قبل التلاشي قبل الغرق

قبل التلاشي قبل الغرق٢٤

#قبل_التلاشي_قبل_الغرق
بقلم #روز_الفياض
ج٢٤
.
.
.
ثاني يوم بالليل اتوفت الحجية ام بشير الله يرحمها ..

اتذكر بجيت شكد عالحجي الله يرحمه وعلى بشير وحتى على ابوي بجيت لكن مو مثلما بجيت عليها ..
فعلاً جانت ام ..
الي ولضحى ولانوار ..
احنه التلاثة جنه مكسورين بموتتها ..

ويمكن اني اكثر واحد لان هي جانت اقرب شخص الي تفكدني وتسأل علي وتطيني وتشيل همي وتفكر بيه ..
عمري مااحتاجيت احد لان هي والحجي الله يرحمه مخلوني احتاج ..
جانت احن علي من امي ..

بقيت اسبوع مااطلع من البيت ..
ماادري شمحتاج البيت ولاادري نسواني وجهالي شمحتاجين .
امي هي لزمت مكاني وفرقد يومية يتوسك ويشوفنه شمحتاجين ..

فرقد :
اذكر الله .. كافي بجي ..

حازم :
مااكدر .. جانت امي اكثر وحده تسال علي ..

فرقد :
الله يرحمها .. مره طيبة جانت من اهل الله .

بعد الاسبوع بديت اطلع من البيت بس مااروح للشغل ..
جنت اظل افتر بالشوارع وارجع ..
مااتحمل اشوف البيت فارغ بدونها .
جانت تتلكاني من الباب ومن اطلع تطلع وراي للباب تسألني خاف محتاج شي .. تحلفني خاف استحي ..

ضحى وانوار صارن هادئات ..
محد اله خلك ..
بعدما طلعت الاربعين فتحت المحل ورجعت الشغل ..
وبيوم رجعت من الشغل كللش مالي خلك اتلكتني انوار كالت :
حازم اريد احجي وياك اذا عندك مجال .

جاوبتها بنتر :
مالي خلك .. مااريد احجي بأي شي ... مالي خلكجن ..

سكتت ..
مشيت خطوتين ..

كالت :
اريد اروح للدكتور ..

درت عليها :
دكتوريش ؟ شبيج ؟

سكتت ..
حازم :
متحجين ؟ دكتوريش لو بس تردن تدلعن ؟

انوار :
على كيفك .. شكتلك اكلتني بكشوري !!!

حازم :
مفارغلجن ..

بعدني احجي مااشوف الا هاي خربت وطاحت ..
ظليت مصدوم ومتحنط ..
شلتها وصحت على ضحى :
ضححىىى ..
ضححىىى ...

اجت ضحى تركض :
شبيك حازم ؟؟

وصلت شافتني شايل انوار وكفت :
هاي شنوو !!! شبيها ؟؟؟ كتلتها ..

حازم :
ولج ياكتلتها .. حازم ابو طبر ؟؟
دفتحيلي الباب ..

فتحتلي الباب دخلت انوار لغرفة الحجية ..
حازم :
انوار ..
انوار ..
انوار ..

ضحى :
كللها ام محمد خاف ممتعودة تصيلحها انوار ..

حازم :
وحق الله جاي افكر صدك اخذج للطبيب لان احس فيوزاتج ضربت من ذاك اليوم ..

ضحى :
صدك محتاجه طبيب .

حازم :
انت تردين طبيب وهي تريد طبيب خوش عليك حازم هم ملجأ ايتام وهم مستشفى امراض عقلية ونفسية .