رحت سبحت ومشطت شعري وخليت عطر رتبت نفسي اني طبيعتي دوم مهتمة بمظهري .. بدلت وطلعت مشيت بطريق وصلت لشارع واتصلت على علي كتلة اني طلعت وعشارع .. كالي اخذي تكسي وتعاي علة هذا العنوان وانطاني العنوان .. اني هم اخذت تكسي وصلت للعنوان الي كالي علية . شفتة واكف بسيارتة .. نزلت من التكسي وصعدت وياا . بطريق كالي توها ردت روحي من شفتج .كتلة واني هم .. مشينة بسيارة وصلنة يم بيت وكف
. السيارة وكالي انزلي .اني باوعت علية وصفنت وبتسمت ابتسامة خفيفة . وكتلة شنو ..
كال انزلي اشبيج .ترة ماأكلج . اريد احجي وياج ..
اني فتحت باب السيارة ونزلت .طلع مفاتيح من جيبة وفتح باب البيت دخلنة للبيت . هو سد الباب . اني بقيت واكفة بمدخل البيت كالي رحاب دخلي لاتخافين ترة البيت فارغ . كتلة لا ماخاف .لزم ايدي وكال تعاي حبيبتي قابل تخافين مني . اني كتلة لا . فتح الباب ودخلنة لاستقبال البيت .. كان بيت حلو وراقي.. كعدت على القنفةوهو اجة كعد يمي .. كالي رحاب ترة اني ماجبتج لهنا علمود اريد منج شي موزين . رحاب اني ردت بس اشوفج وسولف وياج انتي صرتي مثل الهوى بلنسبة الية . رحاب اني ماكدر اعيش بدونج . ماشوف غيرج اكل اشرب اشتغل انتي كبالي اني اباوع بعيونة وساكتة حسيتة طفل صغير . ويطلب مني الامان اول مرة بحياتي احس أحد محتاجلي واني مهمة بلنسبة الة ..حضنتة بدون ماحس بنفسي وهو هم حضني حسيتة بجة بس ماراد يبين الية بقيت حاظنتة وهو كل شوية يبوسني ويكلي رحاب ماريد من الدنيا غيرج كتلة حبيبي اني ماحبيت بحياتي غيرك . ومستعدة احارب الدنيا علمودك بس انت لاتعوفني . لزمني من متوني وباوع بعيوني وكالي تعمة عيوني ولااعوفج.. ضلينة نسولف تقريبا ساعتين . وراها دك تلفوني ..باوعت امي متصلة ..
رحاب.. الو
امي .. رحاب انتي وين
