صفحات ممزقة ( روايات ليبية )

حلقة 12🔥

#صفحات ممزقة
(قصة واقعية)
الحلقة(12)
بقلم.. القطة الشريرة

امين.. صوت عياط الداخل توا نكلمك بعدين
خنساء.. ان شاء الله خير يارب
امين.. خش يجري خيركم شن فيه
زهرة .. جدك طاح ف الحمام وراسه دم
أمين .. طلع يجري ونادى ع عزيز ورفعوه للمستشفى
___________________________
موسى.. وشن حاله توا
محمود .. الحمد لله جاته ف الريش
موسى.. المفروض تراقبوه مش معقولة الكلام هذا
محمود.. الله غالب ربك هكي كاتب
موسى.. وتوا بيقعد ف المستشفى ولا بتروح بيه
محمود.. بنخليه لغدوة ع الاقل يتنقع بالتغدية وهوا حتى الماكلة قاطعها
موسى.. باهي ان شاء الله خير
___________________________
خنساء معقمزة فوق السطح الله ع الهدوء والراحة النفسية واحلا حاجة بدو عندي صديقات 😍😍😍
دلال.. ركبتلها وهيا تمسح ف دموعها
خنساء.. هوا الخسران راه
دلال.. قصة حب سنتين تم ف يوم وليلة
خنساء.. هيا هكي كلها نصيبات
دلال.. وين أمين
خنساء.. قاعد بس تعرفي مشغولة قالي فيه صوت عياط ف حوشهم وسكر
دلال.. ايه هذا جدي طاح ع راسه ف الحمام
خنساء.. مسكين جدي قداش واجعني حاله
دلال.. الله غالب
______________________________
زايد.. مقعمز ف الجنان ويدخن
عزو.. بشويا ع الدخان
زايد.. فوتني مش رايقلك
عزو.. قعمز جنبه خيرك ياراجل خوك انا
زايد.. مايبيش يرد عليه
عزو .. تموتو لما تلقو واحد مزهزه لازم تنكدو عليه
امين.. بعد عنه توا يهجم عليك
عزو.. يشوف لملابسه مش لابس أحمر
زايد.. ههههه خيركم جيتو عليا الززح
______________________________
موسى.. وتو دبشكم غدوة طالعين لأوباري
مديحة.. ليش ماقلت بالوسع
موسى.. حاسبيني توا انتي انا هكي خطرلي
مديحة.. أنا نبي نمشي عند ناسي
موسى.. شن خطر عليك توا
مديحة.. 3سنين ماريتهم وأمي تاعبة هلبة وكان ماتت وماريتها والله مش مسامحتك
موسى.. خلاص من غادي توا نبعتك ف الطيارة
مديحة.. ان شاء الله خلي نمشي نخبر البنات
دلال.. هيا ننزلو نديرو العشاء
خنساء.. نكلم أمين ونلحقك
دلال .. نصيحة من اخت لأختها ماتبالغي ف حبك باش ماتندمي
خنساء.. بما أنه وقف معايا وقت سمع بقصة داليا معناها يستاهل نحبه
دلال.. انا قتلك بس ونزلت
خنساء.. مسكت تلفونها وقعدت تتصل بأمين وكان انتظار
أمين.. شاف لرقم خنساء وكأنه ماشافش شي اي كملي حبي
خنساء.. اكيد مكالمة شغل
_________________________
ف الليل
خنساء.. ضم ف دبشها وكل مرة تشوف للتلفون بحجة انها تشوف للوقت لكنها كانت خايفة يكون ضرب عليها ومانتبهت
داليا.. شكله وائل كفوري متاعك فاتك قنالك هذا من النوعية الى يحب يجدد
دلال.. اسكتى انتي دايرة روحك تفهمي فيهم ونسيتي سليم الى قلتي انه يحبك شفناه شن دار فيك
داليا..سكري فمك واحترمي نفسك ع الاقل ماسيبني زي الكلب متاعك
دلال.. ماهو من عمايلك يافاسدة وقعدو يتعاركو
خنساء.. تحز فيهم وأكثر وحدة حصلت الضرب لأنها كانت تحز بيد واليد التانية ماسكة بيها النظارة عشان ماطيح
مديحة.. فتحت عليهم الباب هييييي شنو هذا ياموسى
دلال وداليا .. سيبو بعضهم
خنساء.. ووشاحها طايح و نظارتها عوجة لاااااا ماتناديه توا يبطل من المشية
مديحة.. نسمع حسكم مرة تانية وحق ربي الا بناديه
خنساء.. خلاص المرة الجاية انا ناديه
مديحة .. طلعت وطربقت الباب
دلال وداليا .. قعدو يفنصو ف بعض
خنساء.. أرجوكم رجاء خاص حطو الخلافات الجانبية ع جنب وخلونا صحاب وحبايب لعند غدوة بس
دلال و داليااا .. هههههه
___________________________
أمين.. مقعمز ف السيارة يسمع ف الأغانى ويتكلم ف التلفون
زايد.. كان مروح من الحوش وتلامح أمين ف السيارة وأشرله
أمين.. طلع وسكر سيارته وركب مع زايد
زايد.. يضحك ع خوه الى هايم ويتمعشق
امين.. هيا حبي نكلمك بعدين وصكر
زايد.. تي باهي الى قدرتنا شكلها بنت عمي مش ساهلة
امين.. بنت عمك من
زايد.. خنوس
امين.. مش هيا هادي
زايد.. كيف كيف
امين.. نحس ف روحي ستعجلت ف علاقتي معاها
زايد.. حرام عليك الى دير فيه
امين.. هوا انا هكي هكي مدبس فيها خلي نعيش حياتي
زايد.. تقدر تفسخ معناها مافيش داعي تعشم البنت
أمين.. هيا مكبدة لدرجة كان فات نص يوم مانكلمها تقعد تبكي وديرلي ف حالة غير انها تبعتلي ف الرصيد وفتحله الرسايل الواردة وكلهم من خنساء
زايد.. حرام عليك والله هذا من محبتها ليك ومستحيل تحصل وحدة زيها تحبك
أمين.. مش عارف معاش متقبلها
زايد.. افسخ واجرحها توا ولاتتزوجها وتجرحها سنين وضيع عمرك وعمرها
امين.. يصير خير
___________________________
ف الصبح
خنساء .. كانت متحمسة للسفرية وقعدت طلع ف الدبش مع بوها
دلال.. يما شوفي بنتك كيف فرحانة
مديحة.. اي حتى هوا لمن ماشية
دلال ..ع الأقل وحدة فينا عايشة
ركبو ف السيارة وتوكلو
_________________________
ثريا.. واقفة ع المراية وتشوف ف روحها ايوا هكي
منتهى.. مفضاك هذا كله عشان راجل
ثريا.. لا عشان رويحتي
منتهى.. ع فكرة البيتة غادي ماجبتي فيها والحوش معبي ولاد
منتهى.. حوش خالتي وماشية لبنت خالتي عادي يعني
منتهى.. انا قتلك وانتي ديري الى يريحك
ثريا.. بابا حسه يكلكس رفعت شنطتها وطلعت
_____________________________
حوش ادريس كان زاحم بناته واحفاده
أمين.. كان طالع تلاقى مع نورة جاية مع أمها كيف بيخشو
نورة.. ماتبيش تشوفله
امين.. سلم ع أمها وطلع بسرعة
نورة.. كانت بتنفجر بالبكاء بس كتمت دمعتها وخشت
________________________
الظهر يأذن
خنساء.. واخيرآ وصلنا وكانت متحسمة وفرحانة رغم ان أمين مارد ع اتصالاتها ولاعبرها
مديحة.. درس ع المحل هذا قبل مايسكر خلي ناخدولهم شوية حاجات
_____________________________
ثريا.. نزلت من السيارة ونزلت شنطتها
إبراهيم.. سلمي عليهم
ثريا.. حاضر يوصل
ابراهيم.. بري خشي هييي
ثريا.. به وخشت
عزو.. قعد يشوف الفوق ويشوف لثريا
ثريا.. بدلع عزو خيره ضاربك جن
عزو.. القمر تواضع ونزل عندنا كم انت كريم يارب
ثريا.. ههههه ياباسل قاعد ببسالاتك
عزو.. لا واقف😂😂
ثريا.. ههههه مدتله يدها شن الجو
عزو.. تمام وإنتي نورتي من زمان ماريناك
ثريا.. والله شن بنقولك الدنيا تالاهي
أمين.. خاش وهوا ماسك هاتفه وشاف ثريا وصكر التلفون
عزو.. عرفتها هدي
أمين.. يشوفلها بنظرات اعجاب وهل يخفى القمر
ثريا.. حطت ايدها ع فمها ع اساس تضحك
__________________________
موسى.. وقف السيارة وأخيرآ سلامتكم
خنساء.. نزلت أول وحدة
دلال.. نزلت وراها ارزني خيرك
خنساء.. باهي مساوية
دلال.. اول مرة تقوليها الكلمة هدي نفهم ان شعورك بالثقة نهز
خنساء.. لابس لتأكيد
موسى.. شن توشوشو انتي وياها خشو
داليا.. نزلت الوشاح ع وجها هلبة
موسى.. السلام عليكم
ثريا.. خشت تجري
أمين وعزو.. ووعليكم السلام وقعدو يسلمو
خنساء.. تعمدت تقعد أخر وحدة
عزو.. من أنتم
خنساء.. 😒😒 شن قصدك
عزو.. قاعدة نفسية
خنساء.. مادخلك
عزو.. سلمي باه
خنساء.. دفت نظارتها بصبعها لااااا
أمين.. هييييي خيرك مع خطيبتي
عزو.. ريت بالله توا بعتني بعت خوك ناديلكم عمي موسى ونديرلكم فضيحة
أمين.. عادي ناديه اصلآ ماعندي شي نخاف منه
خنساء.. خاشة ف بعضها من كلام أمين
عزو.. منكم لله منكم لله ومشى
أمين.. مركز ف خنساء الى راسها كان ف الارض ومرة مرة تخطف منه نظرة مدلها يده
خنساء .. تشوف ليد أمين وتتبسم بخجل
أمين.. سلمي
خنساء.. مدت يدها وسلمت عليه
أمين.. ضغط ع يدها ستاحشتك ستاحشتك ستاحشتك ومحلوة هلبة بس ليش ضاعفة
خنساء..اطلق يدي توا يجينا حد
أمين.. مادخلنا ف حد
خنساء.. امين خلاص بالله
أمين.. قوليلي نحبك باش نطلقك
خنساء.. باهي اطلق يدي توا نقولك
امين .. هيا قولي
خنساء.. هربت اول ماطلق يدها
أمين.. قعد يضحك ع حركتها العبيطة
____________________________
رانيا .. ياريت جدي طاح من زمان
زهرة.. توا تسمعك جتك
داليا.. سلمت وخشت لدار القعاد وقعدت بروحها
رانيا.. لكن بجديات مصدومة ف خنساء ضعفت هلبة
دلال.. اي صح كلهم لاحظو
زهرة.. نمشي نقعد مع عماتكم توا يديرولي حالة وناضت
ثريا .. تشوف لخنساء من فوق لتحت صار انتي خطيبة أمين
خنساء.. قصدك خاطبني أمين
ثريا.. لكن هوا أحلا منك
خنساء.. احلا مني ويحبني
رانيا و دلال .. هههههه
ثريا.. تعرفي يارانيا وانا جاية ورغم انى راكبه ف السيارة بس الفروخ يفنصو فيا عقدوني الحق
خنساء.. ف مثل يقول كان السماحة تنفع راهو الغزالة مايكلها الضبع
ثريا.. 😒😒 نمشي نشوف خالتي كان تبي شي
رانيا.. ههههه احسن مادرتيلها
خنساء.. تقلد فيها كيف تتكلم اقسم بالله لساني يحك فيا من بكري نبي نقلدها
دلال.. هههههه اسكتي خلاص
رانيا.. طلع جوك حلو بالرسمي
أمين.. الفضل لخوك الى رجعها خنساء متع زمان
_____________________________
ف الليل
كلهم مقعمزين ف الصالة
خنساء.. لاصقة ف أمها بنمشي معاك 🥺🥺
مديحة.. مافيش حد ماشي
زهرة.. ماتبيش تقعدي معانا ولاشني
خنساء.. والله ستاحشت خوالي ماشفتهم مند الولادة
كلهم.. هههههه
أمين.. كانو عيونه ع ثريا الى كانت لابسة توتا سودة مضغوطة ومخليا شعرها مفتوح
مواصفات ثريا بيضة هلبة عيونها كبار ونقشها ع الأسود وشعرها طويل متوسطة ف الطول
____________________________
زايد.. خش للدار بيرفع دبشه يشوف ف داليا قاعدة بروحها ف الدار خش للدار السلام عليكم
داليا.. كانت راقدة وحاطة رجليها ع الحيط وتتفرج ف التلفزيون ولما شافت زايد ناضت قعمزت وعليكم السلام
زايد.. حمد لله ع سلامتكم
داليا.. الله يسلمك
زايد.. قعد يشوفلها كيف باين عليها انها تعاني ومكسورة الوحيد الى كان واكل همها وحاس بيها
فات الليل كله ضحك وهدرزة
--------------------------------------
ف الصبح
موسى ومديحة مشو لمطار تمنهنت بعد ماحصلو رحلة لطرابلس
رانيا.. شن رايكم نمشو لحوش عمي عادل
دلال.. حقا امس مرته ماريتها
رانيا.. توتي لجيابها خلاص قربت
خنساء.. لاأمي قالت ماتقعدو تنسرفو
رانيا.. تربحك ماتكسري فيها عود نمشو نغيرو جووو قبل مايروحو
دلال.. هيا خلي حتى نغيرو جو ملينا من الحبس
خنساء.. نسأل أمين ونرد عليكم
رانيا.. أختك مش من جدها
دلال.. معجزات الحب
_________________________
أمين.. ببرود أهلين
خنساء.. حبي مش مصدقة نحنا ف نفس الحوش
امين.. مش فاضي حبي قوليلي شن تبي
خنساء .. نبي نمشي لحوش عمي عادل مع رانيا ودلال
أمين.. اي تمام بري
خنساء .. شكرآ حبي نحبك
أمين.. نموت فيك باي وصكر
----------------------------------------------------
مشو البنات الا داليا وثريا
ثريا .. لابسة سروال أمريكي وبدي أصفر وماشية جاية ف الحوش
أمين.. رجع للحوش وكان متعمد
داليا.. خشت للدوش وزهرة ف المطبخ
ثريا .. واقفة تصور ف المربوعه
أمين.. فات عليها شاف الوضع ورجعلها
ثريا.. أميينو شن الجو
أمين.. خطف منها التلفون وين هايمة
ثريا.. لاااااااا أمين بالله
---------------------------------------------
داليا.. اووف حوش الفقر مش عارفة شيشة شامبو فاضية شن دير ف الحمام لبست حوايجها وطلعت وكانت مشاية للحمام التاني
------------------------------------
ثريا .. كانت تنقز وتنطط وتحط ف ايدها ع أمين
أمين.. مركز ف تفاصيل جسمها البارزة ولصق فيها
داليا.. كانت ماشية للحمام وتسمع ف صوت ف المربوعة وبدت تقرب بالشويا
ثريا.. تشوف لأمين الى كان وجهه قريب ع وجها وكانت حاسة بأنفاسه
أمين.. معاش قدر يسيطر ع روحه وباس ثريا من فمها
ثريا .. لفت ايديها ع رقبة أمين ونسجمت معاه
داليا.. مدت راسها بشويا و
يتبع