الجزء الثالث....
ابوي سافر طبعا وانا رجعت مع تالا بيتهم وطبعا تالا عندها اخو واحد اسمو يزن لكن في دبي ما قاعد هنا
عمو خالد ابو تالا كان زي ابوي لانه من انا صغيره لو ابوي جاتو سفريات بقعدني معاهم...
المهم دخلت البيت وسلمت علي خالتو ناهد وعمو خالد وطلعت مع تالا غرفتها...
تالا...خلاص وشك ده فكيهو ابوك ده ما طاير قومي غيري هدومك وتعالي...
قلت ليها اخرسي سخيفه....
قمت غيرت هدومي وقعدنا اكلنا وبدينا قرايه عشان بعد بكره عندنا امتحان
وطبعا في امريكا او الدول الغربيه عموما الامتحانات بتكون مقسمه علي تلاته يوم يعني انا حمتحن اتنين واربع وسبت واخلص😊😊❤
قعدنا قرينا كتتتتييييرررر لمن الساعه جات تسعه وقفنا طوالي
انا اتصلت لي ابوي لقيتو وصل الحمدلله اتكلمت معاهو شويه كده وقفلت
اما تالا طبعا قاعده تخلللططط ساي
قلت ليها تالا انتي ما بتزهجي ياخ
تالا...اسيل قومي انا نازله اقابل ليث تحت
قلت ليها انتي مجنونه عارفه الساعه كم ولا ما عارفه؟؟
تالا....اي تسعه لكن هو كل مره بقول لي انا بجيك وانتي ما بتنزلي لي واصلا هو ما واقف بعيد
قلت ليها بري ما ماشيه واصلا زولك ده انا ما هناي كده
المهم بعد حنيس ساعه قمت ونزلت معاها لقيناهو واقف بالعربيه
وقفت لي تالا بعيد وهي مشت اتونست مسااافففهه وبعدين رجعنا البيت
انا في الطريق كنت بفكر احكي لي تالا موضوع ابوي ولا مافي داعي
لمن وصلنا البيت وطلعنا فوق بقينا قاعدين نتونس ساي
قلت ليها تالا صراحه انا دايرا احكي ليك شي وكنت مترددة لكن بما اني اصلا ما عندي غيرك فلازم احكي ليكك
تالا....اسيل انتي بتخبي عني يعني وحالتي انا لو وقعت بجي بكلمك
قلت ليها لا والله ما كده لكن يا تالا انتي عارفاني ياخ
تالا....قولي قولي اها
قلت ليها ما عارفه ابدا ليك من وين لكن تقريبا انتي اكتر زول عارفني وعارف حياتي كيف من لمن كنت صغيره وكده
تالا....يا بت مالك؟؟
قلت ليها تالا من الاخر كده انا ابوي ده ما مطمنه من سفرتو د
تالا....بسم الله لي كمان فشنو اول مره يسافر؟؟؟
قلت ليها لا والله ياخ ما عشان كده لكن يا تالا ابوي ده من قبل اسبوع تقريبا من سفرتو دي حصلت كميه مواقف خلتني خايفه او خلتني افكر في حاجات غريبه!!!!!!
تالا...كيف يعني المواقف زي شنو مثلا؟؟؟
قلت ليها شوفي اول موقف حصل مره طلعت ليهو مكتبو فوق لقيتو بتكلم بالتلفون وبقول ما حخليهو يفشي سر شنو كمان والله اقتلو !!!!
تاني شي يا تالا ابوي ده ما حصل يوم رجع البيت بعد ١٢صباحا وتاني قعد يشتغل لي ٣ صباحا ويكون متوتر بالطريقه د
الموقف الاخير الاكد لي كلامي ده متزكره لمن رديت علي تلفونو وكورك
تالا....اي اها
قلت ليها الزول الرديت عليهو ده كان بقول كلام كده يعني مخيف شديد
تالا....اسيل ما تتكلمي بالالغاز قال شنو الراجل؟؟
قلت ليها يخ ما هو انا زاتي ما فاهمه كان بقول والله يا ايهاب انا لو فشيت سرك انت تدمر وما حخليك وحسجنك
تالا....سجمي وده منو الراجل كمان
اسيل....ما هو المشكله انا ما عارفاهو منو بس كان مكتوب انور.
تالا....وعشان كده انتي خايفه ومقلقه يعني؟؟
اسيل....كيف ما اخاف يا تالا انا ابوي ده لو حصل ليهو حاجه اقبل علي وين
وبعدين صحي قبل ما يسافر بدون ما يشرح لي اي شي خلاني اوقع علي اوراق وقالي كده كل الاملاك العندي بي اسمك!!!!!!!!
تالا....اسيل لالا كده معناها في شي غلط ابوك لي يعمل كده؟؟
قلت ليها وده الشي المحيرني ولمن اسألو يقول لي عشان اهلك ما يطمعو فيك واصلا انا اهلي ما بعرفهم ياخ د شنو المتاهة د انا ما فاهمه شي
تالا....اصبري كدي قومي غسلي وشك وتعالي نقعد ونتناقش معبعض
فعلا مشيت غسل وشي وشربت مويه وجيت قعدت
تالا....يلا انتي حاولي خليك مركزه كده عشان نحاول نفهم يا اسيل
قلت ليها اها!!!!
تالا.....الشركه الفي السودان حقت ابوك ماسكها منو
قلت ليها تقريبا عمي حسين ده
تالا....متاكده؟؟؟؟
اسيل....تقريبا اي لكن قبل عمي كان في زول ماسكها بعدين عمي حسين ده حصلت ليهو مشاكل فالشغل ومسكها
تالا.....امممممم طيب الراجل القبل حسين اسمو منو
اسيل....بري ما عارفه
تالا....طيب شركه ابوك د حقت شنو
اسيل....صادرات وتوريد وحاجات زي د
تالا.....غريبه لكن انور ده منو والسر الداير يكشفو شنو يا ربي انتي ما عندك حل الا تنتظري ابوك يرجع وبعد داك يحلها ربنا ان شاءالله.
قلت ليها صح كلامك اصلا ماف حل غير كده المهم اها
تالا....ملل مبالغه ياااخخخ ما عارفه نعمل شنو زاتو
ارح نخش قروب بتاع شكل ونمرق
قلت ليها اججججيييي يا تالا من متين كمان؟؟
تالا.... ياخ ما عشان الزهج بس
قلت ليها لا طبعا ما دايرين قبل ما اتم كلامي تلفوني اتصل استغربت من الوقت متاخر شلت التلفون لقيتو رقم غريب ومن السودان بالاول خفت وما رديت لحدي ما فصل
لكن الرقم رجع يتصل تاني وتالت وكده
تالا....ردي وافتحي سبيكر
رديت وفتحت سبيكر وما قلت اي شي
...........الو
قلت ايوا منو؟؟
..........اسيل ايهاب
طبعا الصوت ده انا سمعتو قبل كده لكن وين ما عارفه قلت ليهو ايوا انت منو
طقق قفل الخط
تالا....ارجعي ليهو تاني
فعلا رجعت تاني لكن الرقم كان مقفول!
بقيت مستغربه ده منو والصوت د انا سمعتو وين بقيت بفكر كده لحدي ما نمت
اليوم التاني الصباح حرفيا انا اليوم كله كنت بفكر الاتصل منو وخلاص قررت اضرب لي ابوي اوريهو الحاصل
لكن تالا قالت لي لا يا اسيل وابوك ما ناقصو واصلا الراجل ما عمل شي غلط وكده اقتنعت بي كلامها وقلت خلاص بالجد اصلا ابوي مضغوط وما ناقصو.
اسبوع الامتحانات ده مشا كويس كنت بس اليوم كله بقرا بتصل بتطمن علي ابوي وكده وبرجع اقرا وانوم كان روتين يومي مملل😌😌
اخر يوم في الامتحانات الهو كان يوم السبت صحينا الصباح لبسنا ليك وقشرنا كوووييسسس ومرقنا مشينا المدرسه امتحنا وطلعنا طبعا الصواريخ والصفارات لانه عاملين لينا حفل كده والطبول والاغاني حاجه مبالغه
(في الدول الغربيه عندنا التخريج بكون من الثانوي للجامعه يعني االانتقال من المرحله الثانويه للجامعه عندهم حدث كبير شديد)
المهم انا اول ما طلعت اتصلت لي ابوي ما رد
حاولت كم مره كده ما رد قلت خلاص يمكن مشغول
مشينا ورقصنا واكلنا وما خلينا شي ما سويناهو الحفله كانت من الصباح للمغرب طبعا بعد ما الحفله خلصت
وقفنا انا وتالا كده وكنا بنتكلم
جاتنا شله معانا اولاد وبنات بنعرفهم نحن هم تلاته اولاد وبتين
قالو لينا دايرين نعمل قعده كلنا قبل ما نمشي وكده
وافقنا ومشينا معاهم
فعلا قعدنا وبقينا نتونس ونضحك وكده كان في ولد من التلاته ديل نظراتو ما سمحه او ما كويسه اتجاهي وحركاتو كده ما رجوليه المهم انا قلت عشان اخر يوم وكده مافي داعي اعمل مشكله
ونحن قاعدين فجاءه تالا جاها تلفون وقامت عشان ترد وطبعا اي زول بتكلم مع الجمبو
لقيت الولد جا وقعد جمبي
.....هاي
قلت ليهو هاي
......كيفك؟
قلت ليهو تمام وانت؟
......تمام وممكن ابقا تمام اكتر لو وخت يدو في كتفي
طبعا انا في الحاجات الزي د شخصيتي قويه الف يعني ما بهمني القدامي منو طوالي شلت ليهو يدو وقلت ليهو لو راجل ارجع ختها هنا !!!
طبعا هو اتصدم او قايلني مسكينه وهبله شال كرعينو ومرق وانا زاتي اتخنقت مرقت لي تالا بره
تالا...فشنو مالك؟؟
حكيت ليها الحصل
تالا.... وينو والله ما اخليهو
قلت ليها ياخ مرق هو ارح كدي هسا
مشينا ركبنا العربيه واتحركنا ضربت لي ابوي تاني رد لي
قلت ليهو ابوي انت وين من الصباح انا بتصل عليك
ابوي....والله يا بتي الشغل فوق راسي ياخ عشان كده معليش يا قلبي
قلت ليهو طيب كيفك واها راجع متين؟؟
ابوي...بعد بكره بأذن الله معاك يا بتي
قلت ليهو اخيرررااا طيب منتظراك ان شاءالله
قفلت منو ووصلنا البيت كنت مبسووووووطططططهههه انه ابوي راجع خلاص واليوم د قعدت اتونس واضحك وكده بالجد كنت فرحانه حتى اني نمت مرتاحهههه.
#يتبع
ما تنسو التصويت
في امان الله
في البارت ده حابه اشكر رسيل ابراهيم علي الدعم الكبييييرررر ده ومنتظره دعمكم انتو❤❤❤❤❤❤❤❤❤❤❤❤🙏
