LOVE BIRD (Completed)

EP-9

unicode.....

"ဝူး...ဝူး...ဒုန်း!"

 လမ်းကွေ့တစ်နေရာတွင်ကုန်တင်ကားတစ်စီးဖြင့်တိုက်မိကာ ကားအနက်ထဲမှအမျိုးသားနှင့် ဆံပင်တိုတိုအမျိုးသမီးတစ်ဦးတို့ ပွဲချင်းပြီးသေဆုံးသွားလေသည်။ ကားသည်လည်းမှောက်ခုံအနေအထား ဖြစ်နေလေသည်။ ထိုကားလေးကိုတိုက်သွားသော ကုန်တင်ကားသည်လည်း ရည်ရွယ်ချက်နှင့်တိုက်ကာ ထွက်ပြေးသွားလေသည်။ လမ်းဘေးမှလူများတားသော်လည်း အတင်းမောင်းကာထွက်ပြေးသွားလေသည်။ ထိုနေရာ၌ လမ်းသွားလမ်းလာသူများလည်း ဝိုင်းအုံ လာကြသည်။ ကားထဲတင်သေဆုံးပြီးနေသောလူနှစ်ဦးကိုလည်း ဆေးမှုခင်းအဖွဲ့မှ ကားထဲကထုတ်ပြီးနောက် ရင်ခွဲရုံသို့သယ်သွားကြလေသည်။

လူအုပ်ထဲမှ လျှာထိုးဦးထုပ် ခပ်ငိုက်ငိုက်စောင်းထားပြီး အပေါက်များစွာနှင့်စုတ်ပြဲနေသောတီရှပ်အနက်ရောင်ကိုဝတ်ဆင်ထားသောလူသည် ယုတ်သောအပြုံးတစ်ခုဖြင့် ဤမြင်ကွင်းကို ဗီဒီယိုမှတ်တမ်းမသိမသာတင်ကာစေခိုင်းသူအားပို့လေသည်။

ဦးထော်မိုးသည် ထိုဗီဒီယိုအားရပြီးနောက် အားရပါးရစွာ ရယ်လိုက်ကာ မိန်းမဖြစ်သူဒေါ်ဆွေသိန်းကိုပြလိုက်ကာ ကျေနပ်စွာ ပြုံးလျက်...

"သူတို့သားကိုတော့ ဒီတိုင်းထားဦးမယ်၊ ဆွေတို့လက်ထဲ ကုမ္ပဏီပိုင်ဆိုင်ကြောင်းနဲ့ သူတို့ရဲ့ရှိသမျှစည်းစိမ်တွေ လက်ထဲရောက်မှ...ဟင်း...ဟင်း"

ယုတ်မာစွာပြောဆို ရယ်လျက်။ ဦးထော်မိုးသည် သူ့အကြံအစည်ကို ဒေါ်ဆွေသိန်းအား ပြောကာ နီသော်အားမွေးစားရန် တိုင်ပင်နေကြလေသည်။

"ဆွေ...ကိုယ်တို့လင်မယားက ကလေးမရှိသေးဘူးမလား..."

ဒေါ်ဆွေသိန်း ဆိုလိုရင်းကို နားမလည်စွာ အနည်းငယ်စဉ်စားသလိုပြုနေ၍ ဦးထော်မိုးကဆက်ပြောလေသည်။

" အောင်သော်ရဲ့သားကို မွေးစားကြမလားလို့ အဲ့ဒါဆိုသံသယဝင်နိုင်မယ့်ကိစ္စကတော့ ဝေးသွားမယ်လို့ထင်တယ်"

ဒေါ်ဆွေသိန်းမှ ဖြစ်ပါ့လားဆိုသည့် သဘောဖြင့်မျက်နှာအမူအရာလုပ်လျှင် ဦးထော်မိုးသည် သူ၏ရှိသမျှအကြံဉာဏ်တို့ကို ထုတ်ပြောလေသည်။