رحاب .. اول مرة علي يعيط علية اني سكتت وكملت دوامي عادي ابني وياي .. خلص الدوام رجعت للبيت تغديت نمت شوية صار العصر وقت جية علي .. بدلت ورتبت نفسي انتظرت علي ما اجة اتصلت علية مارد .ضليت انتظر ما أجة حتة بليل ولا اتصل خفت وكلت اكيد صارت مشكلة ..
نمت كعدت الصبح باوعت علة تلفوني ماكو اي اتصال من علي ...لبست واخذت ابني ورحت لدوام . انتهى الدوام رجعت للبيت شفت سيارة علي بلباب . دخلت اركض لبيت شفت علي كاعد . سلمت علية كتلة خير علي شكو ليش من امس ماهوة لاحس لاخبر . كال حطيلي اكل من البارحة ماكلت وبعدين نحجي .. رحت حضرت الغدة وتغدينة ونيمت مصطفى .علي راح سبح وغير ملابسة .
اجيت يمة كتلة علي كلي شكو شصار وي مريم .. باوعت بوجهي كان صفن بعيوني .. كلشي ماكو تعاي ولج اشتاقيتلج جرني من ايدي بقوة وحضني . كتلة علي احجيلي ..كالي مريم وامها شاكات بية وماخذات رقمج من جهازي ..
رحاب .. صدك علي وشسويت
علي .. حجيت وياها وكتلها ماكو بينة شي وحتى اثبتلها اظطريت مااجيج ..
رحاب ..كلش ضجت كتلة وخر عني
علي ... شبيج رحاب
رحاب ... مابية شي بس انقهرت علي ليش نكرت وجودي شنو اني نزوة بحياتك
علي ... مسك ادية الاثنين حبيبتي شنو هلحجي انتي روحي بس اني علما ارتب وضعي اتحمليني حبيبتي
رحاب .. الله كريم علي
بيني وبين نفسي انزعجت كلت علي نكر وجودي كدام بنتة لعد اذا واجه زوجتة او ابنة شيصير
اني اتحملت وسكتت لاني احب علي وتحديت امي لخاطرة .. ومر علة زواجنة سنة .. عايشة احلى عيشة . علي يجيني بنهار ويروح لزوجتة بليل ... وفد يوم طلعت من الدوام ورحت حتة اجيب ابني . طلعت بسيارتي الخاصة . واني بطريق حسيت بدوخة وتعب قوي . وقفت السيارة وشربت مي وغسلت وجهي . ورحت لبيتي وصلت للبيت اول مادخلت نمت .. اجة علي ماشافني منتظرتة ..
اجة علية كالي رحاب شبيج . كتلة علي معرف شبية كلش تعبانة ..كال العصر تروحين للدكتور ..
