قبل التلاشي قبل الغرق

قبل التلاشي قبل الغرق ٢٢

#قبل_التلاشي_قبل_الغرق
بقلم #روز_الفياض
ج٢٢
.
.
.
بقيت واكف بالحديقة اروح وارجع ..
وانوار واكفة تباوعلي :
اهدا شوية .. شمتوقع الخبر بسيط لو سهل عليها تستوعبه ؟

باوعتلها بس محجيت ..
انوار :
اني جربت هالشعور قبل واكثر منها لان جنت متزوجة بشير سنين مو مثلكم سنة ونص مدري شكد .. ولو متزوج وحده بيها حظ يمكن جان انقهرت اقل او حتى حاولت اتعرف عليها واخلي علاقتي بيها طيبة .. بس بعد شنكول الله يرحمه ..
حازم :
والله يرحمني اني هم ..

ضحكت كالت :
هذا خوف لو..؟؟؟!

وكفت ودرت عليها كتلها بحده واشرتلها بصبعي :
مااقبل تحجين وياي هيج .. ضحى مرتي واحبها وبينه امور انت متعرفيها .. عشنه سوه عالحلوه والمرة وجانت ستر وغطه علي مثلما اني ستر وغطه عليها ..
انوار :
يعني تحبها ... اني ماعندي مشكلة اذا تحبها .. ضحى فقيرة وطيبة بس اتمنى متظلمني بسببها .
حازم :
ليش اظلمج ؟؟ انت ابيتج وهي ابيتها ..

سكتت شوية بعدين كالت :
يجوز انت تنظرلي مو خوش نظرة لان نزعت الحجاب كدامك والبس براحتي .. بس تره اني لاغلطت ولاسويت شي حرام انت رجلي على سنة الله ورسوله حتى لو انت ممعتربني زوجتك ..
حازم :
لا اخذت عليج نظره ولاشي ..
انوار :
اني حالي مثل حال ضحى ويمكن اكثر .. هي يتيمة وربت عد عمها واني يتيمة وربيت عد عمي .. هي ماعدها احد واني هم ماعندي احد بس عمتي .. متكدر تتصور شلون تكون حياتك من انت عايش عد عيالك ومتزوج رجال ثاني غير ابنهم .. صحيح عمتي متحجي بس بجيها بآخر الليل كافي يخليني اتمنى اسوي بروحي شي واخلص ... اني معشت مثل البنات من يوم ما المرحوم هجرني ..
جان يجي صحيح كدامهم بس جان حتى حجي ميشتهي يحجي وياي .. جان ينام بالصالة عبالك اذا نام بالغرفة راح تعرف بي غالية وتزعل علييييه ... حتى جان ميصرف علي .. كله من عمي وعمتي اتغير ١٨٠ درجة .. وصلت لمرحلة كرهته ..

باوعتلها كالت :
والله كرهته .. لان ماعنده احساس .. وصعبة تعيش ويه بشر ماعنده احساس .. يخلي احساسك يموت يوم وره يوم .
لاتكدر تحجي وتشتكي ولاتكدر تتحمل وتتصرف عادي .. بس الحقد يملي كلبك كل يوم اكثر من اليوم القبله ..

قبل مااجاوبها طلعت ضحى تضحك هي والحجية ..
اتعجبت ..
الحجية :
ضحى عاقلة وورده وين اكو مثلها .
حازم :
ادري بيها ..
ضحى :
انت كله منك .. ليش محجيتلي القصة كلها ؟
حازم :
انت اطيتيني مجال احجي .

الحجية :
ههههه .. تعاي انوار تعاي سلمي على صاحبتج مااريد اكول ضرتج الكلمة مو حلوه وانتن حلوات عين الله عليجن ..

اتدنت انوار تريد تبوس ضحى وتسلم عليها وتلزمها ضحى من شعرها ..
نريد نفكها من ايدها ماكو ..
ضحى :
مااسويلها شي مااسويلها شي عوفوني بس افوخ كلبي والله بس افوخ كلبي ..

انوار تصرخ والحجية بيدها زينب متكدر تفاكك بينهن واني اجر هاي ترجع الثانية تهجم عليها ..
انوار :
لج اني تسوين بيه هيج .. بسيطة ياضحيوه بسيطة الظاهر الطيب مينفع مع احد بهالوكت ..