قبل التلاشي قبل الغرق

قبل التلاشي قبل الغرق ٢٧

#قبل_التلاشي_قبل_الغرق
بقلم #روز_الفياض
ج٢٧
.
.
.
وصرت مدمن على هيج كعدات ..
صحيح مااشرب ولااتدنه للنسوان بس لازم اروح ..
جان اكو شي بداخلي يمنعني اروح اكثر بطريق الحرام مااعرف شنو هو تأنيب الضمير ..
لو هو دعاء امي ؟؟
لو هو حظ نسواني اليتيمات وجهال بشير ..

ظليت اروح يومية وغالية ظلت تجي يومية ..
جنت اطيها شكو بجيوبي ..
من غير العشه ومن غير :
-اريد اروح للدكتور وماعندي فلوس ..
-هااج هاي مية
.
-اريد سبلت سبلتي عطلان وماعندي بس هذا السبلت ..
-هااج
.
-اريد اسوي عملية عندي حصوات بالمرارة
-هااج

وغيره وغيره وغيره ..
الى ان اتعلقت بيها ..
دلع وضحك وفرفشة حبيتها ..
بس فد يوم حجيت لهذا الولد وكتله :
احبها .
سامي :
ولك شتحب بيها هاي وحده كلش مباقي من سمعتها شي .
حازم :
من شوكت تجي عدك ؟
سامي :
من زمااان من قبل لتتزوج ذاك رجلها الكتلته هي واخوها ..
حازم :
بشير الله يرحمه ؟
سامي :
اي بشير ..
حازم :
وين تعرفه ؟
سامي :
مااعرفه هي اتعرفت عليه بالمحل ماله لزكلتله رايحه راجعه عليه لحدما جوت رجله وجابته هنا وبعدين اتزوجها ..
حازم :
اممم ..
سامي :
هاي مال لعب بس زواج لااا خليك بعيد تره مخلت واحد يعتب عليها وكل واحد تمص دمه وتذبه ..

رغم كل هالحجي واللي نصه اني اعرفه بس بقيت احبها وملبي كل طلباتها .،
حاولت هي هوواي تخليني اروحلها للبيت بس اني جنت كاره هالسالفة واكو شي مانعني ..
جنت كلما تكلي تعالي للبيت اطلعلي حجة ..

ضحى بعالم ثاني ماعدها غير ياامي ياخواتي :
حازم محتاجة فلوس

حازم :
شكد تصرفين بالشهر ؟ منتبهه لروحج ؟ وين تودين الفلوس ؟

ضحى :
قابل وين اوديها .. جاي اجمع يم امي ..

حازم :
يم امج ؟ وامج شنو البنك المركزي وتجمعين عدها ؟ وليش تجمعين شناقصج ؟

ضحى :
اريد اشتريلي قطعة ذهب ثكيلة .. اريد اشتريلي شي يسوه .. خوما باقية عالمحبس والحلقة والكلادة وزوج التراجي .. هاي البنات يومية تشتري حاجة ذهب ..

حازم :
انت لحد هسه ماخذه مني فلوس سيارة مو قطعة ذهب كلما اجي عدج تكولين اريد فلوس لو تاخذين بدون علمي من اروح للمحل اتفاجأ فلوسي ناقصة ..

ضحى :
شصار عليك .. اعتبر روحك منطيهن لانوار .

حازم :
الف مرة كتلج مالج علاقة بانوار ولعلمج انوار اني ممنطيها بكدج رغم انوار حلالها كله عدي وارد المحل كله عدي ولايوم سألتني وينه لو ليش متنطيني .

ضحى :
وهي شتسوي بي هو كله انت تصرفه عليها وعلى جهالها .. وعدها هلكد ذهب مو مثلي .. الناس حاسدتني عبالهم مدندشني بالذهب ميدرون على كولت امي اسمي بالحصاد ومنجلي مكسور ..