كاللها بابا اعرفج بزوجتي رحاب واختج ميسم باوعت علية وكالت اهلا ردت اروح اسلم عليها اندارت وكعدت علة القنفة .بقيت واكفة متفشلة علي اشرلي اكعدي كعدت كال بابا اليوم نتعشة سوة هي كالت انتم تعشو اني تعبانة ورايحة انام .من رخصتك بابا اخذت جنطتها وراحت مي ومهى بقن احنة تعشينة.اني كوة اكلت احس نفسي مو مرغوبة. كملو عشة اجت ام وليد تشيل اماعين اني شلت وياها رحت للمطبخ بقيت اساعد بيها كالت ام وليد خالة روحي اكعدي كتلها لا خالة وياج ضلت تسولف اشلون اجت كالت صارلي عشرين سنة اشتغل اهنا اني وزوجي عندي ولد واحد سافر للخارج يدرس . يمة اي شي تحتاجي كليلي . لاتعبين نفسج . اني سويت جاي واخذتة للصالة علمود نشرب سوة شفت بس علي كاعد وميسم بحظنة كتلة وين البنات كال راحن . حسيت البنات خافن من مريم وراحن . شربنة جاي وصعدنة لغرفتنة كلت لعلي مبينة مريم ماتحبني كال وهي وين تعرفج هي بعدها مصدومة بوفاة امها. وهم تتعب بشغلها . لاتفكرين بلموضوع .
مشت الايام واني ابيت علي رغم كبر البيت وجمالة بس ما احس بي احسة مثل السجن البنات يطلعن لدوام ويرجعن بعد ماشوفهن ومن احاجيهن يسكتن ومريم تعصب علة اقل شي وتزمخ بوجهي مرات اضوج اخذ بنتي واتمشى بلحديقة .علي يجي يحس بية مامرتاحة يكلي خلي نطلع يطلعني متنزهات ومرات ياخذني اروح اشوف ابني .
وبيوم جانت ام وليد مريضة كتلها اليوم لاتسوين شي اني اسوي كلشي نظفت البيت وطبخت اكل خليت بنتي يم ام وليد تلعب فجئة دخلت مريم ضلت تصيح علة ام وليد هاي ليش مخلية الطفلة تلعب بصالة. بنتي خافت من الصوت العالي ضلت تبجي اني اجيت اركض كتلها ماسوت شي اخذت بنتي وحظنتها . كالت انتي شجاي تسوين شنو انتي خدامة لو متعودة علهشي مرة ثانية ماريد اشوف بنتج هنا .
