بارت 21
رحت يم ابني . اجة وراي صاحلي رحت الة كالي ليش هيج تسوين كتلة اسأل نفسك . كال رحاب اني صرت بين نارين لاتزوديها علية .. اني انفعلت كتلة علي اني قبلك صرت بين نارين بينك وبين امي واختاريتك انت ..اجة وكتك انت لازم تختار .. كال رحاب قبل الحمل كانت حياتنة احلى .. كتلة علي اطلع عني ماريد اشوفك . كال شبيج رحاب . كتلة علي اني متمسكة بلحمل .. وانت ماتريدة . اني اتحمل مسؤلية غلطتي كالي قصدج اني غلطة .. كتلة علي ماريد اشوفك بعد ..
كعدت بلكاع وكتلة ماريد اشووووفك روح عني .
علي عافني وطلع من البيت اني دموعي تجري تندمت حيل علة روحي باوعت لأبني مصطفى وخليت ايدي علة بطني كلت اعذروني يااطفالي ماختاريتلكم اباء
مر شهر علي من يجي اني اطلع من البيت ومن يتصل مارد علية .. ..
اني قررت اربي اطفالي وماهتم بعد لعلي ولا اطلب منة شي ..بقيت علة هلحالة اربع شهور ..
علي يجي مرات بس اني لو ادخل لغرفة واقفل الباب لو اطلع من البيت مرات اروح لبيت اهلي ابقى يمهم اسبوع بس ابد ماحجيتلهم الصار بية لان امي تبقى تلوم بية واني مابية حيل ملامة
فد يوم العصر جنت ادرس بأبني حسيت الباب انفتحت عرفتة اجة علي لميت كتب ابني واريد ادخل للغرفة كالي علي اوكفي رحاب ..
كتلة شكو كال اريد احجي وياج ..
اجيت يمة باوعت علية جنت كلش مشتاقتلة اتمنيت اركض علية واحضنة وابوسة بس كرامتي ماتسمح
هو كعد علقنفة واني كعدت اكبالة كال رحاب التردي راح يصير اليوم احجي وي زوجتي واولادي .. بس انتي لازعلين مني اني ماعيش بدونج تيهت كلشي بفراكج ..
اني رحت يمة وحضنتة وكتلة اني هم مشتاقتلك . باوع علية كال شو سمنانة هههه ضحكت كتلة من الحمل غير
ضلينة نسولف وتعشينة سوة .. كالي اني راح اروح اليوم احجي وي اهلي .. وان شاء الله يصير خير
كتلة خوش .. كتلة بس خابرني حتة اعرف شصار
كالي اي وراح ..
