قبل التلاشي قبل الغرق

قبل التلاشي قبل الغرق ١٦

#قبل_التلاشي_قبل_الغرق
بقلم #روز_الفياض
ج١٦
.
.
.
كعدت من النوم ظليت اباوعلها مدنكة ..
محجت ولاشي ..
انبني ضميري ..
عمري جبته كله تعب وشغل من استغلت من جان عمري ( ١٢ ) سنة ولهسه من وصلت للثلاثين ..
ما مر يوم خليت خواتي ينامن جواعه ..
لو اوكلهن خبز وجاي بس مااخليهن ينامن على لحم بطنهن .
شبيه اعاند ويه هاي المگرودة ؟؟
هسه غير اسمها مرتي ..
حتى لو مالي نفس بيها واحسها زغيرة ومخليها لان يتيمة ومالها احد غير ادير بالي عليها ..
من شوكت اني ابخل على احد ادري بي مثل حالي وازود ؟؟
لاحازم لا .. قصرت ..
هاي امانة يمك لحدما يهل هلالها وتعرف خيرها من شرها ..
انت من زغرك رجال ..
شلون تجور على مره !!
وهي هم ياريت مره .. بس شكل مره بس كل سوالفها جاهلة ..
فطيرة وفقيرة ..

استغفرت ربي واتنفست حيل كتلها :
جوعانة ؟

باوعتلي ورجعت دنكت بسرعة كالت :
كيفك .

ضحكت ..
حازم :
بكيفي شنو معدتي لو معدتج هي هههههه ..
ضحى :
معدتي ..
حازم :
زين معدتج جوعانه لو لا ؟

هزت راسها اي وهي مستحية ..
رجعت ضحكت كتلها :
اني ضايج ..

باوعتلي مستغربة كالت بأهتمام :
ليش ؟
حازم :
ضايج ومخنوك .. وماادري شأاريد .. بيش الساعة هسه نروح نتمشى ؟

كالت بأبتسامة :
نروح ..
حازم :
لبسي عبايتج ..

كامت لبست حجابها وعبايتها وطلعنه ..
مشت خطوتين ووكفت ..
درت عليها :
شو وكفتي ؟ شكو ؟

بقت ساكتة ..
حازم :
شبيج ؟

كالت بصوت ناصي مال وحده حاصرتها البجية :
وين رايحين ؟

استغربت كلت هاي شبيها :
نتمشى غير ..
نمشي منا ونروح اوكلج لفة ونرجع ..
شبيج ؟

بقت واكفة متردده بعدين مشت على كيفج ومسحت عيونها بس بقت حاصرتها البجية ..
حازم :
شكو ؟

هزت راسها ماكو شي .
حازم :
لا والله شكو ؟ شبيج ؟ شو جنج تردين تبجين .
ضحى :
عبالي .. تريد ...
حازم :
احجي شلعتي كلبي .
ضحى :
عبالي طلعتني تريد .. ترجعني .. تذبني بالشارع .

باوعتلها :
اذبج بالشارع ؟؟
مو كتلج نطلع نتمشى ؟ مو حجينة البارحة والكبلة والكبلة بهالسالفة ؟
مادام انت ممجذبه علي بشي ولاضامه علي شي فانتي مرتي وهذا بيتج ولو هو مو بيت بس المهم لامنه من الشارع .. بس اذا طلعتي مجذبه علي لو ضامة علي شي تره من هسه اكلج ماكو غير الطلاك عدي .. اهم شي عدي الشرف .. مو مهم المره حلوه مو حلوه نادرة مو نادرة المهم شريفة .

هزت راسها اي وبقت ساكتة ..
حازم :
انت هسه مثل خواتي اني معتبرج .. لتخلين ابالج شي ثاني لان ان احس روحي ضايع مااعرف اتصرف وياج شلون انت زغيره ازغر من خواتي ..