طلعت من البيت اتصل بعمي وحجيتلة الصار عمي كال تعاي النة انطاني العنوان اخذت تكسي ورحت . وصلت لبيت عمي كان بيت عادي نظيف ومرتب . بس كان كأيب . عمي منتظرني بلباب كالي تفضلي . طلعت زوجة عمي وبناتة اني من زمان ماشفتهم . كان عدهم ولد كبار بعمري .. دخلت يمهم وحجيت لعمي كلشي كتلة عمو اتصل علة علي وتنطي موافقة ..
ضل عمي يحجيلي اشلون امي بعدتنة عنهم من بعد وفاة والدي . وحرمتهم من عدنة .ومن زوجتني لابن خالتي بدون ماتاخذ رايهم ..
بنات عمي كلش حبابات ماعرفهن بس بساع اتألفت وياهن صاحلي وكالن تعاي ارتاحي بلغرفة اخذن مصطفى ويلاعبن بي .. بعدين اجو ولدهم اني استحيت ضليت بلغرفة ..
اتصلت علة علي وحجيتلة كلشي صار كتلة ماريد ابقى هناهواي كلش خجلانةكال اني باجر جاي لعمج واخطبج ..
وفعلا ثاني يوم اجة علي وحجة وي عمي وصارت الموافقة اني بين فرحانةبين مخنوكة علة امي خايفة يصير عليها شي بسببي .
كملت الخطبة ورة كم يوم اتصل علية علي وكال حضرت كلشي للزواج . اجة للبيت وانطاني فلوس . رحت لسوك اشتريت ثياب حلوة مال عرايس و ملابس نوم ومكياج ومعطرات .. اتفقنة الخميس الزواج . يعني باقي يومين .. اتصلت علة امي كتلها ماما اني راح ازوج علي ماقصر وياي اشترالي بيت وكتبة بأسمي اني كلش فرحانة يمة لاتزعلين مني ..ارجوج .
امي ضلت تبجي . وكالت الله يوفقج ماما بس جيبلي مصطفى اشتاقيت الة صارلي اسبوع ماشفتة .رحت اخذت مصطفى ورحت لهلي .. وتعذرت من امي .بوست اديها.وراسها .. ضليت يمها وثاني يوم رحنة اني واخواتي وبنات عمي للصالون . ماوصفلكم اشون فرحانة .. صبغت شعري اشقر . وحفيت . ولبست فستان طويل كيبور ابيض . وشعري رفعتة شوية والباقي محلول .. ومكياج .. صرت اخبل ماعرفت نفسي 😍😍😍
رجعنة لبيت عمي ..اتصلت علة علي كتلة وصلت .
اجة علي وجايب شيخ وعقدنة . كلشي بسكتة وبسيط . بس اني سعادتي ماتنوصف .
كعدنة شوية واخواتي يمي بعدين علي كال يلة رحاب خلي نروح .. طلعت من بيت عمي وايدي بأيد علي . واباوع علية ومامصدكة .
صعدنة بسيارة رحنة للبيت .. وصلنة هو نفس البيت الي كنت التقي بي وي علي
فتح الباب علي ودخلت علي كل اشوية يذبلة حجاية
ولج شطالعة اليوم كيكة
دخلت للبيت علي مغير الاثاث ومرتب البيت .. اخذني علي من ايدي لغرفة النوم ..
