....علي ... مرت الايام الي مااكلم بيها رحاب ومااشوفها .مثل السنين . ردت اشغل نفسي وانساها بأي طريقة ماكدرت كنت اروح وارجع لنفس النقطة .. رحاب تجري بدمي .. كنت كوة اكلمها من جهاز اختها ابقى ايام انتظر وكل يوم اطول من ميت سنة..وقررت اخذ ناس واروح اخطبها مرة ثانية بلكي الناس تأثر عليهم .
....رحاب ... ومرت الايام وقرب سفر امي للعمرة.. واتصل علية علي وكالي اريد اجي اكلم اهلج كتلة امي راح تروح للعمرة ..
وصاروقت سفر امي .. اني بلغرفة اجتني امي كالت رحاب ماما لاتزعلين مني اني اريد اشوفج احسن الناس ماريدلج نصيب مثل علي كبير ومزوج ماريدج تنصدمين مرة ثانية بزواج.. يمة لاتزعلين مني وخليني اروح مرتاحة .. ومن اجي يصير خير .. اني دنكت علة ايد امي وابستها وكتلها يمة الله وياج .اريدج ترضين علية .اني ماعندي غيرج
صار وقت سفر امي .امي وصت خالي علينة هو وزوجتة يجون يباتون يمنة.. وراحت بقيت اني بلبيت صرت اكدر اخذ راحتي اكلم علي .. لان امي ماهية ..اكدر اكلم علي براحتي.
وبيوم كالي رحاب مشتاقلج كلش اريد اشوفج . كتلة ماكدر اطلع من البيت .. كال رحاب كلش اشتاقيتلج راح اموت علة شوفتج كتلة ابد ماكدر اطلع .. حسيتة مثل الزعل وكال مع السلامة . وبقة يومين مايكلمني ولايتصل ومن اتصل علية يجاوب بختصار . ورة اليومين اتصلت علية مايرد دزيت مسجات جاوب كال اني مريض .. كتلة اريد اشوفك اشبيك كلش قلقت عليك..كال لاميحتاج ..بس اني قررت بيني وبين نفسي اروح اشوفة
