بارت 34
رحت لميسم شفتها كاعدة تلعب يم علي وهو نايم اخذتها اريد انيمها ضلت تأشر بأيدها علة الميزمرايا كتلها شنو تريدين تأشر جبتها كتلة شنو اشرت علة صبغ الاظافر كتلة هذا كالت اي اخذتة وكعدت اصبغلها صبغ احمر وديها بيض يخبل ضليت ابوس بيهن رحت كعدت علي كتلة تعال شوف هي شافت ابوها ضلت تشيل ايدها وتراوي وعلي يضحك بعدين نامت اني رحت لعلي كتلة انت ليش هيج تسوي تصغرني كدام بناتك ضل يبوس بية ويكلي شكو بيها اذا عجبهن طبخج يجوز يحبنج هاي بداية حتة تتطور علاقتجن ويحبنج ..قنعني بكلامة واني من حبي الة سكتت .
يوم عن يوم الشغل يكثر طبخ ومواعين وترتيب البيت والملابس . بنتي يم المربية علاجها تخربط دوم تبجي وتفحط وهي البجي مو زين عليها انزل الصبح اصعد الظهر انطيها علاجهاوالعصر هم انزل ابقى لليل طبخ وتعزيل صرت خدامة الهن ولصديقاتهن . بنتي بدت تدهور صحتها بسبب الاهمال .. كلت لعلي بعد ماكدر اهمل بنتي حالتها الصحية بنازل كال وصيت علة وحدة تساعدج يومين وتجي . يارب شخلص اليومين .
ومرة ونفس كل يوم نزلت للبيت وخليت ميسم يم المربية رحت للمطبخ بلشت بطبخ . اجتني المربية تصرخ كتلها شكو شبيج كتلت الطفلة تعبانة رحت اركض الها شفتها فاقدة الوعي ضليت الطم واصيح سمعن البنات اجن يركضن وياهن مريم كالت وخري خلي افحصها .ضلت تفحص بيها كلت خلي ناخذها للمستشفى فورا . طلعنة نركض صعدنة بسيارة مريم شغلت السيارة ومشت سرعة بطريق كالت ليش ماكلتي عدها قلب ليش .انفخي بحلكها .ضلت تهد السكان وتدلك بكلب ميسم .واني انفخ بحلها . اتصلت علة الاطباء كالت انتظروني بساع بطوارئ وصلنة للمستشفى اخذتها مني ونزلت تركض للطوارئ اني اركض وراها اتلكونة الاطباء واخذوها منها ودخلو بغرفة وهي دخلت وراهم ردت ادخل ماخلوني . رحت اباوع من الجام اشوفهم خللولها تنفس اصطناعي اجت ممرضة مدت ايدها وخلتلها كانولة شفت اظافرها مصبغات ذكرت من تبجي علة الصبغ . فقدت ضليت اصرخ مريم شافتني باوعتلي بندم وكالت للممرضة نزلي الستارة . اجة علي يركض كتلة علي بنتي كال لاتخافين ماكو شي طلعت مريم من الغرفة وياها دكتور اني ركضت علة الدكتور كتلة ابوس يدك بنتي شبيها كال لاتخافين . كال هسة مستقرة بس اكو خطر علة حياتها . ضلينة بلمستشفى يومين مريم مافاركت ميسم اني مانشفت دموعي وادعي . يومين لااكل ولا اشرب ولا انام بس ابجي صرت تراب طلع الدكتور من الغرفة ويا مريم وصاح لعلي اني من نظرة عيونهم عرفت بنتي بيها شي بس ضليت مكذبة نفسي وكاعدة شفت الدكتور حجى وي وعلي ضل يبجي عرفت بنتي راحت ركضت اريد اروح للغرفة فقدت الوعي ومحسيت بدنيا .
