Ep 23
" Uncle ဘယ်သူနဲ့တွေ့ချင်လို့ပါလဲ ရှင် "
" ဒီရုံးမှာ ခွန်းသစ်ချို ဆိုတဲ့မိန်းကလေးရှိလား?"
" အော်...... ရှိပါတယ်ရှင့်... "
" သူနဲ့တွေ့ချင်လို့ပါ "
" အခု သူမရှိဘူးရှင့် ကျွန်မအလုပ်ကိစ္စနဲ့သူ့ကိုအပြင်သွားခိုင်းလိုက်ပါတယ် "
Reception ကမိန်းကလေးတွေက ကျွန်မကိုကြောင်တောင်တောင်မျက်လုံးတွေနဲ့ကြည့်နေကြသည်။
အခုရောက်လာတဲ့လူက ခွန်း ကိုဟိုနေ့က ကားပေါ်မှာလိုက်နှောက်ယှက်တဲ့သူဖြစ်နေတာကြောင့် ကျွန်မလိမ်လိုက်တယ်ဆိုတဲ့အကြောင်းကိုသူတို့မသိကြတာကြောင့်ပါ။
" ခွန်းသစ်ချိုက ခုဏလေးတင်မှအပြင်ကပြန်လာတာလေ "
ထိုလူထွက်သွားတော့ကျွန်မကိုသူတို့ဆီက သံသယမေးခွန်းတွေရောက်လာသည်။
" ငါမသိလိုက်ဘူး "
" အရေးကြီးတဲ့ကိစ္စဖြစ်နေရင်ဘယ်လိုလုပ်မလဲ "
" အဲ့လောက်ထိအရေးမကြီးပါဘူး...... "
ကျွန်မယူစရာရှိတဲ့စာရွက်စာတမ်းတွေယူပြီးသူမတို့ရှေ့ကထွက်လာတော့နောက်ကွယ်မှာကျွန်မအကြောင်းတီးတိုးပြောနေကြတာတွေကလိုအပ်တာထက်ကိုပိုပါတယ်။ ဒါတွေကမထူးဆန်းတော့ပေမဲ့ သူတို့ဘာအတွက်နဲ့များသူများအကြောင်းအပြည့်အစုံမသိပဲ
အလွန်အကျွန်ဝေဖန်နေကြတာလဲ။
" ဆုသံစဉ်.......... "
ကျွန်မရုံးခန်းထဲရောက်တော့..... အခန်းထဲမှာကြိုရောက်နေတဲ့ခွန်း ဆီကကျွန်မနာမည်ကိုယုံကြည်ချက်အပြည့်နဲ့လိုလိုလားလားခေါ်လိုက်တဲ့အသံ ကြားလိုက်ရသည်။
" ခွန်း...... ဘယ်တုန်းကရောက်နေတာလဲ"
" ကျေးဇူးတင်ပါတယ်..... "
သူမအတွက်ကျွန်မမဆိုသလောက်လေးကူညီပေးလိုက်တာကို သူမသိလိုက်ပုံရသည်။ပြီးတော့အဲ့အကူအညီကိုသူမတကယ်လက်ခံလိုက်ပုံပါပဲ။
" မပြောပလောက်ပါဘူး......😊"
" ............. "
ကျေးဇူးတင်စကားလေးပဲပြောပြီး ချက်ချင်းအခန်းထဲက ပြန်ထွက်သွားတော့မည့်သူမကို စကားကောင်းကောင်းပြောလို့ရချိန်လေး ပြောစရာတွေရှိနေသေးသည်။
YOU ARE READING
ရင်ခွင်မှီ
Romance႐ုန္းထြက္ဖို႔ႀကိဳးစားေလ ပိုနစ္မြန္းေလနဲ႕ ခြန္းအျဖစ္ကလြယ္မေနဘူး...... ႐ြယ္ လြယ္မေနပါဘူး
