صفحات ممزقة ( روايات ليبية )

حلقة 11🔥

#صفحات ممزقة
(قصة واقعية)
الحلقة(11)
بقلم.. القطة الشريرة..

داليا.. لاياحيوان ياحقير
سالم.. إغتصبها وربطها وحدفها ف المكب
__________________________
ف الاستراحة
خنساء.. وقفت ع رقية تسأل ع داليا
رقية .. لاماريتها وأصلآ ليا فترة ماتواصلت معاها
خنساء.. باهي تمام شكلها مرضت وروحت
__________________________
مديحة.. حاسة قلبي مقبوض ربي يستر وخلاص
دلال .. من شنو
مديحة.. مش عارفة الحق خيرني من الصبح حاسة كأن ف مصيبة بتصير
دلال.. إن شاء الله خير خوفتيني
___________________________
خنساء.. قلقت ع أختها وماقدرت تراجي لنهاية الدوام خدت اذن من المدير ورجعت للحوش السلام عليكم
دلال.. وهيا تسكر ف الباب وعليكم السلام مروحة بكري
خنساء.. جبدت أختها ع جيهة أختك وين
دلال.. مش مشيتو جميع
خنساء.. قاتلي بنمشي نفوت ع رقية ونجي معاها ولما سألت رقية ف الإستراحة قاتلي ماريتها وليا فترة ماكلمتها
دلال.. زعما وين مشت هالفرخة
خنساء.. توا نخبر أمي ولاكيف
دلال.. لاراجي لين تجي الساعة12 مرات تروح
خنساء.. اي تمام
مديحة.. طلعت شن عندكم غادي شن فيه
دلال .. مافي شي غير خنساء تحكيلي ع جو الثانوية
مديحة.. أختك وين
خنساء.. عندهم حصص
_____________________________
زهرة.. أمين ياأمين أرفع الحاجات هدو لخالتك مفيدة
أمين.. أبعتي عزو قداش ليا ماريتهم خالاتي
زهرة .. عزو وينه هوا لاهي ف عرس صاحبه وزايد مسافر ارفعه انت
أمين.. باهي هاتيهم رغم اني عارفها بتلقح
زهرة.. مادورها اعطيها الحاجات وروح
______________________________
خنساء ودلال .. مسكرات الدار ويضربو ع داليا لكنها مقفل
خنساء.. توا ال12.30
دلال .. بدو دموعها ينزلو زعما هربت
خنساء.. شهقت مع من
دلال.. ف غيره سالم الزفت متاعها
خنساء.. بابا شن بيصير فيه
___________________________
موسى.. قاعد ف السوق ويقضي ويرن تلفونه الو
المتصل .. انت موسى ......
موسى ايه تفضل مركز خير ان شاء الله
_______________________________
مديحة.. فتحت الباب ع بناتها
دلال.. تمسح ف دموعها
مديحة.. داليا وين وانتو شن داسين عليا
دلال.. بدت تبكي بصوت عالي
مديحة.. شن فيه طيحتي قلبي أختك وين شن صاير معاها
خنساء.. ساكتة ماتبيش تتكلم
دلال.. قعدت تحكيلها ف القصة
___________________________
أمين.. رن الجرس ورجع للسيارة قعد ينزل ف الحاجات وشاف لبنت خالته ثريا الى ليه فترة ماشافها كيف كبرت وحلوت واقفة قدام الباب
ثريا.. أمين شن الجو
أمين.. ياهلا شن أخبارك
ثريا .. تي وين عاش من شافكم فترة معاش ريتكم
أمين.. مش قادر ينزل عيونه من عليها أمك وين
ثريا.. أمي عند الجيران
أمين.. معناها سلمي عليها نجيكم يوم تاني
ثريا .. شكرآ وسلم ع خالتي ورانيا
أمين.. مش مسلم ع حد تعالي بروحك شوفيهم
ثريا.. ضحكت والله نفكر فيهم ديما ان شاء الله ف اقرب فرصة جايتكم
____________________________
داليا.. تبكي وماتبيش تطلع لبوها الى قاعد ف المكتب مع الضابط بيقتلني بوي بيقتلني
موسى.. حاط راسه ف الأرض والدمعة ف عينه ويسمع ف الضابط الى كان يحكيله ف القصة كاملة بعد ماشدو أيمن
وبعد محاولات مع داليااا تقابلت مع بوها الى كتب تعهد انه مايقربها
الضابط.. توا روحي مع بوك
داليا.. خايفة وتبكي
الضابط.. متخافيش اهو بوك وقع تعهد ومش حايقربك بكل
____________________________
مديحة.. تتصل بموسى ومافيش رد يارب سترك يارب سترك
خنساء.. تشوف لتلفونها الى كان ع الصامت الى قاعد يضرب بأسم أمين
أمين.. بعتلها مسج وينك حبيبي ستاحشتك
_________________________
وصل موسى مع داليا للحوش
داليا.. خشت تجري
مديحة طلعت مع بناتها ويشوفو لمنظر داليا الى كانت مجرحة وتبكي
موسى.. خاش وهوا يجر ف كرعيه جران
مديحة.. حد يفهمني شن صاير
موسى.. شرفنا ضاع هذا الى تبي تسمعيه بنتي الى كان المفروض نوقع ع عقد زواجها اليوم وقعتني ع تعهد موسى..... اليوم نتهى اسمي وسمعتي نتهو من اليوم راسي بيقعد تحت الأرض بنتك طعنتني ف ظهري وهدت حيلي
مديحة.. قولي شن فيه ماتقولوش الى بالي صح
موسى.. عاطيهم الثقة ونبعت فيهم للمدارس طلعو يركبو مع الولاد لا والشرطة قالو لقوها ف المكب
داليا.. تبكي والله غلطة سامحوني بالله عليكم والله ماقصدي
مديحة.. فمك تسكريه نحنا شن درنالك وقعدت تضرب فيها
دلال وخنساء.. يبكو ومش مصدقين الى صار
_______________________________
أمين.. خيرها ماتردش والله شغلتني عليها
_______________________________
مديحة.. حبست بنتها ف الدار
موسى.. ماطلعش من داره بكل
دلال.. خيرك يامحمد تكلم فيا هكي
محمد.. قصدي يابنت الناس الموضوع كبير كيف بنتزوج وحدة أختها دارت العار
دلال.. شن قصدك بعدين داليا صغيرة وهيا ف فترة مراهقة
محمد.. لكن العار يقعد عار
دلال.. تمام يامحمد مانبيش نغلط معاك سكر توا
خنساء.. من قاله هوا
دلال.. البلاد كلها مطبوقة بالخبر لاوالمشكلة بدل مايوقف معايا قعد يعاير فيا
خنساء.. ف خاطرها زعما كان يسمع أمين بيديرلي زي محمد
______________________________
فات اسبوع
والعيلة كلها سمعت بموضوع داليا
موسى.. لمو دبشكم محولين
مديحة .. وين
موسى.. مادخلك لمو دبشكم بس الاثات كله يقعد
مديحة .. باهي غير ماتعصب
_____________________________
أمين .. بعت مسج لخنساء اخر مرة بنتصل بيك ولو مارديتي أنسيني
خنساء.. قرت الرسالة وخافت ورنت ع أمين
امين.. وهوا معصب يعني معقولة اسبوع مانسمع صوتك
خنساء.. اول ماسمعت صوته قعدت تبكي
أمين.. ماتبكيش ليش درتي فيا هكي كيف هنت عليك
خنساء.. أسفة بس ظروفي صعبة
أمين.. لو مشاركتك ظروفك وخففت عليك من بنشارك قوليلي
خنساء.. قعدت ساكتة
أمين.. حبيبي هدي أزمة وتعدي وانا معاك
خنساء .. بس
أمين.. لابس لاشي راهو كلنا نغلطو ماحد معصوم من الغلط
خنساء.. حست براحة بعد سمعت كلام أمين وكملت هدرزة
____________________________
موسى .. يحط ف الدبش ف السيارة
مديحة وبناتها يبكو وهما يودعو ف حوشهم وركبو ف السيارة والطريق كله ساكتين
______________________________
خالدة.. وخيره ماحول هنا ع الأقل البنات يخافو من عمامهم وولاد عمامهم قبل مايديرو الغلط ماشي لدرج الى لايعرف فيها حد
( درج بلدة صغيرة تقع ف شرق مدينة غدامس بحوالي 100متر)
محمود.. شن بنديرله ولدك وتسكير الدماغ متاعه
_____________________________
خنساء.. كانت طول الطريق تراسل ف أمين
مفيدة.. خلي نتصل بخالتكم نقصقص ع عملة بنت سلفها
ثريا.. اي اي بالك أمين فسخ من خنساء
_______________________________
موسى .. كان يمشي لدرج لما كانو يديرو ف مهرجان درج الدولي ودار فيها صحاب ويعرفها كويس خدا تلفونه أهلين نصر انا كيف خشيت درج
خنساء.. حى نطرنا ف درج
دلال .. ضمي فمك توا يسمعك
موسى.. تمام بارك الله فيك
مديحة.. قصدك هدي درج
موسى.. لاباريس
مديحة.. خيرك سألتك انا عادي
موسى.. وقف جنب حوش كانت بحداه سيارة وصاحبه نصر
نصر.. سلم ع موسى ورحب بيه ودخلهم للحوش
موسى.. ممتاز بكل شكرآ تعبناك
نصر.. هذا حوشك وشفته هيا توا معايا لحوشي تغدو معانا
موسى.. خليها مرة تانية العيلة تاعبين من الطريق
نصر.. معناها العشاء وحق ربي ماك قايل لا وتمت
موسى. بارك الله فيك
نصر .. تمام توا خودو راحتكم
______________________________
بعد مرور 3 شهور
موسى.. شبه لانا ع داليا ومش مستحقرها زي الأول
خنساء.. رجعت للدراسة بعد جهد منها ومن أمها ومن نصر الى وصلتله رسالة مع زوجته عشان يقنعه وقتنع
____________________________
أمين .. بدا يحس بنوع من الملل من علاقته هوا وخنساء وستاحش ايام الطيش
___________________________
أستاذ سامي..خنساء موسى الف مبروك النجاح بتقدير ممتاز الترتيب الأول وقعد يقسم ف الصحايف
خنساء.. كانت فرحانة هلبة
المدير.. السلام عليكم
الطلبة وقفو وعليكم السلام
المدير .. استاذ سامي جمعهم طالعين مظاهرة
كان التاريخ 17.2.2011
طلعو الطلبة وهما مش فاهمين شي وقعدو لعند الساعة 2
مديحة.. تطلع وتخش والعة فيها النار
دلال .. وسعي بالك يما خيرك
داليا.. كانت متشمته هدي العاقلة متاعكم
________________________________
خنساء.. شافت يمين ويسار لقت المدرسين مشغولين هربت
مديحة .. ياغبارتنا وخلاص بوكم اليوم ينجلط
خنساء.. السلام عليكم
مديحة.. مشتلها تجري وين كنتي وين وقعدت تعيط
خنساء.. طلعو بينا مظاهرة
مديحة.. ماتعرفيش تقولي
خنساء.. وين بنقولك والتلفون ف الحوش
مديحة.. كل يوم مرعشينا
خنساء.. لاحول الله الواحد معاش يروح للحوشه زي الناس ولاكيف وخشت للدار وتصلت بأمين
أمين.. كان راكب ف السيارة وواقف جنب الكلية ويتفرج ع البنات شاف لرقم خنساء الى يضرب وبعدم اهتمام فصل عليها
خنساء.. شكله مشغول بعتتله مسج حبي ستاحشتك وبنقولك اليوم عطوني صحيفتي جبت الاولى وانت اول واحد نخبره
طبعآ خنساء تعلقت بأمين هلبااا لدرجة تحس روحها مش قادرة تعيش من غيره وبدت هيا الى تتصل وهيا الى تراسل فيه وتخاف انه يزعل منها وهدي اكبر غلطة ديرها البنت ف حياتها تعطي للشخص أكبر من حجمه
_______________________________
زايد.. عجوز تعالي نبيك ف موضوع
زهرة.. خير ان شاء الله
زايد.. انا قررت نخطب
زهرة.. يوم السعد هذا عندك ولاندورلك
زايد.. نبي داليا بنت عمي
زهرة.. شن هوا انتو خيركم ع بنات مديحة ساحرينكم ولاشن
زايد.. انا نبيها خيرك
زهرة.. وانت عارفها شن دارت
زايد.. اي عارف ونبيها
زهرة.. لا هوينهم بنات خالاتكم سماحة وزين وفلاحة تبي منهم باهي ماتبيش اقعد هكي المهم داليا لاااا
____________________________
مديحة.. ياولد ربي يهديك روح الدنيا خايضة
علاء .. بنمشي نحارب ع الاقل الموت اهون من انى نروح للعار متع بناتك
مديحة.. توا الى صار صار وخلاص وتمت حتى بوك نساها
علاء.. كان بنروح بنقتلها فرختك فلهذا خليني نحارب احسن وصكر عليها
مديحة.. قعدت تبكي وصارت فيها حالة
_____________________________
بدت الحرب والضي والتغطية هربو ع درج وخنساء ماعندها اخبار ع أمين
_____________________________
فاتت الأيام والشهور
ورجع الضي والتغطية بعد 5شهور من الإنقطاع تقريبآ
خنساء.. يضرب يضرب وتنقز ف الدار
امين.. الو
خنساء.. حبيبي ستاحشتك ستاحشتك ستاحشتك هلبااااا
امين.. حتى انا ياروحي شن مدايرة وشن أخبارك
خنساء.. تمام وخصوصآ بعد سمعت صوتك
وكملو هدرزة
______________________________
مديحة..شن هوا
دلال.. اول مافتحت التلفون لقيت رسالة منه كاتب فيها سامحيني يابنت الناس انا معاش نقدر نكمل معاك وربي يسعدك وتتكلم وهيا خانقتها العبرة ودموعها خيوط
مديحة.. الله غالب يابنتي كله نصيب من ربي
دلال.. كله من بنتك كله منها
مديحة.. خلاص نصيب هذا وربي يبعتلك الى خير منه
_____________________________
امين.. صوت عياط الداخل توا نكلمك بعدين
يتبع