Ikaw and I

Kabanata Three

Nagmamadaling pumasok ang mag-Ina sa gate ng mansyon. Tinanong agad ni Yana si Nestor.

"Kuya Nestor, anong nangyayari? Bakit po may ambulansya?"

"Yana, Aling Juliana, si Ma'am Rina po, wala na siya."

"Ano? Diyos ko! Anong nangyari!", pagkagulat ni Juliana.

Nagtulog-tuloy ang mag-Ina sa pagpasok hanggang makita nila sina Tony at Chatty sa may labas ng bahay.

"Sir Tony, ano pong nangyari kay Ma'am Rina?", tanong ni Juliana.

"Ikaw! Ikaw ang may kasalanan nito Yana!", pagsisisi ni Chatty kay Yana.

"Ano? Hindi ko alam ang sinasabi mo Chatty!", sagot ni Yana.

"Nagkasagutan sina Mommy at Daddy kanina ng dahil sa'yo.."

Naiiyak na si Chatty kaya si Tony na ang nagtuloy.

"Inatake siya sa puso. Wala na ang asawa ko! Kaya pwede ba? Umalis na kayo!"

"Sir Tony, Ma'am Chatty, wag niyo po naman kaming sisihin ng anak ko."

"Umalis na kayo! Tanggal ka na sa trabaho mo!"

"Sir, Sir! Sige po tanggalin niyo na po ako sa trabaho, pero sana po ituloy niyo pa rin yung sa scholarship ng anak ko. Nagmamakaawa na po ako Sir."

"Scholarship? Bakit? Ako ba ang nagbigay sa anak mo non? Kabaliwang scholarship na yan! Nang dahil diyan kaya namatay ang asawa ko! Kaya umalis na kayo bago ko pa kayo ipakaladkad kay Nestor!"

"Sir, kung kailangan po, luluhod ako sa harapan niyo. Ituloy niyo lang yung scholarship ng anak ko.."

"Nay.."

Sumabat naman si Chatty.

"Mga mukha talaga kayong pera! Ngayong wala na si Mommy tapos na din ang panghuhuthot niyo sa pamilya namin. Guard! Mang Nestor! Itaboy ang mga mukhang perang ito!"

"Sir, Ma'am, wag po naman! Anak, halika lumuhod na tayo.."

"Nay, halika na.."

"Aling Juliana, Yana, halina po kayo. Lumabas na lang po kayo ng maayos."

Habang inaakay ng guard sina Juliana at Yana. Pinagtutulakan pa rin sila ni Chatty. At pagkalabas, nagsalita si Chatty.

"Mang Nestor, wag na wag mo nang papapasukin sa loob ang dalawang mukhang yan! Kung hindi pati ikaw matatanggal sa trabaho! Maliwanag?"

"Opo Ma'am.."

"Sige na! Isara na ang gate!"