قبل مدة صارت عندي شغلة يم بيت عمي ورحت الهم اني وابن عمي .. وبطلعتي من بيتهم شفت رحاب . اول ماشفتها اخذت كلبي . وماغابت عن بالي لحظة . . بعدين قررت اروح اخطبها . وحجيت وي امها ورفضت .. وكلش تأثرت وانقهرت . بعدين حالفني الحظ واتصلت هي علية ..وحبيتها وحبتني احسها كبيرة بعقلها واخلاقها ومرات احسها طفلة بجنونها .رحاب تختلف عن باقي النساء . بلحضة تغير حالي . وتطلعني من بحر احزان . ودخلني بعالم النفاه والفرح .نضرة بعيون رحاب عمر ثاني .
.رحاب.. علي جبرني احبة كان كل وكت يسأل علية اول مرة احس بالاهتمام .. مرات يجيني لدوام ونطلع نروح مولات لو للمطعم .. حسيت نفسي الها قيمة من بعد مانسيتها بين الدوام وتربية ابني وشغل البيت..
وصار علي جزء من حياتي .. اني من كثر تعلقي بي وحبي الة .. نسيت حتة هو اكبر مني . ونسيت زوجتة واولادة .. ابد مافكرت بلعواقب .. علي كالي . رحاب اني راح ارجع اخطبج وهلمرة كليلهم اني موافقة .. وفعلا خابر علة امي وكاللها اني اليوم اجيكم ..
اني طرت من فرحتي . رحت رتبت البيت وسبحت ورتبت نفسي . وكنت احسب دقايق حتة يمر الوقت ويجي علي .. اندكت الباب اجة علي يمة كلبي يريد يطلع من ضلوعي ..
طلع خالي وكالة تفضل لان امي من اتصل عليها علي ودت علة خالي . ودخل علي للاستقبال .. وبدو يحجون اني منتظرة شوكت ينفتح موضوعنة واسمع عليهم ..
امي حست علية واجت كالتلي رحاب شبيج كتلها ها ماكو شي ..
سمعت علي حجة وي خالي
علي .. اني اجيت اليوم اطلب ايد رحاب
خالي .. اهلا بيك بس لازم اشاور اهلنة
علي .. اي شاورهم براحتك وان شاء الله خير
خالي .. انت تعرف ردهم من قبل
علي .. ان شاء الله تغير رايهم
