اخذني علي لغرفة النوم فتح باب الغرفة تفاجئت من شفتها كان جايب غرفة نوم بيضة والشموع معلوكة .. والورد الاحمر منثور تفاجئت من شفتها دخلت اباوع ومتعجبة وعلي حضني من وراي انداريت علية وحضنتة شال ايدي وباسها وتقرب علية وهمس بأذني كالي ولج والله احبج ..
اني ابتسمت وحضنتة ..
بعدين رحت غيرت ثوبي لبست سيت نوم ابيض قصير .علي متمدد علسرير اجيت كعدت يمة اخذني من ايدي وجرني علية وضل يبوس بية ..عشت احلى ليلةبحياتي .ضلينة للفجر كاعدين . غفينة الفجر فزيت الصبح الشمس طالعة باوعت علساعة شفتها ب10 رحت سبحت ولبست ثوب قصير وردي وحضرت الريوك .. ورجعت لعلي بستة علة خدة حس بية كتلة يلة اكعد كال اي اكعد ليش لا دتعاي سحبني بقوة .. للسرير وهم رجع يبوس بية كتلة علي الريوك جاهز .. كال هنا الكيمر والعسل. شسوي بعد بلريوك ..
بعدين راح سبح وتريكنة بقينة اسبوع مانطلع من البيت .. ورة اسبوع علي كال رحاب اني راح اروح لان كايل لهلي مسافر. وانوب اجيج بس بنهار ..
كتلة شنو كال رحاب اهلي مايدرون . كتلة علي اني تعودت عليك ماكدر افاركك .. باوع علية وكالي هو اني اكدر افاركج ..لاتخافين يومية اني يمج .
راح علي بقيت وحدي بلبيت اتصلت علة اخواتي جابلي ابني ..ورجعت لدوام. يومية العصر علي يجيني ويبقى لليل ويروح ..
اني قابلة المهم عندي شوفت علي ..مر علة زواجنة اربع اشهر .. احلى ايام عمري ..
فد يوم اني بدوام اجاني اتصال
رحاب .. الو الو منو
صوت بنية الو سلام عليكم
رحاب .. هلو منو
اني .. مريم
رحاب .. منو مريم
مريم بنت علي
ارتبكت .. اهلا مريم كولي
اريداشوفج عندي حجي وياج
هلو اشوكت تردين
كالت بفلان مكان وفلان ساعة
رحاب سديت التلفون منها واتصلت علة علي وكتلة
علي اتصلت علية رحاب وكالت بنتك مريم خابرتني وتريد تشوفني ..اني كلش انقهرت .. شنو شوكت هسة قبل اشوية ...اذا اتصلت عليج لاتردين بعد ولاترحين تشوفيها ..فتهمتي 😡
