اجة خالي ودخل للغرفة وكنة اني وامي واخواتي كاعدين .. كال ابو مريم طلب ايدج اني سكتت .. امي كالت هذا الرجال منين طلع النة مو كنالة ماموافقين شكو رجع .. اني كتلها يمة اني موافقة .. امي كالت لارحاب مو بكيفج .نسيتي عمرة نسيتي هو مزوج .. كتلها ميخالف يمة ازوج واحدكبير عاقل ويفتهم كالت خوش زوجتة تدري خلي يجيب موافقة زوجتة ويصير خير . اني بقيت ساكتة
طلع خالي وكال لعلي . اهلي يردون موافقة زوجتك . علي كال الله كريم . وراح ..
اجت امي وكالتلي رحاب شنو بينج وبين علي كتلها ماكو شي . كالت ليش رجع خطبج كتلها يمة شكو بيها .. وسكتت ..
اتصل علية علي ثاني يوم وكالي ..
علي .. الو حبيبتي اليوم راح اكلها لزوجتي
رحاب .. شنو تكلها ....؟
علي .. اكلها راح ازوج
رحاب .. خاف ماتقبل
علي .. مو بكيفها اليوم احاجيها وشيصير يصير
رحاب .. كلمها وتصل علية
علي .. اي
بعد اتصالي بعلي رحت كملت شغلي وضليت منتظرة تلفون من علي حتة اعرف شنو صار بينة وبين زوجتة
صارت الساعة ب11 بليل . اجت رسائل فايبر من علي .. كالي رحاب حجيت وي زوجتي وصارت بينة مشكلة .. وبناتي ادخلن وعفت البيت وطلعت .
كتلة شنو الحل كال مادري ..
ثاني يوم ماتصل علي ابد .. حاولت اتصل علية رفض الاتصال ..
العصر اتصل علية وكالي . رحاب عدج طلعة اليوم . كتلة اي ليش كال اريد اشوفج ضروري .. كتلة راح اكل لهلي رايحة لصديقتي . واشوفك .. كتلة وين اشوفك كالي رحاب اني اجي اخذج .. شوفي مكان انتظريني بي . كتلة اوك ..
رحت نيمت ابني . وكلت لأمي يمة اني رايحة وي صديقتي حنين لسوك . كالت روحي ..كتلها ديري بالج علة مصطفى ..
