فتحت عيني شفت كبالي اضوية صدت بعيوني غمضت حيل ذكرت بنتي فزيت اصيح وينها وينها اجن الممرضات رادن يضربني ابرة شلعت الكانولة وشمرتها بلكاع وطلعت اركض نزلت وايدي تجري دم ماحس بيها شفت علي اباب غرفة العمليات ويحجي والدكتور . حسيت رجلية يتلون ماكدر امشي عليهن . ولساني انعكد . شافني علي من بعيد اجة يركض كالي رحاب نجحت العملية لاتخافين باوعت علية مبينة الفرحة بي اطمئن قلبي كتلة اريد اشوفها حتة لو من بعيد . اخذوني شفتها نايمة ومحاوطة بلاجهزة .
حمدت ربي وشكرتة .يارب تمم نعمت علية يارب . بقينة شهر بتركيا بعدين رجعنة للعراق .
صحت بنتي تتحسن بس الاطباء كالو عناية خاصة يرادلها .
وتاخذ علاجها بنظام .اي تعب علة قلبها خطر علة حياتها
اني قدمت استقالة من دوامي وكعدت بلبيت ادير بالي عليها هي ومصطفى ..
زوجت علي انتكست صحتها دخلت بغيبوبة .بعدها بشهر توفت .😢
علي تغير مو مثل قبل دوم حزين . ومايجيني دوم بسبوع مرة يجي .. يكول البنات فاقدات امهن . ولازم ابقى يمهن ..
اني مقدرة حالتة وعاذرتة بس مر اربع شهور علة نفس الحال .
كلت خلي ارجع علاقتنة مثل قبل .لان اني بفترة علاج بنتي هملت علي هواي حتة هملت نفسي باوعت علة روحي بلمراية شفت الشيب براسي . وجهي ذبلان .
اتصلت علة امي . كتلها تعاي ابقي ين جهالي عندي طلعة .. اجت امي علمتها علة دوة ميسم وقت اكلها وطلعت
رحت للسوك اشتريت ملابس جديدة ورحت للصالون صبغت شعري وحفيت .سويت تنظيف بشرة .
رجعت للبيت سبحت ولبست تراك احمر . طلبت اكل من برة .
اتصلت علة علي وكتلة اريدك بشغلة ضرورية ..كالي اي ساعة واجي ..
امي كالت اني راح اروح اخذت مصطفى وراحت .اني رتبت الاكل . ورة ساعة اجة علي .
اول مادخل من الباب رحت علية حضنتة وبوستة .
كتلة لعلي اليوم تبات هنا ماتروح .
