LOVE BIRD (Completed)

Extra-1

မျှော်နေကြသေးလား😁
ေမွ်ာ္ေနၾကေသးလား😁

Unicode.....
.
.
.
" ဘီဘီ...ဂျီဂျီ...ဒီဒီ ...ပျော်ရွှင်ဖွယ်မွေးနေ့လေးဖြစ်ပါစေ"

သက်ဝေနှင့်သုတဦးတို့ ၂ယောက်သား Video call ဖြင့်ဆုတောင်းပေးနေကြသည်။ အတန်ကြာ ဖုန်းထဲကနေ ကလေးများကို မြူလို့ဝမှ ဖုန်းချသွားကြသည်။

အမွှာပူး၃ယောက်ရဲ့ ၁နှစ်ပြည့်မွေးနေ့ကျင်းပနေကြ၏။ နီသော် ရှပ်အဝါဖျော့ဖျော့လေးကို ဂျင်းအပြာလေးဖြင့် တွဲဝတ်ထားပြီး ပင်ကိုခပ်အုပ်အုပ်ကောက်နေသည့်ဆံပင်ကို လီလီရနံ့ဆီအနည်းငယ်လိမ်းထားသည်။ ကလေး၃ယောက်ကို အငယ်ဆုံးလေက သူ့လက်ပေါ်၌ပွေ့ထားပြီး အကြီးနဲ့အလတ်မှာ သူရိန်လင်းလက်ပေါ် ပူပေါင်းကစားနေကြ၏။ ပါးစပ်သေးသေးမှလည်း သူတို့အချင်းချင်းနားလည်သည့်စကားများပြောနေကြလေ၏။ ခဏကြာ၌ အမွှာသုံးယောက်မှာ ပုခက်ကိုယ်စီနှင့် ဆော့လို့ဝကာမှအိပ်ပျော်သွားကြ၏။ နီသော်လည်း အပြစ်ကင်းစွာအိပ်ပျော်သွားသော ကလေး၃ယောက်ကို ကြည်နူးစွာကြည့်နေလေ၏။

ရုတ်တရက် နီသော်ဂုတ်ပိုးသား၌ နွေးအိအိခံစားရသည်။ တစ်ပြိုင်နက်တည်း နီသော့်အင်္ကျီကြယ်သီးများလည်း ၃ဆင့်ထိပြုတ်သွားသည်။ နီသော်နောက်ကျောကို လှည့်ကြည့်ရာ Showerနံ့သင်းသင်းနှင့်ရေချိုးပြီးသည့် သူရိန်လင်းက ခါးအောက် တဘက်သာပတ်ထားပြီး သူ့အား တောင်းဆိုနေသည့် အကြည့်ဖြင့်ကြည့်လာလေ၏။ နီသော် သူရိန်နှင့်အတူတူမနေတာကြာပြီဖြစ်သော်လည်း အရင်ကအကြောင်းအရာတွေ ခေါင်းထဲဝင်လာကာ ရှောင်ဖယ်မိသည်။ နီသော့်ခါးအောက်ပိုင်းတစ်နေရာသို့ ရောက်နေသည့် သူရိန့်လက်များက ရပ်တန့်သွားကာ နီသော့်ရဲ့ ကြောက်လန့်နေသောမျက်နှာကြောင့် လန့်သွားကာ စကားများပင်ထစ်ထစ်အအနှင့် တောင်းပန်နေရှာသည်။

" နီ...နီ...ကိုယ်တောင်းပါတယ်နော်၊ နီနဲ့ပတ်သက်ရင် ကိုယ်စိတ်တွေမထိန်းနိုင်သလိုဖြစ်ဖြစ်သွားတယ် "

ဟုဆိုကာ အဝတ်လဲပြီး အံကိုက်မြည်လာသောဖုန်းကို ယူကာ ထွက်ပြောနေလေသည်။ နီသော် သူရုတ်တရက်လုပ်လိုက်သည့်အမူအရာကြောင့် သူရိန်ရဲ့စိတ်မကောင်းသလိုဖြစ်သွားသည့်မျက်နှာကိုမြင်ကာ သူပါစိိတ်မကောင်းဖြစ်သွားရ၏။