي ف رصيد خلي نكلم بوك يستقبلهم ف سبها
دلال.. شوفي خنساء
خنساء.. طبعآ ستلمت الجنانات الخلفي والقدامي وقعدت تنظف فيهم
عزو.. هيا هجوم وخشو من الباب الخلفي
دلال.. بسم الله الرحمن الرحيم شن دير هنا
عزو.. نحنا عصابة هيا خشو ياشباب
دلال.. تشوفلهم وتضحك مبردكم وخش عزيز
عزيز.. السلام عليكم
امين.. باش يقولو محترم
دلال.. قعدت تضحك
عزو.. بالله بنت عمي راهو مافطرنا دب القبيلة زايد مالحقنا معاه شي
زايد.. ضربه ع راسه بطل كذب
دلال .. خشو للمطبخ توا نديرلكم فطور
-------------------------------------------------
مديحة.. ايوا ياموسى
موسى.. نعم
مديحة.. امي وخوتي جاين ويبوك تستقبلهم ف سبها
موسى.. اياه علينا امك وين تبي جاية
مديحة.. بارك الله فيها الحق
موسى.. خلاص خلاص بتمشي إنتي ولاكيف
مديحة.. ماتسدنا السيارة
موسى.. توا نشوف حد يمشي معانا
مديحة.. تمام وصكرت يقول كلمته الى زي السم وبعدها يدير ف روحه يقدم ف الخدمات
--------------------------------------
صابرين.. وين تخممي انتي
دعاء.. تعرفي خنساء لازم تسمع لحسين
صابرين.. ليش لازم يعني
دعاء.. لأن الولد هذا راجل بجديات
صابرين.. وانتي كيف عرفتي
دعاء..توا تجي خنساء ونقولك
--------------------------------------
مديحة.. صحة صحة ياشباب
كلهم .. سلمك
مديحة.. اهو تلفون خنساء وحطاته ع الطاولة اعطيهولها
دلال.. تمام شن قالك بابا
مديحة.. قال باهي
زهرة .. خنساء بالله جيبي حليب للنساوين الى جو توا
خنساء.. تمام وكانت ماشية للمطبخ
امين.. يسمع ف تلفون خنساء يضرب وجاه فضول يعرف من الى يتصل
رانيا.. شافت للتلفون وضحكت وين خنساء قولولها كبيدتي يتصل بك
عزو.. هههههه بجديات والله سنفور غضبان مش هوين
دلال.. احم احم نحن هنا
خنساء.. كانت لابسة سروال اسود وفانليااا عنابيه عندها رقبة وشعرها كان مرخي ومفتوح شوي وخشت للمبطخ بس رجعت ع وراها لما شافت الشباب
رانيا.. خشي مافي حد غريب
خنساء.. ديري حليب للنساوين وأرفعيه
عزو.. خنوس غير تعالي نبيك انا ف موضوع
خنساء.. وقفت ع الباب خيرك شن فيه
أمين.. يشوف لخنساء ومش قادر ينزل عينه من عليها
زايد.. نخسه وضحك
عزو.. كبيدتك يتصل من بكري
خنساء.. حطت ايديها ع وجهها بعفويه من سمحلكم تلمسو هاتفي
عزو.. ماتنسي منو هذا قولي
خنساء.. سر
زايد.. خلو البنت ف حالها
دلال.. انا نبي نعرف لأني أختها واول مرة نسمع بالقصة
خنساء.. انتو شن دخلكم هوا قالي ماتقوليش
أمين.. قرن حواجبه
عزيز.. من هوا الى بيحب وحدة زيك
خنساء.. مادخلكش
عزيز.. هذا شن حافظة شكلك
رانيا.. وراس بنيت عمي قولي وبدا تلفونها يرن
دلال.. أهوا وخطفت التلفون
خنساء.. لااااااا هاتي بالله
رانيا.. قولي
خنساء.. هاتي نرد عليه قدامكم ونعرفكم عليه
رانيا.. أعطيها
خنساء.. خطفت التلفون وردت الو حبي
عزو.. شرق وقعد يكح
أمين.. ماسك طاسة الشاهي وضغط عليها هلباااااا
خنساء.. فتحت المايك وكان صوت دعاء
عزو.. ناض يجري قوليلها عندي ولد عمي اعزب وجاد للزواج
دعاء.. مني هذا
عزو.. خطف من خنساء التلفون انا المارد السحري شبيك لبيك عزو بين ايديك
عزيز.. اصلآ قتلكم من بيقبل بيها
خنساء.. قصدك قلو التريس وكثرو العويل
زايد.. لاهكي إهانة يابنت العم ونحنا مش عاجبينك
خنساء.. والله انت ياريت ف منك عشرة يازايد
أمين.. شافلها وحاس إنها تلقح عليه
زهرة.. خشت عليهم وهيا معصبة ساعة باش تجيبو الحليب الناس تجي وتمشي من بكري
رانيا .. هيا هيييي
خنساء.. قعدت دور ف عزو باش تاخد تلفونها
----------------------------------------------
موسى.. ايوا
مديحة.. شن صار
موسى.. هيا أطلعي
مديحة.. لبست فرشيتها
دلال .. يما بنمشي معاك
مديحة.. ماحد يمشي قعمزو وهنو رواحكم
---------------------------------------------
نورة.. أهلين حبي شن حالك
زايد.. تمام وإنتي
نورة .. الحمد لله
زايد.. بكري جيت فطرت لكن ماشفتك
نورة.. كنت بنطلع باش نشوفك لكن قالو حتى عزيز معاكم بطلت
زايد.. ان شاء الله يفوت العزاء نكلم أمي ع موضوعنا
نورة.. تحشمت وسكتت
زايد.. هيا حبي انا ماشي مع عمي لسبها توصي شي
نورة.. سلامتك وردبالك من روحك
زايد.. نحبك
نورة.. نموت فيك
----------------------------------------------
دلال .. بالله يما ارفعيني انا بس
مديحة.. كلمي بوك ودبري راسك انتي وياه
دلال.. خنساء عطيني نكلم بابا
خنساء.. مش تعطلي عندي دراهم نبيهم
دلال تمام ورنت ع بوها
------------------------------------
موسى.. اي عادي اصلآ ماشيين سيارتين مع زايد
دلال .. تم
مديحة.. شن قالك
دلال.. قال عادي ماشيين سيارتين ومعاه زايد
داليا.. سمعت بإسم زايد حتى انا ماشية
مديحة.. معناها خنساء أقعدي سلم بنتي وعاونيهم هنا
خنساء.. أصلآ مش ماشية
-----------------------------------------------
أمين.. نبي نكلمها لكن كيف مش عارف خلي تهفت الزحمة وتروح ثريا باش ناخد راحتي
----------------------------------------------------
فاتو ايامات العزاء ودارو ختمة وصدقو دبش إدريس وخفت الزحمة وكل حد رجع لحوشه
ف الفترة الى فاتت خنساء ماشفت لاأمين ولاخوالها ولاحتى فاضل الى جاي عشان خنساء
------------------------------------
أمنة .. ربي يرحمه ان شاء الله ويجعل مثواه الجنة
خالدة.. بارك الله فيك والله تعبتي روحك وماحد لايم عليك
أمنة.. ماعندي فيه جميل
خنساء.. معقمزة مع رانيا ف الدار وتوري فيها ف الصور
مديحة.. نوضي خوالك يبوك ف المربوعه
خنساء.. حق وأخيرآ ومشت تجري
أمجد .. ااااووو بطة وحضنها تي وينك يابنت
خنساء.. ع اساس تسألو هلبة
عبد السلام.. بتفضح بينا جنب عمامها
خنساء.. تشوف ماتقولو هذا بو راسين
فاضل.. ماتبيش نسلفك واحد
خنساء.. والله متغير ومدتله يدها وسلم عليها
فاضل.. انتى الى متغيرة وضاعفة شني طرح احمال شكله
كلهم يضحكو
أمين.. كان حاضر معاهم ف المربوعة
خنساء.. تهدرز مع خوالها ومنسجمة
أمين.. مش عاجبه وكان غيران من فاضل الى يضرب فيها
فاضل.. مواليد 94 لما كانو صغار ديما يتعارك مع خنساء وهيا تغلب فيه ومن صف سادس معاش راته
عبد السلام .. نحنا غدوة مروحين شن رايك تروحي معانا ونرفعوك نحنا لغريان
خنساء.. والله
فاضل.. لا مرات تتفجر الطيارة حمولة زايدة
خنساء.. من راسك
امجد .. ايه فكرة هيا
خنساء.. تشوف لبوها
موسى.. عادي كان جوازك معاك
خنساء.. توا نمشي نشوف أمي وناضت وهيا فرحانة
----------------------------------------------
رانيا.. انت مجنون ولابعقلك
أمين.. قاعد بعقلي
رانيا.. خلاص مش خطبت فوتها البنت وخليها ف حالها
أمين.. لا نبي نحكي معاها وضروري دبريلي مانعرفك
رانيا.. كيف بندبرلك ترا
أمين.. ف الليل خليها تركب للسطح
رانيا .. يتبع
أنت تقرأ
صفحات ممزقة ( روايات ليبية )
Romansaللكاتبة : القطة الشريرة تتكلم عن بنت يعتبرها الناس معقدة و انطوائية و لا تملك اي صداقات و لكن عندما تجد الحب أمامها تتغير 180 درجة ؟ فهل التغير يفيدها ؟ و هل الحب صادق ام لا ؟ و ما نهايتها ؟ قصة جميلة جدا من داخل المجتمع الليبي 🔥
