صفحات ممزقة ( روايات ليبية )

حلقة 10🔥

#صفحات ممزقة
(قصة واقعية)
الحلقة(10)
بقلم.. القطة الشريرة
خنساء .. مانقدرش ناخده ولانكلمك من ورا ناسي
أمين .. تمام توا خاش لأمك وبنخبرها
خنساء.. ماعدلت ع كلامه تحسابه غير يقول هكي وخشت
أمين.. بدون تردد خش لمديحة ف المطبخ
مديحة.. تبي شي
أمين.. معليش نبي نحكي معاك شوية وطلعو للمربوعة
مديحة.. إن شاء الله خير شن فيه
أمين.. انا الحق مش عارف كيف نبدا معاك الموضوع المفروض يكون كل شي حسب الأصول لكن لما ناخد الموافقة من خنساء حاندير كل شي حسب الاصول
مديحة.. خنساء خيرها والله مافهمت عليك
أمين.. الحق انا نبي نخطب خنساء ونبي نحكي معاها ونفهمها شوية حاجات وعطيتها تلفون لكن هيا رفضاته وقاتلي مستحيل نكلمك من ورا أهلي
مديحة .. فرحت هلباااا وفتخرت بتربيتها باهي وانا شن المطلوب مني
أمين .. عطيها التلفون خليها تسمعني بس
مديحة.. تمام ان شاء الله رغم ان الشي هذا غلط لكن أنا واثقة فيك
________________________________داليا.. انت شن تبي مني
سالم.. وهوا يعيط من هوا الى رد ع تلفونك أمس مع من راقدة يا......🔞
داليا.. احترم نفسك وصلح الفاظك ياواطي
سالم.. باهي ياداليا حسابك عندي تسمعي
دلال.. خشت على داليا خير أمك صوتك عالي يسمعو فيك ياخرا
داليا.. أطلعي من راسي وقعدت تبكي
_________________________
خنساء.. مقعمزة ف المطبخ وتفطر
مديحة .. قعمزت جنبها شن جاوبتي اليوم
خنساء.. ايه الحمد لله
مديحة.. حطت التلفون قدام خنساء
خنساء.. دفت نظارتها وشافت لأمها
مديحة.. كلمني أمين توا
خنساء.. بخوف والله مابيت ناخده وهوا الى لاصق فيا
مديحة.. دسيه قبل مايجو خواتك وأسمعي منه شن يبي يقولك وبعدها رديه
خنساء.. مستغربة يعني عادي
مديحة.. هوا مش عادي بس بما أن الولد حطني ف الصورة حانفوتها
خنساء .. دست التلفون
________________________
أمين.. كان طالع خاش يراجي ف رد مديحة
مديحة.. تقدر تكلمها
أمين.. بارك الله فيك ونقول ليش عمي موسى هرب بيك للجبل
مديحة.. هههههه
_______________________________
خنساء.. خشت للدار وسكرت ع روحها بالمفتاح ورن التلفون ووقفت وقعدت تضرب ف روحها وتنقز
أمين.. مقعمز ف السيارة
خنساء.. فتحت الخط وقعدت ساكته
أمين.. وأخيرآ حنيتي فيا ورضيتي عني
خنساء.. عاجبك توا الشهدرة والفضايح امي الله أعلم شن تقول عليا
أمين.. انتي ليش تفكري هكي دماغك هذا يبي ضبط المصنع
خنساء.. فكينا من الدوة الزايدة وقول شن عندك
أمين.. حاضر خليني نقولك شن نبي شوفي يابنت عمي كنت نحساب ان تفكيري فيك مجرد فترة وتمر أو لأنك اول بنت تعاملني ببرود وستحقرني بس بعد ماروحتو فقدتك وهلبة كنت حاس انى وحيد اول مرة ف حياتي نكره حوشنا كنت نبي نبطل نفكر فيك بس الكل كان يجبد ف سيرتك وخنساء وخنساء يابنت أنا نحبك
خنساء.. شهقت وحطت ايدها ع فمها
أمين.. ههههههه وتعجب فيا الشهقة متاعك دل ع انك بنت عفيفة وطيبة وماعندك ف جو الخبث
خنساء.. كذب
أمين .. هههههه باهي المهم انا نبي نخطبك رسمي
خنساء.. قعدت ساكتة
أمين.. فكري ع مهلك مانبيش نضغط عليك
خنساء.. انا نبي نكمل قرايتي عندي طموحات هلبة
أمين.. انا معاك ونشجعك راه ماتخافيش
خنساء.. انا مش خايفة راه نخبر فيك
أمين.. باهي غير كان تبطلي تكشيخ
خنساء .. انا هكي نتكلم
أمين.. وانا نحبك بجميع حالاتك
خنساء.. مش متعودة ع الكلام هذا ومش عارفة شن نوع الشعور الى قاعدة تحس بيه
أمين.. بنراجيك لين تكملي امتحاناتك وبعدها نروح لكن نبي نروح ومعايا جواب تمام
خنساء.. تمام بعدين تلقى التلفون فوق فراشك
أمين.. انتي خيرك هكي طايرة خليه عندك لعند يوم تردي عليا باهي
خنساء.. لامانبيش
امين.. وراس من عندك غالي
خنساء .. تي باهي باه خلاص باي
أمين.. نحبك ياسنفور غضبان
خنساء.. سكرت عليه وقعدت حاطة ايدها ع قلبها وتفكر ف كلام أمين
________________________________
تسريع للأحداث
فاتو ايامات الإمتحانات وكل يوم أمين ينوض ع خاطر خنساء غير رسايل الحب والغرام الى كان يبعتلها فيهم
هاجر.. هيا ياسمين
ياسمين.. هيا جيتك
خنساء.. تشوفلهم وهيا شادة حفاظة الباسطى الى مدايرته
هاجر.. خيرك تشوفيلنا قصدك صدقتي نحنا صاحباتك حق وتبي نديرو معاك زردة ونخلو البنات التانيات
ياسمين.. مش كان كلمانك اسبوعين معناها بديتي صاحبتنا
خنساء.. اصلآ عادي الحمد لله إنتو الى جيتوني مش أنا وكل الحل الى نقلتوه مني غلط ف غلط لأن سمعتكم تتكلمو عليا مرة والسنة الجاية حاديروها بروحكم الزردة ومشت وخلتهم
حسين.. كان واقف جنب دار الغفير يراجي ف خنساء
خنساء.. شافتله بنص عين وفاتت
حسين.. خنساء
خنساء.. بدون ولاكلمة فاتت
حسين.. كيف بنخليك تفهمي بس
ياسمين.. سمعتي الى انا سمعته
هاجر.. ريتيها الكلبة شن دارت
ياسمين.. بوي مش حاياخدلي تلفون معناها
هاجر.. انا بوي بيدبحني
خنساء.. الناس كلها مصالح وانا الى كنت نحسابهم صاحباتي والله خاطري نجربه شعور الصحبة زي الناس ومزال زير النساء هذاك يبي اجابة وانا مافكرت
______________________________
ف الليل
بعد ماغسلت دلال ماعين العشاء
موسى.. طلع للمربوعة ودخل أمين وقعمزو ف الصالة
مديحة .. مش كان قعدت مونسنا
أمين.. هو ذاك خلاص
موسى.. وين خنساء ماشفتها اليوم بكل
دلال .. روحت طايرتلها
موسى.. خيرها ماجاوبت ولاشن
دلال.. هاجر وياسمين الى ع اساس صاحباتها اليوم مابوش يدخلوها ف الزردة وقالولها نحنا كنا مصاحبينك ع خاطر الإمتحانات
موسى.. مش متريحلهم من الأول انا وقعد ينادي خنساء ياخنساء
خنساء.. طلعت من الدار نعم
موسى .. تعالي
خنساء.. كانو عيونها منفخات من البكي وماتبيش تشوف لأمين وقعمزت جنب بوها
موسى.. شن جاوبتي
خنساء.. ايه الحمد لله
مديحة.. عيونها ع أمين الى قاعد يشوف لخنساء
___________________
نورة.. شن صار معاك يازايد كلمته
زايد.. تبي الصراحة أنسيه يانورة
نورة.. كيف
زايد.. يعني أمين يحب وحدة تانيه
نورة.. كيف وامتى صار
زايد.. مش مهم المهم معاش تعشمي روحك عالفاضي
____________________________
موسى.. خلاص ماتزعلي روحك ربي بينهم ع حقيقتهم وتوا يجزايهم
خنساء.. عادي أصلآ
مديحة.. بالك توصي شي لأوباري ولد عمك غدوة مروح
خنساء.. شافت لأمين لاااااا
أمين.. هيا توا تصبحو ع خير غدوة ورايا نوضة الفجر وشاف لخنساء متع أفهمي بنتصل بيك
كلهم.. وانت من أهل الخير
خنساء.. نادت ع أمها وخشو للدار
مديحة.. خيرك
خنساء.. وهيا متحشمة شن نرد عليه قوليلي والله حايرة
مديحة.. أعطيه فرصة انتي وبعدين فترة الخطوبة ندارت باش يتفاهمو الطرفين يعني لو تريحتى معاه كملي ولو ماتريحتى افسخي عادي
خنساء.. مش عارفة الحق
مديحة .. هذا قرارك وانتي حرة
خنساء.. تمام
طلعت مديحة وخنساء قعدت ماسكة التلفون وتراجي ف أمين يرن
أمين.. مسك تلفونه ورن ع خنساء
خنساء.. ياربي ياربي مالي ومال الجو هذا كنت عايشة حياتي ومستريحة من وين طلعتلي وردت عليه الو
أمين.. مش طالع عليك الزعل
خنساء.. بينه
أمين.. عادي تقدري تعتبريني صاحبك
خنساء.. لااااااااااا
أمين .. مانبيش نروح ونسيبك
خنساء.. ماتروحش ليش دير ف حاجة ماتبيها
أمين.. ياريت بس مانقدرش ونبي نروح وانا مرتاح
خنساء.. بصراحة هكي ومن الأخر فكرت هلبااا لكن مانعرفش شن هوا الى نبيه بالزبط
أمين.. يعني ماتبيش نكملو مع بعض
خنساء.. مش هكي شوف انت قلت بتجيب ناسك صح
أمين.. ايه
خنساء .. تمام جيبهم وونزيدو نتعرفو ع بعض ف فترة الخطوبة لو تفاهمنا اللهم زيد وبارك لو ماتفاهمنا الله غالب
أمين.. تمام موافق ياسمحة
خنساء.. التلفون تلقاه عند أمي
أمين .. خليه عندك
خنساء.. لامستحيل
أمين.. تمام براحتك
خنساء.. توصل بالسلامة
أمين.. ماتبيش تودعيني ف الصبح
خنساء.. لاااااااا مانحبش نودع حد
أمين.. تمام ردي بالك ع روحك ونشوفك بخير ونحبك هلبة
خنساء.. باي
امين.. باي
______________________________
روح أمين وخبر امه ع خنساء وكلمو موسى ومديحة
داليا.. تعيط كيف هكي كيف
دلال.. ضمي فمك أختك هادي راه
داليا.. تمو البنات مالقاش حد الا المعقدة هدي
دلال.. توا تسمعك صكري فمك قتلك وانتي شن واجعك هوا يبيها هيا
ومش غير داليا كان عندها اعتراض خالات أمين كانو مش راضيين ع خنساء
_____________________________
خنساء .. فرحانة لأن أمين طلع شاريها وطلع قد كلمته وتأكدت انه يحبها
طلعت نتيجتها ونجحت بتقدير ممتاز اما ياسمين وهاجر مانجحوش
داليا.. عادت خنساء ومعاش تحب حتى تشوفلها
______________________________
خنساء.. تحكي مع امين كل يوم وبدت تتعود عليه
امين.. ماتبيش تقوليها مزال
خنساء .. شن هيا
أمين.. نحبك
خنساء .. قعدت ساكته
أمين .. هيا قوليها
خنساء.. والله نتحشم اقسم بالله
أمين.. حوليه الحشم حبيبك انا
خنساء .. ن ح ب ك وانت اجمعها
امين.. هيا عاد قولي
خنساء.. نحبك وسكرت عليه
أمين.. ياحليلي وخلاص وقعد يضرب عليها لكن ماتبيش ترد
خنساء.. وووه عليك قلبي بينفجر
____________________________
داليا.. لازم نفسد عليها مستحيل نخليه يتزوجها وطلعت من الدار خنساء تعالي نبيك
خنساء.. طيبلك الى دكرتي أختك
داليا.. دخلتها وسكرت عليها الدار الى بنقوله ليك توا خليه بيني وبينك
خنساء.. خيرك
داليا.. توا انتي من جدك مقتنعه بأمين يحبك وبيتزوجك
خنساء.. ايه ليش
داليا.. معناها انتي غبية وهلبة توا واحد زي امين شن الى خلاه يحب وحدة زيك سامحيني فيها بس انا اختك ونبي مصلحتك نوعية امين نسونجي يعني ماتسده وحدة ويبي الزين
خنساء.. صدقتي من غدوة بندير ريجيم
داليااااا.. اووف قداش انتي غبية وطلعت عنها
_____________________________
مديحة.. قول ياموسى خنساء تبي تتخصص طب شن رايك انت
موسى.. لاطب لاشي سجلتها ف الإقتصاد
مديحة.. حرام عليك البنت هذا طموحها
موسى.. الطب يبي قراية البرا وانا ماعنديش بنات يقرو البرا تمت
مديحة.. معناها انت قوللها
موسى.. ناديها بري
مديحة نادت خنساء
________________________________
دالياا.. شن قتلك انا مش قتلك خليني ف حالي
سالم.. ديري الى قتلك عليه نفوتك
دالياااا.. حرام عليك خليني ف حالي
سالم.. صورك ننشرهم ع البلثوت راه وماتنسى صورك متع الأعراس
داليااااا.. حرام عليك ياسالم مش ع اساس تحبني
سالم.. بتطلعي معاي تسمعي
___________________________
خنساء.. تبكي بس يابابا انا نبي طب حرام عليك
موسى.. حتى الإقتصاد حلو ومافيش حد ف عيلتنا قاريه انتي اول وحدة
خنساء.. مش طموحي يابابا
موسى.. توا تحبيه وتلقيه احسن من الطب
خنساء.. طلعت من دار بوها وواجعها خاطرها تصلت بأمين وقعد يهدي فيها
_______________________________
تسريع تاني للأحداث
بدت الدراسة
خنساء.. لأول مرة تمشي للمدرسة وهيا مش فرحانة مش هذا الى تمناته ولاحلمت بيه كانت تبي تقرا طب كان خاطرها تلبس البالطو الأبيض
اما داليا فكان عندها مخطط تاني اسمعي انتي امشى وانا بنفوت ع رقية
خنساء.. رقية حوشها بعيد يفوتك الوقت
داليا.. عادي امها مدرسة غادي دخلنا
خنساء.. دبري راسك
داليااا.. طلعت تلفونها وينك انت
سالم.. السيارة السودة قدامك
دالياا.. تمام
خنساء .. خشت للمدرسة وشدت مكان بروحها
مريم(أخت هاجر) مش هدي خنساء
أميمة .. اي شوفي كيف ضاعفة
مريم.. هههه تبي تولي سمحة شكلها
_____________________________
داليا.. لاياحيوان ياحقير
سالم.. إغتصبها وربطها وحدفها ف المكب
يتبع