A Forbidden Affair (Guieco Clan Series #2)

CHAPTER 14- UNBEARABLE PAIN

"Oh, shit! Help her! Please save her!"
Umaalingawngaw iyon sa aking pandinig. Wala na akong makita pa at pakiramdam ko ay mauubusan na din ako ng hininga.

"Marci! Marci! Wake up!"

"My God! What happened to her?"

"What's going on?"

Naramdaman ko ang pagdapo ng kung anong malambot sa bibig ko. Pakiramdam ko ay dinudugtongan niyon ang aking hiningang nagbabadyang mawala na talaga. May kung anong pwersa rin na dumapo sa tiyan dahilan para maisuka ko lahat ng tubig na aking nainom.

Tuluyan akong nakahinga nang maluwag.

"Ell,"  panggigising pa sa akin ng pamilyar na boses.

Nanatili akong nakapikit. Ayokong buksan ang aking mga mata, ayokong maniwala na naman sa emosyon na posibleng nakabalandra sa kanyang mukha na naiguguhit ko na sa aking kukuti.

"Marci, gising ka na ba?" boses iyon ni Percylla.

"Tabi. Hindi niya kayo kailangan," galit na asik ni Gabriella.

Nararamdaman niya na naman kaya ang sakit na mayroon ako ngayon? Of course, yes.

"Jin, please ikaw na ang magbuhat sa kambal ko. Dadalhin natin siya sa flat niya. Kendra call Xandria, papuntahin mo siya sa flat ni Ate Marci mo."

"Sige po, Ate Silang."

"Silang ka pa diyan! Wala ako sa mood!" bulyaw niya pa sa isa.

Masuwerte pa rin ako sa kambal ko. Sa ganitong sitwasyon. Siya ang mas nakakaalam sa nararamdaman ko.

"Sorry, Ate Gab."

"Ako na ang magbubuhat sa kaniya. Sa clinic siya dalhin, 'wag sa flat."

"No, Ashmer! Ang masusunod. Jin, please?" pakiusap niya pa sa isa.

"Huwag sa flat," may diing na asik din ni Ashmer.

"O siya sa clinic kung sa clinic, mga punyeta!"

"Briel, relax, okay? Pahinga lang ang kailangan ng kambal mo," malumanay na saad ni Jinro.

Naramdaman ko ang pag-angat ko sa sahig. Tila ba wala na akong lakas na natira pa.

"Marci... My god!" rinig ko pa na angil ni Gab.

Ilang minuto pa ay nakalapat ulit ang likod ko sa bed. Alam kong hindi niya talaga ako ipapadala sa clinic dahil first of all, allergy ako sa gano'ng mga lugar. Feeling ko ay 'di ako safe sa kahit na anong medical facilities, eh. Kaya nga rin my private doctor kami mula kabataan namin. Sa bahay lang kami ginagamot kapag may sakit.

"Labas ka na muna, Jin. Papalitan ko lang ng damit si Marci. Si Xandria nga pala, nasaan?"

"Sige, baka papunta na rin iyon dito."

"Yeah, thank you."

"Walang anuman, Silang, ilibre mo na lang ako."

"Oo na, haduf 'to!"

Narinig ko ang pagsara ng pinto hudyat na nakalabas na si Jin. Pinilit kong imulat ang mga mata ko.

"Lock the door, please?" utos ko sa kaniya.

Marahan siyang tumango at sinunod ako.
Bumangon ako at dahan-dahang bumaba ng bed ko dahil basa ako. Agad naman na inalalayan niya ako.

"Ayos ka na ba, Marciella?"

"No," tipid kong saad.

Hindi naman ako makakapagsinungaling sa kaniya. Useless lang ang pagpapanggap ko sa kaniya.