قبل التلاشي قبل الغرق

قبل التلاشي قبل الغرق ٢٦

#قبل_التلاشي_قبل_الغرق
بقلم #روز_الفياض
ج٢٦
.
.
.
بيوم من الايام ضحى كالت :
حازم .. اريد فد شي بس اخاف اكول .

حازم :
هههههه

ضحى :
شبيك تضحك ؟

حازم :
من شوكت تخافن انتن ؟ هههه والله يالله كولي شتردين ؟

ضحى :
انت تتواصل ويه خالتي والبنات تروحلهم ويجونك بس اني ماعندي احد ..

حازم :
اممم ..

ضحى :
اريد اروح اشوف امي ..

جان يوم جمعة وكل احنه كاعدين نتغده سوه ..
حازم :
امج شتسوين بيها ؟

انوار :
شنو شتسوي بيها .. غير امها !!

حازم :
انوار انت سكتي .. متعرفين شي عن امها .

ضحى :
لا تعرف ليش متعرف .. هو منو الميعرف .. غير كاعدين سوه .

حازم :
هسه شتردين ؟

ضحى :
اروح اشوف امي ..

حازم :
ولج هي هاي هم ام ؟ هي غير ذبتج بالشارع ؟!!

انوار :
يااخي خليها تروح يجوز تحن عليها .

حازم :
استغفر الله .. انوار مو كتلج لتدخلين .

انوار :
اه سكتت اني صوجي ..

ضحى :
اني مااريد منها شي اريد بس اشوفها..
هم اريد اهل اروحلهم ويجوني .

حازم :
مو هاي انوار مثل حالج ليش متروح لعمامها ؟ هم كاعده بالبيت وساكتة .

زعلن اثنينهن بيومها ..
جنت مشغول بسالفة البناء سلمت البيت لفرقد هو يكمله ..
بعد مدة هم رجعت ضحى تتوسل تريد تروح لامها ..
حازم :
بس اذا مقبلت تفتحلج الباب بعد مترحيلها .. مفهوم ؟

ضحى :
خوش .

جازم :
يلا عشر دقايق والكاج بالسيارة .

طلعت السيارة على مانزلت ضحى كاشخة ولابسه ذهبها كله ..
وصلنه دكينه الباب ..
محد فتحه ..
وره شوية اجت بنية شابة تريد تدخل للبيت ..
لاسألتنه انتم منو ولاحاجتنه عبالك تعرفنه بس ضحى كلتلها :
امي موجوده ؟

البنية :
اي موجوده ..

مسألت ضحى انت منو وشتردين اكيد تعرفها ويمكن انحرجت لذلك كلتلها :
اتفضلي ..

دارت علي ضحى كتلها :
روحي راح ابقى اتانيج بالسيارة ..

من دارت رادت تدخل صحت عليها اطيتها فلوس كتلها خاف تردين تطين لامج ..
باوعتلي مستغربة بس كتلها :
روحي هسه بس لتتأخرين .

دخلت وهي مبتسمة كسرت خاطري ..
اتعمدت اطيها فلوس حتى تطي امها ..
لان من سنين عمري الخلصتها بالتعب والكراب عرفت ابنادم بالفلوس ينكلب ( ١٨٠ ) درجة حتى لو عده فلوس .