رحاب.. تجمدت من الخوف . لييييش يمة
امي .. ابنج يبجي عليج يلة تعاي
رحاب ... بصوت خافت اووف الحمد لله.. اي يمة جاية جاية
سديت التلفون وكلت لعلي رجعني علي ابني يبجي وخاف تصير مشكلة . كالي يلة اخذ مفاتيح السيارة وطلعنة وصلني لنفس المكان واني اخذت تكسي ورجعت للبيت ..
وصلت شفت امي موعلة بعضها . رحت علة ابني شفتة نايم بلغرفة . كعدت يمة . دخلت امي للغرفة وعلامات الزعل والحيرة علة وجها .. كالت رحاب
امي .. رحاب وين جنتي
رحاب .. يمة مو كتلج عد حنين صديقتي ورحنة لسوك
امي .. اشششششش رحاب لاتكملين
رحاب .. ليش يمة ماكمل
امي .. رحاب لاتكملين كذب
رحاب .. شنو يمة بيش اكذب اني
امي .. رحاب صارلي فترة حاسة بيج مو طبيعية يمة احجيلي الصدك . لان حنين وراج اجتنة وسألت عليج واني ماحجيت كدام اخواتج وكتلها طلعت تجيب علاج لابنها
رحاب .. بصوت خافت . طاحضج حنين اشجابج
امي .. كولي بساع وين جنتي
رحاب .. يمة بس مو تزعلين مني
امي .. كولي
رحاب.. يمة اني اني احب علي واريدة وموافقة علية وجنت يمة . يمة حبابة وافقو علية
امي .. وانتي ترحين الة من ورانة وهو شلون يقبل بهيج وضعية
رحاب .. يمة والله ماصار بينة شي
امي .. هو حجة وي زوجتة
رحاب.. اي وصارت مشاكل
امي .. رحاب اني ماقبل تطلعين من ورانة .
رحاب .. يمة بعد ماطلع بس انتم وافقو علية حبابة
امي .. خلي يجينة واحجي ويا
اتصلت علة علي وكتلة امي عرفت اني جنت يمك . وتريد تحاجيك . كالي اي باجر اجيها
ثاني يوم الصبح خابرني كالي اني جايكم .. اني رحت لأمي كتلها علي جاي النة . كالت اي ..ورة نص ساعة اندكت الباب طلعت امي فتحتها سلم علي وامي ردت السلام ودخل للاستقبال ..اني رحت وراهم
علي .. شلونج ام رحاب
امي .. الحمد لله
علي .. رحاب كالت تريدين تكلميني
امي .. اي صح
علي .. خير كولي
