اني كلبي ضل يخفق سريع وخفت كتلها هلة بيج . وسكتت خفت احجي كلمة وحدة .
كالت اكيد هسة انتي تسائلين اني ليش جاية عليج . اني اجيت اليوم حتى اشوف المرة الي كدرت تسكن كلب علي ..من يوم الي ازوجت علي من قبل 30 سنة وابد ماحسيت بي زوجي كان بعيد عني اذكر الايام الي عشناهن سوة ينعدن بلاصابع ..بس ولايوم فكر يزوج او يتعرف علة نسوان ولايوم جرحني بكلمة . حتة كنت اضن هو هذا طبعة انطوائي . من عرفت ازوج كلت لازم اروح اشوفها ..كتلها ادري اي كلام بدنيا مايخليج تعذريني ومن حقج كلشي تسوين .ضلت ابجي وكتلها سامحيني ..
بعدين حسيتها تعبت . كالت اريد اروح للحمام اغسل وجهي كتلها خلي اوصلج . كالت لا اني اعرف كل ركن بهلبيت وضلت تعدد منا الغرف ومنا المطبخ ومنا الحمام . اني صفنت الصراحة خلصت الحوار وياها واني ساكتة وهي الي تحجي . كالت اني اعرف هذا البيت شبر شبر . والدي تركلي بيت قصرازوجنة بي بس كان علي ابد مامرتاح بي وبيامها جان يدرس وقتة كلة برة وبعد ماتخرج واشتغل اشترى هذا البيت وصمم نسكن بي واني عفت قصر ابوي واجيت وي علي لهذا البيت كان كلش صغير بلنسبة لبيت ابوي بس حسيتة جنة لان علي ارتاح بي اكثر يمكن لان من تعبة اشترى . وبعدين كبرت الجهال وبنينة البيت الي هسة ساكنين بي ..
راحت للحمام واني رحت للمطبخ طلعت برتقال من الثلاجة وخليتة بلخلاط سويت كلاصين عصير .. وقدمتة الها شربت وكالت رحاب اني اريد اوصيح على علي خاف اموت وعلة بناتي .. كتلها عمرج طويل ان شاء الله .كالت مابقة اكثر من الراح يمة .. بعدين كالت شوفيلي تكسي اريد ارجع اني طلعت بدون مايدرون .. اكيد هسة انشغلو علية ..
رحاب .. عرفت علي ليش طلع مستعجل .. كتلها راح اتصل علي . اتصلت علة علي مايجاوب دزيت مسج 📨 كتبت علي تعال ام مريم يمي ..
رجعت اتصلت مارد ورة نص ساعة اجة علي دخل للبيت كال ام مريم ليش هيج خليتيني ادور عليج .
اشرتلة بمعنى اسكت واشرت تعال
