قبل التلاشي قبل الغرق

قبل التلاشي قبل الغرق ٢٨

#قبل_التلاشي_قبل_الغرق
بقلم #روز_الفياض
ج٢٨
.
.
.
بقت انوار شايلة كل المسؤولية بالبيت لحدما صارت امي زينة ..
رجعت للبيت بالليل كلت اصالح انوار اتسوكت للبيت وللجهال ورحت ..
لكيت امي نايمة بس مروه كاعده تعشي الجهال :
وين انوار ؟

مروه :
راحت ..

حازم :
وين ؟

مروه :
لبيتها ..

اتخبلت..
حازم :
شنو لبيتها ؟ يابيتها ؟ شنو بكيفها ؟

مروه :
بعد ماادري هي شتسوي باقية هنا منو الها ؟ انت متدري بيها ولاتدري بجهالك وضحى شكد صارلها من راحت لاهلها وبعد مرجعت .. انت لاهي .. تره حتى امي تعبت مو مال تربي جهال بهيج عمر ..

بعدني احجي ويه مروه خابرت مرت فرقد عليها كلتلها انوار عدهم .
اتنهدت ..
ماادري شسوي ؟
اني شبيه اتخربطت شجابني على هاي السوالف ؟؟

وره يومين جايهم شرطي للبيت مطيهم تبليغ ..
انوار لغت الوكالة الجانت مسويتلها حتى اتصرف وادير المحل والبيت ..

اتخبلت ..
رحت متحلف لبيت فرقد الا اكتلها ..
بس ملكيتها عدهم ..
سالت مرت فرقد كالت :
طلعت المؤجر من البيت وهي كعدت بي ..

حازم :
هيج يعني ؟ النسوان بكيفها تتصرف ؟ بسيطة ..

كالت :
لا خطية هي شمعرفها فرقد اخذها لغتها ..

حازم :
انعم الله عليكم .. انتم طلعتوا تحجون براسها ..

طلعت من بيت فرقد لبيت انوار ..
دكيت الباب شكددد مفتحت الباب ..
باوعت شفتها شاده كاميرات .. اكيد هاي سوالف فرقد ..
عبالها اذا شدت كاميرات اخاف ؟
طفرت السياج مال البيت ودخلت للباب الداخليه فلشتها بس هم مفتحت الباب .
شفتها من جامة المطبخ مال الشباج مبين خيالها ..
حازم :
بسيطة انوار اني اعلمج .. ترحين من وراي وتلغين الوكالة وتطلعين المؤجر وتكعدين ابحدج بالبيت !!! بسيطة .
فتحي الباب ...

انوار :
روح حازم .. اني موصية الجيران اذا سمعوا صوت عدي يتصلون بالشرطة ..

دفرت الباب حيل :
تخابرين الشرطة علي ولج ؟؟؟ اني الج ... اصبري بس ..

انوار :
وعلى اي واحد يفكر يأذيني ويأذي جهالي ..

حازم :
خوش نويرة .. خوش ..

انوار :
انت السبب انت اختاريت الحرام واني عدي جهال وايتام وماعدي بس الله والله مايقبل بالحرام .

رجعت دفرت الباب من العصبية بس ماانفتح ..

خليت وطلعت ..