"ဘယ်ကိုမောင်းနေတာလဲ"
Gun ရဲ့အမေးကို Off ကမဖြေ။
"ဘယ်ကိုသွားနေတာလဲဆို"
အော်ဟစ်ကာလေသံမာမာဖြင့်မေးလိုက်မှ
"အကို့အိမ်"
Gun ကိုတော့မကြည့်
ကားသာမောင်းလျက်။"ကျွန်တော် မလိုက်ချင်ဘူး။
အခုရပ်ပေး ကျွန်တော်ပြန်ချင်တယ်။"Off က မသိချင်ယောင်ဆောင်လျက်။
"ရပ်ပေးပါတောင်းပန်ပါတယ်။"
"အကို့ကိုချစ်သေးရဲ့လား"
ချက်ချင်းပင် တုံ့ဆိုင်းမနေဘဲ
"မချစ်ဘူး မချစ်တော့ဘူး
မချစ်ဘူးပြောနေတာဘယ်နှစ်ခါရှိပြီလဲ"မျက်ရည်များကျလျက် ငိုယိုကာပြောသည်။
Off က တော့ အံကိုကြိတ်လျက်
စကားတစ်ခွန်းမှပြန်မပြောခဲ့။ခြံ၀င်းအကျယ်ကြီးတစ်ခုရဲ့အရှေ့ကိုရောက်တော့
ခြံစောင့်ကတံခါးကိုအပြေးအလွှားဖွင့်ပေးသည်။ကားကိုမောင်းလျက် ခြံ၀င်အတွင်း၀င်လာခဲ့သည်။
ကားရပ်တဲ့နေရာ နဲ့ ခြံ၀င်က အတော်လေးလှမ်းသည်။"ဒါကို့အိမ်ဘဲ ဘယ်သူမှမရှိဘူး
ခြံစောင့်ဦးလေးတစ်ယောက်ဘဲရှိတာ"Off က ကားပေါ်ကဆင်းပြီး
Gun ကို ပြောပြနေသည်။Gun ကတော့ကားပေါ်တွင်ထိုင်လျက်။
"ကလေးဆင်းလာလေ"
ကားတံခါးဖွင့်ကာ လှမ်းခေါ်တော့
"ဟင့်အင်း မဆင်းချင်ဘူး
အိမ်ပြန်ပို့ပေး "Off ကိုမျက်စောင်းလေးနဲ့ပင်တစ်ချက်မကြည့်။
ပြန်ရင်အတင်းတောင်းဆိုနေတော့သည်။"ဟင့်အင်း ကိုနဲ့စကားပြောပြီးမှပြန်"
"မပြောချင်ဘူး ပြောစရာလည်းကုန်နေပြီ
အိမ်ပြန်ချင်တယ် အမေစိတ်ပူနေလိမ့်မယ်။
ကျွန်တော့်ကိုပြန်ပို့ပေးပါ P"Off""Papi လို့ဘဲခေါ်ပါ လား Gun"
ကားအနားသို့လျှောက်လာပြီး
ပွင့်နေသော ကားတံခါး ကိုကျော်၍
Gun ရဲ့ခေါင်းလေးကိုပုတ်ကာ
တောင်းဆိုလိုက်သည်။