امي .. يمة هذا ابن عم ابوج ابو مريم
رحاب .. وليش احنة ماشايفينة
امي .. لان جان مسافر واحنة مامختلطين بعمامج
رحاب ..ها اي
امي راحت للمطبخ .واني رحت تمددت يم ابني
. بس صفنت هذاك الرجال ماراحت عن بالي . ضليت افكر بي واكول ليش صافن بوجهي ضليت افكر الى ان وعيت علة نفسي كلت اني ليش افكر بي شنو السالفة شعلية بي
نسيت السالفة ونمت شوية.. يتبع ...
من بعد النومة ..صحيت علة صوت اختي اسماء كعدتني كالت يلة رحاب كومي تغدي رحت تغديت اوكلت ابني مصطفى من بعد الغدة سمعت امي اتصلت علة خالي كالتلة عمام البنات اجونة وكالو طلع الكم ورث لابوكم ...كملت امي اتصال وي خالي واجت كالت بنات علة يوم نروح نشوف شغلة الورث . اخواتي فرحن وكل وحدة ضلت تسولف شنو تسوي بحصتها.
اختي شيماء ..اني اشتري ذهب واضمة يفيدني
أسماء .. اني اقدم علة كلية اهلية .
أمي .. كالت اني اروح للعمرة .. واعدل البيت
رحاب .. اني اشتري سيارة .
امي .. يمة شسوين بسيارة . انتي شمعرفج بسياقة .
رحاب . يمة اتعلم
شيماء .. يمة وشوكت نستلم
امي .. مادري عمج كال اجيكم وفهمكم
مشت الايام واني نسيت الموضوع ورجع نفس روتين حياتي اروح للدوام وارجع اعاون امي بلبيت واهتم بأبني مرات اخذة وياي للروضة . وناسية نفسي
ومر اسبوع... جنت توني راجعة من الدوام . تمددت بلغرفة وابني يلعب يمي . اجت اختي شيماء كالت اجانة خطار كتلها منو كالت عمامي .. اني بدون شعور طفرت شنو منو اجة وياهم كالت مادري ركضت للشباك واباوع منة شفة طلع ..
ضليت اباوع علية من طلع من البيت ومادري بنفسي لمن طلع رجعت وكلت بيني وبين نفسي . اني ليش هيج سويت ... ليش اباوع علية هو رجال جبير اكيد هسة اولادة بعمري..
خليت راسي علمخدة ونمت الى ان صار وقت العشة كعدت سويت العشة وتعشينة ونظفت المطبخ وكعدت بلغرفة يم امي..
اتصل عمي . وكال لازم ترحون باجر كلكم وياي للمحكمةحتة توقعون اوراق . علمود نصيبنة من الورث .. وعمامي هم يجون
صبح الصبح . اني وامي واختي شيماء واسماء طلعنة علمود نوقع الاوراق ..
وصلنة وشفتة هو هناك هو صح كان جبير بس شكلة حلو ومرتب وهيبة اجة سلم علينةوتكلم .وي امي . كلما اشيل عيني اشوفة يباوع علية . ..كملنة توقيع اوراق الورث وردنة نطلع طلع هو ويانة .كال خلي اوصلكم امي كالت لا ..
&
&
&
