اتصلت علة شيماء كالت مصطفى يبجي عليج بس هسة نام .. كتلها شوية وارجع..
ضليت اتمشى بطريق دك تلفوني باوعت لنة هو . فتحت خط كال ..
ابومريم.. الو
رحاب .. الو
ابو مريم .. اهلا منو
رحاب ..اني .. مممم رحاب
ابو مريم.. اهلا رحاب
رحاب .. هلا بيك
ابو مريم.. شلونج رحاب
رحاب .. الحمد لله
ابو مريم ..اي رحاب كولي ليش متصلة
رحاب .. مادري يمكن لان سمعت انت خاطبني
ابو مريم.. الصراحة رحاب اني من اول يوم شفتج ماغبتي عن بالي وضليت افكر بيج .واتصلت علة امج واجيت الكم انتي كنتي ماموجودة وخطبتج . بس مع الاسف امج .رفضت
رحاب .. هاا اي
ابو مريم .. بس مافهمت اتصالج موافقة بية لو لا
رحاب ..ها مادري يلة باي .
ابو مريم .. اوكفي وين رايحة
رحاب يلة يلة مع السلامة
رجعت للبيت واني ماعرف شبية . ماعرف اني صح لو خطاء . مادري اني شبية وليش هيج سويت .. دخلت للبيت كلتلهم اليوم تعبانة . دخلت للغرفة شفت ابني نايم حظنتة ونمت وضليت افكر وصراعات بداخلي . لمن غفيت . فزيت علة صوت ابني عطشان . لكيت الساعة ب10:30 بليل رحت للمطبخ خليت كلاص مي بصينية وعشة هم . ورجعت للغرفة .. كعدت اتعشةو اوكل بأبني لان كان جوعان . دخلت امي للغرفة كالت
امي ... رحاب يمة ابو مريم خطبج
رحاب .. اي يمة
امي .. يمة صدك رجال مايستحي علة نفسة ماشافج غير مرة وجاي يخطب لا فوكاها رجال بكد ابوج ..بنتة بعمرج .
رحاب .. يمة وشرديتو علية
امي .. طبعا ماموافقين .
رحاب .. يمة زين ليش احنة مانعرفة اذا هو كرايبنة
امي .. يمة خلص عمرة مسافر واحنة ورة وفاة ابوج ماتواصلنة بعمامج ..
رحاب .. هاا وشسمة هو ...؟
الام .. اسمة علي ويشتغل مهندس
سكتت وتندمت لان اتصلت من ورة اهلي علية . وهمة ماموافقين ضليت ساكتة .. كملت عشة ابني وضل يلعب يم امي . واني رحت سبحت . ومشطت شعري .. ورجعت تمددت بفراشي .طلعت تلفوني وفتحتة شفت رسائل فايبر شفتهن من ابو مريم
رديت علية ..
