كتلها اسفة واخذت بنتي وصعدت لفوك بقيت ابجي نيمت بنتي وضليت منظرة علي علة نار كلت اليوم لازم يرجعني لبيتي . سمعت صوت سيارة علي باوعت من الشباك شفتة اجة انتظرتة يصعد ماكو.
طلعت من الغرفة ومشيت شوية صرت اسمع علي بصالة صوتة يضحك هو ومريم اسمع علي يحجي وياها عبالك امة مو بنتة يتودد الها ويسألها ميت سؤال عن شغلها ودراساتها..نزلت يمهم علي ولاعبرني كتلة شلونك علي رد علية هلة . هاي مو اول مرة علي دوم من يشوف مريم يصير طبعةخ ناشف وياي احسة يخاف منها ..هي من شافتني اترخصت وراحت لغرفتها .علي كال خلي نصعد لغرفتنة .اول مادخلنة علي حضني وبوسني شلونج حبي وشلونج حياتي . كلش انزعجت منة كتلة علي قبل شوية اسلم عليك سلامك ثكيل ليش لان بنتك موجودة . كال ترديني احضنح وابوسج كدام بناتي كتلة لا بس احترمني ...حجيتلة علة الصار.ضل يضحك كال حبيبتي يعني موزين تخاف عليج ماتريدج تتعبين كتلة اشلون عاطت بميسم كالي اي تخاف عليها لاتتأذى كتلة علي انت ليش تبرر الها هيج ماريد منك شي بس رجعني لبيتي.كال حبيبتي هي طيبة بس شوية طبعها حاد تحميليها لخاطري والخاطر امهن وصتج عليهن. وضل يتوسل بيةحتة اقتنع .
ورة يومين نزلت الصبح البيت هدوء ام وليد ماكو صحت ام وليد ماكو.رحت للمطبخ دخلت وراي مريم كتلها صباح الخير .ردت هلة كالت يلة حضريلي الريوك توني جاية من الدوام وسهرانة اريد اكل ونام كتلها لعد ام وليد وين كالت ام وليد بأجازة شهر انتي ابمكانها . رحت حطيت ريوك بس الية وكعدت اكل . كالت ليش ماحضرتي كتلها اني موخدامة عندج ضلت تحجي .صار بينة نقاش اني عفتها ورحت .كعدت بغرفتي مانزلت منها .اجة علي كال خلي ام وليد تحضر الاكل كتلة ام وليد بأجازة كال رحاب انتي طبخي بمكانها .كتلة علي انت تعرف بنتي مريضة لازم مافاركها .كال حبيبتي بنتج ماعليها شي روحي اطبخي راح اموت من الجوع . اني هم رحت طبخت وحضرت السفرة وكملت الغدة وصحت علة علي اجن البنات كعدن ياكلن واجت مريم كلت كالت الاكل طيب بابا خلي رحاب دوم تطبخ النة علي كاللها صار اباوع لعلي مكيف عبالك فاز بجائزة الاوسكار . كال علي رحاب اطبخي انتي لبين ماتجي ام وليد كتلة وبنتي كال اني اجيب مربية كتلة لاجيب وحدة تطبخ وتنظف كال لا مانثق بغير ام وليد تعرف شنحب ناكل انتي اطبخي علما ترجع .سكتت .احس مو هذا علي الي حبيتة شخصيتة تنعدم كدام بناتة كملو اكل كلمن راحت لغرفتها اني غسلت اماعين ونظفت البيت ورحت لغرفتي
