صفحات ممزقة ( روايات ليبية )

حلقة 25🔥

#صفحات ممزقة
(قصة واقعية)
الحلقة(25)
بقلم.. القطة الشريرة
زايد.. عادي ايه شن المشكلة
مديحة.. شوية نجيبهم ليك
أمين.. يعني بنشوفها
----------------------------------------------------
خنساء.. شني ننزلو نقرو لوطة ولاهنا
صابرين.. هيا ننزلو نقرو ف الشمس
خنساء.. لبست المصلية ونزلو
صابرين.. أمس نشوف فيك تتقلبي هلبة
خنساء .. متكوبسة من فاضل
صابرين.. مالقيتي منه اتصال لارسالة
خنساء.. لاااا واصلآ حظرته
صابرين .. أحسن وقعدو يقرو
--------------------------------------------------
أمين.. خيرك تسوق ع مهلك ياراجل
زايد.. شن تبيني نطير هدي سواقتي من قبل
أمين.. تي باهي باه شوف قدامك بس
زايد.. مستعجل تشوف ثريا ولا خنساء
أمين.. شن قصدك يعني
زايد.. نبصر عليك
امين.. انا خنساء شلتها من تفكيري يعني نتهت بالنسبة ليا
زايد.. نقولو ان شاء الله
امين.. يفنصله بطل تلقيح
زايد.. ههههه خيرك ولعت نبصر
-------------------------------------------------
خنساء.. سمعي عليا النقاط هدو
صابرين.. هيييي
دعاء.. ياخاينات
خنساء.. دعاء وناضو يجرو سلمو عليها
دعاء.. قداش ستاحشتكم
صابرين.. حتى نحنا
دعاء.. انتي خيرك روحتي
صابرين.. كان تندري شن صار معاها
دعاء.. شن فيه جديد وماخبرتوني
خنساء.. خلي نركبو لدار قبل
دعاء.. ماما بعتتلكم بيتزا
صابرين.. ياسلالالام وركبو
--------------------------------------------
موسى.. هيا ياعادل
مديحة.. وين ماشين
موسى.. حصلت حوش لخالتي عيشة بنمشي نشوفه
مديحة.. باهي كويس ع الأقل تونس أختها
عادل .. هيا مشينا
موسى.. هياااااا
-----------------------------------------------
دعاء.. الواطي الوقح كان من زيك درتله فضيحة
خنساء.. فضيحة شن بالله تبي الخوات يخسرو بعضهم عشان عيل زي هذا وهوا شن بيوصل فيه بالله ف النهاية بيقولولك راجل مايعيبه شي
دعاء.. نكرهم العقليات المريضة هدي الراجل يعيبوه أخلاقه ورجولته
صابرين.. للأسف مش ف مجتمعنا
دعاء.. قبل لاننسى امس كلمني جعفر وقال يبيك تساعديه هوا وحسين وتفهميهم الإحصاء 2 والمحاسبة2 وكان ماتبيش فهميهم الحاسوب لأنهم ماصفوها وماتفنصيلي قتله نسألها وافقت باهي ماوافقت الله غالب
صابرين.. تربحي فيهم أجر
خنساء .. جنس ادم كرهته
دعاء.. مش ماشية ديري معاهم علاقة قريهم وخلاص
صابرين.. ع الأقل نردو المعروف للولد
خنساء.. انا الحاسوب نسيته خليه يجيبلي المنهج نراجع فيه شوي
دعاء.. يحليلي ع حبي والله مافي منك
خنساء.. نردله الى داره ع خاطرنا ونسكر هالباب
دعاء.. مسكت تلفونها ايوا جعفر
صابرين شافت لخنساء مسرع
دعاء.. خنساء وافقت وقاتلك جيب منهج الحاسوب عشان تراجع فيه لأنها نساته
جعفر.. تمام باهي أمتى الوقت
دعاء.. قالك أمتى
خنساء.. قوله غدوة نشوف ونقولك
دعاء.. قاتلك غدوة نسق معاكم
جعفر.. تمام مشكورة
-------------------------------------------
زايد.. هدي غريان
أمين.. قلبه بدا يدق وملهوف ع شوفت خنساء
زايد.. نزل للمحل وقعد ياخد ف نعتت الداخلي
------------------------------------------------
دعاء..خنساء إنزلي جعفر لوطة جايبلك المنهج
خنساء.. مسرع انا نبيه غدوة مش اليوم
دعاء.. هيا أهو جابه ليك انزلي
خنساء.. تبي دير الخير يندموك لبست عبايتها ووشاحها ونزلت
دعاء.. رن تلفونها هدا بوي كملي انتي
خنساء.. باهي باه ومشت لجعفر السلام عليكم
جعفر.. وعليكم السلام كيف حالك خنساء
خنساء.. تمام الحمدلله
جعفر.. هذا المنهج هما 5 شيتات جبتلك ال3الى مش فاهمين فيهم
--------------------------------------------
زايد.. أهوا الداخلي ودرس سيارته
أمين.. جت عينه ع خنساء الى واقفة مع ولد قدام باب الداخلي
زايد.. خلي نتصل بيها
امين.. مافيش داعي شوف وين تتمعشق وناسها يحسابوها تقرا والله لما نقتلها
زايد..انت وين تحساب روحك البنت واقفة مع الولد قدام الناس مش بروحهم فكينا من المشاكل
-----------------------------------------------
خنساء.. تمام توا نشوف امتى ماعنديش محاضرات وانتو نفس الشي ونتلاقو ف المكتبة
جعفر.. تمام بارك الله فيك
خنساء.. يبارك ف الجميع
جعفر.. توصي شي
خنساء.. لاشكرآ
جعفر.. تمام ومشى
خنساء.. كيف بتخش وسمعت صوت ينادي فيها شافت وراها حيييييييي انت
زايد.. ياهلا وحطلها حاجاتها ع الارض وسلم عليها
أمين.. بدوره نزل من السيارة
زايد .. شن جوك وشن أخبارك
خنساء.. تمام وانت شن هالمفجأة
أمين.. مفجأة حلوة صح
خنساء.. تحولت الإبتسامة عن وجها وقرنت حواجبها قولي زايد شن جو درج معاكم وشن حال تيتا
أمين.. من هوا الى كنتي واقفة معاه توا
زايد.. أمين برا اركب ف السيارة
خنساء.. صاحبي
امين.. زاد تنرفز صاحبك صار وكيف بيمد ايده
زايد.. مسكه من يده أمين اركب ف السيارة
خنساء.. هذا كله تشوف لأمين وماتبيش تنزل عينها
امين.. توا تشوفي حسابك كان ماوصلت الدوة لناسك مايبدا اسمي امين
خنساء.. أعلا مافي خيلك أركبه
زايد.. امين اركب لسيارة قتلك
أمين .. مشى ركب
خنساء.. فهمني خيره هذا قوله يفوتني ماعنده اي علاقة بيا
زايد.. مادوريه
خنساء.. هذا ولد يقرا معايا جابلي المنهج بس
زايد .. انا عارفك انتي شني مافيش داعي تبرريلي
خنساء.. تسلم ولد عمي ربي يخليك
زايد.. هذا الفتات وشوية حاجات من أمك
خنساء.. رفعتهم شكرآ هلبة
زايد.. تبي فلوس ناقصك شي تبي شي
خنساء.. لا شكرآ بارك الله فيك
أمين.. كان يشوف لخنساء بنظرات حقد وشر توا تشوفي كان ماخليت بوك يبطلك من قراية غريان
----------------------------------------------------
عادل .. الحوش كويس ويرفعهم
موسى.. إيه عجبني حتى انا
عادل.. بس الأجار غالي
موسى.. هلبة غالي لكن شن بدير هي نساعدوهم نحنا وخلاص
عادل.. إن شاء الله
----------------------------------------------
رانيا.. يما وائل بيحدد العرس
زهرة.. عرس شني ونحنا نازحين
رانيا.. قتله حتى انا لكن هوا مصكر راسه
زهرة .. قوله نحنا ساكنين عيلتين ف حوش عمي
مديحة.. وشن فيها نعاونوكم ورانيا حتى هيا بنتنا وهذا حوشها
زهرة.. والله يامديحة بارك الله فيك مانبو نكثرو عليكم
مديحة.. لاتكثرو لاشي خلي نديرو عرس ف هالحوش بالك يمشو حتى بناتي
سارة.. كأني سمعت كلمة عرس ماعرس
دلال.. عمي عادل بيجيب التانية 😂😂😂
كلهم .. ههههههههه
سارة.. باش تقعدو بلا عم بعدين
--------------------------------------------------
خنساء.. الحقير الواطي النذل
دعاء وصابرين .. خيرك
خنساء.. قعدت تحكيلهم
--------------------------------------
زايد.. شن هذا الى درته عيب عليك راه
امين.. ومش عيب عليها واقفة مع الولاد
زايد.. انت عارفها خنساء مش جوها الولاد
أمين.. مش ملائكة هيا
زايد.. مش ملائكة لكن حاطة عقلها ف راسها وخلاص انساها البنت وخليها ف حالها وخليك مع خطيبتك
-------------------------------------------
دعاء.. وووه مصح وجهه ياريتني طلعت
صابرين .. نبي نفهم شن مزال يبي منك
دعاء.. مقهور
خنساء.. حقير يتبلا عليا أخرها
صابرين.. فوتيه المهم انتى واتقة من نفسك
خنساء.. ومستحيل يهزها واحد زي هذا
-------------------------------------------------
زايد و أمين.. وصلو لطرابلس ومشو لخالتهم
مفيدة.. نورتو شن حال زهرة وجدتكم والناس غادي
زايد .. كلهم بخير وين عمي ابراهيم امالا
مفيدة.. حصل خدمة ف محل ويشد غادي
أمين.. ربي يعاونه
مفيدة.. خودو راحتكم توا نجي
زايد.. خالتي وين الحمام
مفيدة.. ع ايديك اليمين
زايد.. بنخش ندوش حسني عرقان
أمين.. حتى انا
مفيدة.. ارفعي لخطيبك بري
ثريا .. تصلح ف شعرها
منتهى.. مصلحة ياودي
أمين .. خدا تلفونه وطلع
----------------------------------------------
موسى .. هذا أمين يتصل الو مرحبا
أمين.. أهلين ياعمي كيف الحال
موسى.. الحمد لله وصلتو
امين.. ايه قبل شوي
موسى.. باهي ع سلامتكم
امين.. عمي بنقولك موضوع ونبيه بيني وبينك
يتبع