رحاب .... اتصل علية علي وكال اليوم اتغدة يمج طلعت من الدوام جبت ابني من مدرستة . ورجعت للبيت دخلت كبل للمطبخ ..بلشت بطبخ الاكل خليت دجاجة بلفرن .. وسويت زلاطة .. ورحت سبحت ورتبت نفسي لبست ثوب قصير بصلي .ردنة قصيرة كلش خليت مكياج وكعدت انتظر جيتة. بعدين اجة علي وتغدينة وحجالي الصار ضجت من نفسي وكلت اشكد عواطف مرة عاقلة ومحترمة دخلنة للغرفة ضلينة نسولف بيها علي كان مهموم وضميرة يأنبة خلة راسة بحضني وكال اهم شي انتي يمي رحاب انتي مثل الهوى عندي بدونج اموت وخلة ايدة علة بطني وكال شتتوقعين بنية لو ولد كتلة المهم الخلقة التام ويشبهك مايهني وياريت تطلع بنوتة وعيونها ملونة مثلك ..ضحك علي وكال يعني هيج اني حلو كتلة انت احلى من العسل .هههه ضل يضحك .ويشاقة .حسيتة شوية خفف من همة.تمدد علي علة السرير واني يمة نمنة شوية وصحينة علة رنة موبايل علي. ..جاوب علي سمعتة كال هلو بابا شبيج اني طالع بشغلة .شبيج بابا كولي .وبصوت عالي كال شنوووو هسة جاي بابا لاتخافن جاي ..سد التلفون
كتلة علي شكوو شصاير . ماجاوب كان مرتبك يمكن اصلن ماسمعني ..
بدل ملابسة واخذ مفاتيح السيارة وطلع .. واني امشي ورى واكول علي خير شصاير ..هو ابد مالتفت الية طلع عسريع شغل سيارتةومشة سرعة ..
طلع علي واني ضليت بقلق اتصل علية مايرد رحت للغرفة واني افكر اكول يجوز زوجتة صار بيها شي .الله يستر يارب دخيلك .. ضليت بحيرة وصارت عندي خوفة عذاب الضمير بدة يسيطر علية .اكول خاف زوجتة صار بيها شي بسببي. حسيت صارت تقلصات ابطني خفت علطفل رحت تمددت علة السرير .. وماحسيت علة نفسي غفيت ..
