رحاب ... اسكتي حنين لاتكليلي هيج اني اريدلي حجة ترة .
حنين ... عليش حجة عندج كل الحجج بس انتي غمة
رحاب .. والله مادري وصفنت
حنين ... اني كتلج وانتي بكيفج
ضلينة نسولف وبعدين راحت حنين .. اجة وكت العشة كملنة العشة وزوجت خالي بقت يمنة اني كملت شغلي ورحت لغرفتي ..
فتحت الموبايل بي خط ورصيد ..
اتصلت علة علي وضلينة نسولف شلون كضينة اليوم وهم عاد علية فكرة الزواج واني رفضت .
زوجة خالي سمعتني او اتعمدت تسمعني من احجي وي علي ..
بقت رجاء عدنة . وخالي يجي بليل يبات ويانة الى ان رجعت امي من السفر ورة اسبوعين . هم فرحنة برجعتها وسوينة غدة وعزمنة اخوالي كلهم وخالاتي .. ورة يومين من جيت امي للبيت صاحتلي كالت رحاب...
امي ... رحاب انتي بعدج تكلمين علي مو
رحاب.... هاااااا يمة
امي ... اني ادري بي يكلمج وانت عندج تلفون رجاء حجتلي
رحاب ... اي يمة اني شفت علي واحجي ويا
امي ... رحاب يمة علي مايفيدج رجال جبير ومزوج وعندة بنات بعمرع عوفي هاي السالفة ارجعي لزوجج ابو ابنج لهسة مامزوج ومنتظرج
رحاب ... يوووووو يمة كااافي مارجع لزوجي السابق . لويموت . يمة اني اريد علي فهميني
امي ... يمة ارجعي لخاطر ابنج . خاف ياخذة منج
رحاب ... لايمة ماريد ارجع واذا يريد ابنة خلي ياخذة
امي ... صدك رحاب تتخلين عن ابنج .علمود علي .
رحاب ... لايمة بس محد يجبرني بعد علشي ماريدة امي ... خوش رحاب براحتج بس ماراح اسمحلج تدمرين حياتج
