"တစ်ခုခုတိုက်ဆိုင်မှုရှိရင်
ဘယ်ဖက်ခြမ်းကခုန်ခုန်လာတယ်။
မတွေ့ရရင် မျှော်နေမိတယ်။"____________________________________
Gulf 💛အရင်နေ့တွေကလိုဘဲ အဆောင်ရှေ့ကခုံတန်းလေးမှာ
ဟိုလူကြီးလာမယ်အထင်နဲ့ ထိုင်စောင့်နေမိသည်။ခါတိုင်းဆို ပထမဆုံးအတန်းချိန်မစခင်
မိနစ်၃၀လောက်ကတည်းက
ကြိုရောက်နေတတ်ပေမယ့်
ဒီနေ့ရောက်မလာသော Mew"ဟိုလူကြီး ဘာလို့မလာသေးတာလဲ"
ဒေါသအလိုလိုထွက်လာကာ
စိတ်မရှည်ဖြစ်နေသော Gulf တစ်ယောက်။"ငါကဘာလို့စောင့်နေမိတာပါလိမ့်"
ခုံတန်းပေါ်ဘယ်လက်တင်လိုက်ကာ
ညာလက်၌စာအုပ်လေးကိုခေါက်လျက်ကိုင်ထားသည်။"မလာလည်းနေပေါ့ စိတ်ပျက်စရာကြီး"
နှာခေါင်းရှုံ့လိုက်ကာ Mew ကိုစိတ်ဆိုးနေတော့သည်။
"ဟေး Gulf ဘာလုပ်နေတာလဲ"
No ရဲ့အဝေးကလှမ်းမေးစကားကြောင့်
မျက်စောင်းတစ်ချက်ထိုးလိုက်ကာ
မဖြေဘဲမသိချင်ယောင်ဆောင်နေလိုက်သည်။စိတ်ဆိုးနေသော Gulf ရဲ့အမူအယာကြောင့်
No တစ်ယောက်ရယ်လိုက်တော့"ဘာရယ်တာလဲ သေချင်လို့လား"
"မဟုတ်ပါဘူးကွာ"
ဟုဆိုပြီး ပါးစပ်ကိုလက်နှင့်ပိတ်ကာ
Gulf ပခုံးကိုကိုင်ပြီး"လာလာ အတန်းသွားတက်မယ်"
ဟုဆိုကာ အတန်းထဲသို့ဆွဲလာလိုက်တော့သည်။
Gulf တစ်ယောက်ကတော့
တစ်ခုခုကိုအလိုမကျသလိုဖြစ်နေပြီး
အကုန်လုံးကိုဘုကလန့်လုပ်နေလိုက်တော့သည်။Mew 💛
Coffee ဆိုင်တစ်ဆိုင် အတွင်း၌
လူငယ်တစ်ဦးနဲ့အရွယ်တင်လှသောအမျိုးသမီးတစ်ဦး
စကားထိုင်ပြောနေကြသည်။ထိုလူငယ်ကတော့အမျိုးသမီးရဲ့မျက်နှာကို
နည်းနည်းလေးမှမကြည့်ပေ။"သား စီးပွားရေးတွေဘာတွေအဆင်ပြေရဲ့လား"
အမေဖြစ်သူရဲ့အမေးစကားကြောင့်
Mew တစ်ယောက်အသက်မပါဘဲပြုံးလိုက်ကာ