امي .. شوف انت لو غريب جان هسة هنتك وغلطت عليك .راح احترمك لانك كرايبنا . اولا عيب عليك من ورانة تطلع وي رحاب وتخابرها ماخليت احترام النة .ثانيا رجال شكبرك مو عيب تضحك علة وحدة بكد بناتك .. انت مو مزوج
علي .. حجية اني احبها رحاب وخطبتها مرتين وانتم رفضتو وانتم كلكم علة راسي . وهسة هم اخطبها ومتمسك بيها للموت وهي مقتنعة بية .
امي ... وهسة هم راح ارجع واكلك ماموافقين وهذا الموضوع هسة ينسد وتنسى بنتي ..
علي ... اعذريني ماكدر
رحاب .. يمة ليش هيج مو كتلج اني قابلة بكلشي
امي .. رحاب اسكتي انتي ولاكلمة
علي .. حجية لاتكبريها هي تريدني واني اريدها ومستعد اضمن مستقبلها وياي وشتردون اني حاضر .
امي .. نريدك تنسى رحاب ولاتحجي بيها بعد
علي .. اعذريني حجية ..
امي .. اذا هيج اني مضطرة اخابر عمامها وهمة يتفاهمون وياك وهسة من رخصتك عدي شغل تكدر تروح .. مع السلامة
علي ضل يباوع علية واني اقنع بأمي واكلها عيب يمة مو هيج ..وابجي علي كالي كافي رحاب لاتبجين اني رايح والله كريم . تنحل
طلع علي واني ركضت للغرفة متعصبة . وسديت الباب . طلعت موبايلي اريد اتصل علة علي دخلت امي . كالت .رحاب انطيني موبايلج كتلها ليش كالت اي واحد يسألج كولي ضاع بعد ماكو موبايل.
اخذت امي تلفوني وطلعت . اني بقيت بلغرفة ابجي ومحتركة . حطيت راسي ونمت اجو اخواتي سمعتهم سألو علية امي كالت الهم مريضة ..
