كالي علي صار هو الي يشوف هيج جمال يروح ..
تعشينة ودخلنة للغرفة كعدنة نسولف كال علي رحاب اريد اخذج تعيشين بهذاك البيت
كتلة شنو .كال اني ماكدر بعد اعوف هذاك البيت بناتي محتاجاتني .اكثر من قبل . واني ماكدر ابقى اروح وارجع انتي لازم تعيشين وين ما اني اعيش .
كتلة ماكدر اني حتى ماعرف اشكال بناتك كال لا لازم .
صار الصبح علي راح وكال حضري نفسج باجر اجي اخذج اخذي بس ملابسج وملابس الجهال ..
اتصلت علة امي وحجيتلها كالت روحي عيشي ويا بس مصطفى مايروح كتلها ليش يمة كالت لمن تشوفين الوضع هناك اخاف علية وهو متعود علينة.كتلها جيبي اريد اشوفة ..
بديت اجمع بملابسي اوملابس بنتي بجنط واعزل بلبيت .
اجو امي ومصطفى واخواتي .. تغدينة سوة كتلهم اليوم ابقو يمي ..ضلينة نسولف كتلها يمة اني ماكدر افارك مصطفى كالت يمة شوفي الوضع هناك شنو وبعدين اخذي .كتلها يمة ديري بالج علية. خليت مصطفى بحظني وابوس بي . لصبح .
.. ماما عفية ديري بالج علة ابني .. يمة لاتخافين علية هو منو ربى غيري .حضنت ابني وشميتة . راحت امي ومصطفى وياها
واني حضرت غراضي الي اخذهن .خابرني علي كال العصر اجي اخذج كتلة تمام .
صار العصر اجة علي كال جاهزة كتلة اي .. شال علي الجنط خلاهن بسيارة واجة شال ميسم ويبوس بيها قفلت باب البيت وطلعت بس احس روحي تريد ترجع لبيتي ..
