قبل التلاشي قبل الغرق

قبل التلاشي قبل الغرق ١٤

#قبل_التلاشي_قبل_الغرق
بقلم #روز_الفياض
ج١٤
.
.
.
كمت كتلها :
حاجيني شبيج تبجين ؟

دارت وجهها على كيف علي ودنكت ..
شكيت بيها ..
كتلها :
رفعي راسج باوعيلي ..

بقت مدنكه ..
حازم :
باوعيلي ..

رفعت راسها ..
حازم :
انتِ ؟؟؟!!! شجابج علي ؟
شجابج على ياسين ؟
كالت :
ابن عمي ..

خليت ايدي على راسي .. كتلها :
شنو تضحكون علي ؟ يريد يلبسج براسي عباله اني زوج ؟؟
اني اتزوج مجدية ؟ شبيه ؟ شعرف عنج واخذج ؟
كالت :
اني مو مجدية والله مو مجدية ..
حازم :
ولج لتخبليني اني مااعرفج لو مشايفج ؟ شحال لوما كبل جم يوم جنت نايمه هنا وره الغرفة وشردتي مني من كتلج ارجعلج لاهلج ؟؟
وكبلها جنت نايمة يم الدكان هناك عالشارع ؟
ولج اني لاغبي ولا اثول حتى تعبر علي سوالفج وسوالف ابن عمج ..
مسويتلج مصيبة ومهزومة منهم وجاي يلزكج بيه ويورطني ؟؟
كومي .. كومي كدامي خل ارجعج لاهلج ..
اني ناقص مصايب انوب ياسين ذبج علي يريد يبليني ؟؟
روحيله ياهو ضحك عليج وورطج هو ياخذج ويستر عليج .

كضيتها من عبايتها واخذتها لبيت ياسين وهي تبجي وتتوسل بيه بس خفت منها ..

دكيت الباب طلع ياسين دفعتها عليه كتله :
هاي بت عمك الاطيتنياها طالك .. رجعتلكم .
ياسين :
هاا ؟ شكو ؟ ليش ؟ تعال ؟
حازم :
شني عمي تريد تورطني بيها شمسويه من مصيبة وذبيتها براسي روح وديها للضاحك عليها خل يستر عليها .
ياسين :
ولك حازم شنو ؟ منو ضاحك عليها ؟

مجاوبته رجعت لغرفتي واسمعه بره كطعها تكطع من الكتل ..
بقيت كاعد اسمعوكلبي يتكطع ..
آخر شي فتحت الباب ورحتلهم كلي :
شتريد بعد جاي اخذتها نص ساعة ورجعتها علي المن ؟ بعد هاي البيني وبينك انتهت .
حازم :
انتهت ماانتهت ميهمني ..
اريد اخذها للشيخ اطلكها واخلص اني شلي بدوخة الراس هاي والطلايب والمصايب .

باوعتلها بالكاع تبجي كتلها :
كومي .. كومي خل نخلص امشي كدامي للشيخ خل نفضها تردون تقشمروني هاا ؟
ياسين :
شقشمرك عمي كول انت مو كد حجيك وتريد تفلت .
حازم :
ولك اني حازم وتعرفني مااكول حجاية اذا مو كدها ..

رأسا دنك عليها رفسها ..
اني فزيت ..
حتى من كتلت مروة قبل مسويت بيها هيج هذا شنو كلبه ..
دفعته منها :
على كيفج .. هو هيج ؟
ياسين :
وخرر .. مالك شغل بعد وباجر تعال طلكها ..

مشيت خطوتين لغرفتي واني اسمع بجيها وصرختها وره كل طكه من ياسين .
وكفت ..
متحملت بجيها وصوت صريخها .:
استغفر الله ربي واتوب اليه ..
لاحول ولاقوة الا بالله ..

رجعت بابهم مفتوح وهو بالحوش مالهم شبعها كتل دفعت الباب ودخلت دفتعه منها ..
حازم :
دوخر لخاطر الله .. صدك جذب حتى الحيوان ماينطك هيج .