الجزء الخامس...
بديت اجهز هدومي وكنت سلفاً حاجزه تزكرتي عن طريق الانترنت
جهزت تلاته شنط لاني كنت خاته احتمالية اني ممكن اقعد هناك سنه سنتين او اكتر....
اثناء ما انا برتب وتالا بتساعدني جاني عمو خالد بالتلفون قالي ده عمك حسين داير يتكلم معاك
شلت التلفون
عمو حسين.....اي يا بتي
قلت ليهو اهلين يا عمو اي معاك
عمو حسين....يا بتي جيتك دي مافي داعي ليها انا هسا خالد ده وراني انك جايه
قلت ليهو كيف يعني يا عمو مافي داعي ليها انا لو ما عرفت الزول القتل ابوي منو مستحيل اقدر اكمل حياتي....
كيف دايرني اخت راسي علي المخده كل يوم وانا ابوي مات وهو مطعون ١٣ طعنه دايما بسأل نفسي يا اسيل حيكون اتألم ولا لا اكيد اتألم وصرخ من الوجع لكن ماف زول سمع صوتو💔
عمو حسين.... الله يرحمو يا بتي ما توجعيني بي كلامك ده والله قلبي محروق عليك يا بتي لكن انا ما دايرك تجي هنا ويجرجروك ويعملو ليك قصص انتي بتي من لحمي ودمي
قلت ليهو ما تخاف يا عمو وانا لو بالجد بتك انت بس اقيف جمبي وساعدني
عمو حسين.....خلاص يا بتي بكره بكون في انتظارك ان شاءالله في المطار
قلت ليهو طيب يا عمو
ممكن اكون حسيت بي راحه شويه انه عندي عمي ده بس برضو ما بعوضني ابوي نهائي💔💔
بعد ما جهزت اي شي نمت بعد تفكير طويل كالعاده
صحتني خالتو ناهد زي الساعه اربعه صباحا قمت صليت وبديت البس كنت خااااايييفففهه لكن ما ظهرت ليهم الشي ده نهائي
كنت بفكر اني ما بعرف زول هناك واول مره اشوف البلد ديك وكده لكن الكان مخليني ثابته علي قراري هو كميه الفضول والحقد الشايلاهو للزول القتل ابوي:((
لبست وجهزت واديت مفتاح بيتنا ومفتاح الخزنه والعربيه لي عمو خالد
انا شلت تلاته شنط شنطتين لي هدومي وحاجاتي وشنطه كبيره فيها لابتوب ابوي وكل ملفاتو واوراقو
وصلني عمو خالد وتالا اما خالتو ناهد ودعتها من البيت
لمن وصلنا المطار وطيارتي وصلت قمت ودعت تالا وكنت ببكي شديددد لانها خلاص هي الزوله الوحيده البحبها فاضله لي
بعدين سلمت علي عمو خالد ودخلت صاله المغادره
**********************************
فجاءه صحيت علي صوت الكابتن الكان بقول
الحمدلله لقد تم الهبوط في مطار الخرطوم الساعه السادسه مساءً الحمدلله علي السلامه كانت رحله سعيده دمتم بخير....
نزلت وعملت كل الاجراءت وشلت شنطي ومرقت
لقيت راجل كبير في العمر شايل لافته مكتوب عليها (اسيل ايهاب)
عرفت انه ده عمي حسين طوالي اتحركت في اتجاهو
وقلت ليهو السلام عليكم؟؟؟
......اسيل بت اخوي؟؟
قلت ليهو عمو حسين؟؟
طوالي حضني وقعد يبكي مع اني ما حصل شفتو ولا حصل اتكلمت معاهو لكن بالجد حسيت انه لقيت زول من اهلي خصوصا انه عمي كان فيه شبه كبير من ابوي الله يرحمو:))
بعد السلام وكده شال لي شنطي ومرقنا بره ركبنا العربيه واتحركنا وصلنا لي حي راقي شديد والبيت زاتو كبير وسمح
فتح لي بابا العربيه وقالي يلا يا بتي خشي اهلك كلهم جوا
طبعا انا استغربت اهلي كلهم كيف لانه ابوي الله يرحمو كان بقول لي عندك عم واحد بس اسمو حسين!!!!!
دخلت وراهو وخشينا البيت كان في نسوان وبنات وراجل كده
المهم مشيت سلمت علي المره الاولى قامت وحضنتي وبكت وقالت لي قطعه من ايهاب والله
عمو حسين....دي عمتك نهال
بعدين سلمت علي الراجل الكان قاعد واول ما شافني قام وسلم علي وباسني من راسي
عمو حسين.... ده عمك يوسف يا بتي
وكان في مرتين تاني وحده مرت عمي حسن اسمها ليلى ومرت عمي يوسف اسمها هاجر
اما عمي حسين عندو بتين(مريم.....نور)
وعمي يوسف عندو بت وحده(منى)
سلمت وقعدت مسافه وكده كنت بالرغم من انه ديل اهلي لكن ما كنت حاسه بالانتماء او ما خشيت فيهم لسا
طبعا كلهم كانو بتونسو والبنات جمبي وبسالو فيني وكده
فجاءه قلت....طبعا يا عمو حسين انت عارف سبب جيتي لي هنا وطبعا يا عمو يوسف بابا ما كان حاكي لي عنك عشان كده يمكن ما اتواصلنا او ما بعرفك وبما انكم اعمامي وانا بحترمكم
انا الليله حفضل معاكم لكن من بكره ان شاءالله حمشي فندق عشان ما بحب اكون تقيله علي زول..
كمان مع كلمتي دي عمو يوسف قام وجاب كرسيو وقعد قدامي وطبعا عمي ده شكلو براهو يخوف
قالي اسمعي يا بت اي ما بتعرفينا لكن انا عمك يعني دمنا واحد انتي من بكره حتكوني في بيتي انا زاتو في بيت حسين ما بتقعدي وانا ما دام فيني نفس بت اخوي بصونها وبحفظها انتي الشي الوحيد الفاضل لينا من ريحه اخونا
بعد نقاش طويل وكده عمو يوسف قرر اني بكره حمشي شقتو وحقعد معاهو هناك وكده
***********************************
اليون التاني فعلا مشيت شقة عمو يوسف كانت هاديه ومرتو طيبه وبتو منى ظريفه وكده
انا طوالي بعد ما استحميت فتحت الشنطه الفيها اي شي بخص شغل ابوي
طلعت كل الملفات واللابتوب والاوراق كلها
في الملفات كان في اسم مكرر كتير وهو اسم (انور)
وبعد التحليل وقرايه الملفات اتوضح لي انه انور ده هو الكان ماسك الشركه السنين الفاتت
لكن كان في شي غريب شديدد في الاوراق دي
الشي ده انه شركه ابوي دي ما حقت صادرات وتوريد زي ما ابوي كان بقول لي
لانه في الملف حق ارباح الشركه ما كان مذكور القروش مصدرها شنو
كل الكان مكتوب انه تم تسليم الشحنه بتوقيع السيد انور
انا عقلي شطب خلاص بقا عندي سؤالين اول سؤال هو انور ده وينو وهو منو بالظبط
وتاني سؤال الشركه لو ما كانت حقت صادرات وتوريد اها حقت شنو!!!!!!!!
حاولت اقرا كتير حاجات وافتش في اللابتوب
لمن فتحت البريد حق ابوي ولقيت محادثه بين ابوي وراجل وابوي كان بقول ليهو اها انور سلمك البضاعه والراجل رادي ليهو اي استلمتها يا زعيم
بقيت بفتش لي تحت لقيت انه الراجل ده عندو رسايل كتير مع ابوي والرسايل كلها عبارا عن استلمت الشحنه والراجل بقول اي
بقيت بحاول اعرف الراجل اسمو منو لكن ما قادره اعرف لانه الراجل ما داخل بي اسمو
لمن نزلت لي محادثه لي ابوي مع انور قبل سنه بقول ليهو انت عارف يا انور انو توشكر ما بحب التأخير بكره طوالي وصل ليهو البضاعه......
طوالي جبت الدفتر حقي وبديت اكتب
اول شي شركه ابوي ما شركه صادرات وتوريد
انور هو الماسك لي ابوي الشركه طول السنين الفاتو
توشكر ده بجي بشيل بضاعه من شركه ابوي والبوصل ليهو البضاعه انور
طيب البضاعه دي شنو؟؟؟
وانور وتوشكر ديل وين وهم اصلا منو؟؟؟
بقا في مية سؤال في راسي من دون اجابه
قفلت الابتوب وبقيت بحاول اربط المواضيع بي بعضها
فجاءه باب الغرفه دق
قلت اتفضل
كان ده عمو يوسف وجايب معاهو صحن فواكه وقعد
قلت ليهو يا هلا عمو اتفضل
عمو يوسف..... اها يا بتي وصلتي لي شي؟؟
ضحكت وقلت ليهو لا يا عمو لسا بدري
بس في كم سؤال كده دايرا اسألك ليهم
عمو يوسف....اتفضلي مع اني انا ما بعرف اي شي عن الشركه انا جاي من السعوديه قريب
قلت ليهو اهااا خلاص لحدي ما القا عمو حسين بكره
عمو يوسف....اي انتظري عمك حسين بفيدك
اتونس معاي مسافه كده ومرق
بعدين جاتني بتو منى
منى...بت عمي
ضحكت قلت ليها بت عمي كيفك
منى...تمام والله قلت اجي احاول اتكلم معاك
قلت ليها تحاولي ليه تعالي طوالي نتونس كمان😂😂
منى...يعني ما حتركبي لي مكنه بت امريكا وكده
قلت ليها يخس عليك ياخ معقوله لكن
ضحكت وجات قعدت تتونس وتحكي لي عن جامعتها وصحباتها وطوالي بدت قطيعه في بنات عمو حسين نور ومريم
طبعا انا بس كنت بسمع ما بشارك لاني ما بقول شي ما عارفاهو وتاني شي انا اي ممكن زول ما عجبني اعلق فيهو لكن اقعد اقطع لي في زول لا ما بحب الحركه د نهائي😊❤
بقيت بسمع فيها وهي كلامها كتير مبالغه لكن ما دايرا اوضح ليها اني اضايقت بعد زمن قامت وطلعت
قلت اخيرا ياخ
اول ما طلعت طوالي دقيت لي تالا فيديو كول الحمدلله كانت داخله
تالا....حبيبتي الاشتقت ليها
قلت ليها انا زاتي والله ياخ فاقداك ياريت لو كنتي معاي ما بعرف اي زول هنا
تالا....اهلك وين؟؟
قلت ليها اهل شنو انا شفتهم امبارح المهم يا تالا حاولي ركزي معاي
انا بعد ما قريت الملفات وكده اتوضح لي انه شركه ابوي دي ما حقت صادرات وتوريد
تالا....اها حقت شنو؟؟
قلت ليها ما هو ده السؤال البطرح نفسو
تالا....ملف الارباح حق الشركه افتحيهو حتلقي مصدر القروش
قلت ليها فتحتو بس بكتبو لي تم تسليم البضاعه الي السيد توشكر بتوقيع السيد انور؟!!!!
تالا...اسيل دقيقه اجيب ورقه وقلم
مشت جابتهم وجات
قالت لي اها وانور وتوشكر ديل منو؟؟
قلت ليها انور ده الكان ماسك شركة ابوي هنا
وتوشكر ده البسلموهو البضاعه وبشيلو منو القروش
تالا....انا مخي شطب طيب البضاعه شنو
قلت ليها برضو ما عارفه
تالا...كلام غريب والله
انتي لازم تقابلي انور ده هو الحيحل ليك اللغز لازم شديد تقعدي معاهو
قلت ليها انا زاتي قلت كده لكن يا تالا ابوي لي يكذب علي يقول لي الشركه صادرات وتوريد وتطلع شي تاني
وكمان حاجه لو بتتذكري ابوي ده كان بقول لي عندك عم واحد اسمو حسين
انا هسا لقيت عمتي اسمها مناهل وعمي اسمو يوسف
تالا....ياخ هسا ده ما مهم المهم بكره تفتشي انور ده من تحت الواطه وتقعدي معاهو
قلت ليها اصلا حعمل كده انا
تالا....اي وانا معاك اي شي اي شي اضربي وريني
قلت ليها اي كل يوم بالليل بتصل ليك هسا انا حمشي احاول انوم ولي بكره خير
تالا....اي تمام وانا كمان ححاول اربط الاحداث بي بعض
قلت ليها خلاص تمام يلا
وقفلت
#يتبع
في امان الله
ما تنسو التصويت
ادوني اراءكم😊❤❤❤❤❤❤❤❤❤❤❤❤❤❤❤
