رحاب ... حياتي تتدمر اذا ماخذت علي افهموني كافي.
وعفت امي ورحت لغرفتي .. اتصلت علة علي وسولفتلة
.كالي لازعلين نفسج اني راح اخطبج من عمج اكيد مايرفض كتلة صدك فرحت كتلة لعد روح لعمي واحجيلة هو يحاجي امي .. وفعلا راح علي وحجة وي عمي وعمي وافق بس كال لازم اكلم امها ...
وفعلا اجة عمي وكلم امي بلموضوع وامي كالت انت عمها ورحاب مثل بنتك ليش تقبل الها نصيب هيج رجال جبير ومزوج وبناتة بعمرها ..ضل عمي يقنع بيها كالت يصير خير .. اني بيني وبين نفسي فرحت .كلت اي اكو امل ..
راح عمي .. واني رحت لغرفتي اتصلت علة علي وكتلة امي تقريبا اقتنعت واني طايرة من الفرح .
علي ..يعني كلها كم يوم وخليج بحضني ااخ لو الكفج ..
رحاب .... علي لاتخجلني ...
اثناء ما اسولف وي علة علة الموبايل اجت اسماء كالت رحاب امي تريدج ..يلة علي باي خلي اشوف امي شعدها ..
رحت علة امي كتلها ها ماما ..
كالت اكعدي ..كعدت يمها كالت رحاب اني ماموافقة علة زواجج من علي . وخالتج يومية تكلمني عليج حتة ترجعين لزوجج ..وتربين ابنج يم ابو ..
اني .. فتحت عيوني 😮 وشلت عيني وباوعت عليها .. كتلها يمة انتي ليش هيج زوجتني بكيفج وبطلتيني من المدرسة وحملتيني مسؤلية البيت . ليش انتي عبالج اني موبشر .. عندج اسماء وشيماء زوجيهن علة كيفج ..
امي . صاحت علية رحاب انتي هيج تكلميني اشلون هذا علي علمج مو....!!!
لايمة مو علي اني مليت وتعبت من اوامرج .روحي مشي كلامج علة اخواتي خليتيني خدامة الهن . لهنا وكافي ماسمحلج تضيعين البقة من شبابي ..
صارت امي عصبية ضربتني راشدي .
اني خليت ايدي علة خدي وباوعت عليها بحركة وطلعت من الغرفة ..
رحت لغرفتي . طلعت جنطة ولميت ملابسي وملابس ابني اخواتي دخلن للغرفة بقن يطلعن بلملابس واني ارجع لميت غراضي ولبست صاية ولفيت الشال .خليت تلفوني بجنطة الصغيرة .. وشلت ابني وطلعت .. اخواتي طلعن عفية رحاب وين رايحة .. اني ساكتة امي كالت رحاب وين رايحة سكتت ..
