الجزء الثاني عشر....
اليوم التاني مشيت الجامعه وكان دوامي ببدأ الساعه اتناشر....
بركنت العربيه ودخلت وانا ماشيه وشغاله بي تلفوني فجاءه في زول جا وقف قدامي
رفعت راسي عاينت لقيتو عمر وكمان جايب معاهو ولدين واقفين وراهو نظام انا حخاف وكده
قفلت التلفون وختيتو في جيبي وربعت ليهو يدي قلت ليهو خير؟؟
عمر....تقريبا عندي معاك تصفيه حساب وجاي عشان اصفيها
قلت ليهو اسمع يا شاب والله الكلام الكتير ما حباباو تاني شي جوز الحراحير الموقفهم لي وراك ديل خليهم يمشو يعملو ليهم شي احسن من خدمتك
عمر ده وشو بقا احمر حسيت بيهو للحظه حيديني كف
مشيت جراني من يدي وقالي ما تفتكريني خايف منك انا محترمك لانك بت ما اكتر من كده
فكيت يدي منو ومشيت
دخلت القاعه وحضرت محاضرتي وما شفت نهى ولا حاولت افتشها اصلا بعد ما المحاضره انتهت كان عندي نقطه كده ما واضحه لي لحقت الدكتور
قلت ليهو لو سمحت يا دكتور عندي نقطه ما فاهماها ياريت لو فاضي تشرحها لي
الدكتور...يا بتي شغال محاضره امشي لي منذر في قاعه ناس رابعه طب قوليهو مرسلني ليك دكتور زكريا وانا هسا حاتصل ليهو اوريهو
قلت ليهو حاضر
مشيت علي القاعه بتاعت رابعه طب
اول ما دخلت بقيت بعاين كده دايرا زول اسالو جاني ولد قالي دايرا منو انتي
قلت ليهو ولد اسمو منذر
قالي اهلا انا منذر
قلت ليهو دكتور زكريا رسلني ليك عشان في نقطه كده دايرا تشرحها لي اكتر
منذر...حبابك تعالي
مشينا قعدنا الولد شكلو محترم شديد عينو ما برفعها فيني شرح لي اي شي ماشاءالله تبارك الله بس الولد شاطر لمن مبالغه
بعد ما خلص قالي تاني اي شي تحتاجيهو اتفضلي القرايه ما فيها خجل
قلت ليهو بالجججد شكرا شدييدد بس انت دايما متوفر هنا صح؟
منذر....اي وكمان حكتب ليك رقم تلفوني في الشيت من ورى ايام الامتحانات اي سؤال بس وريني وان شاءالله ما بخذلك
قلت ليهو تسلم كتير ما بتقصر سلمت عليهو ومرقت طوالي ركبت عربيتي ورجعت البيت واصلا الليله كان ويكند وكده وحتكون في جمعه عيله الليله وبكره اصلا كل خميس بجونا ناس عمو حسين بيبيتو معانا وبمشو مننا يوم السبت
وصلت البيت لمن وصلت لقيت ماف اي عربات جمب البيت استغربت قلت حاصل ليهم شنو لحدي الان ما جونا
دخلت البيت كان فاضييييي ماف زول بقيت انادي جاتني الحبشيه قالت لي ماما وبابا ومنى كلهم مشو بيت عمو حسين لانو عيان
طبعا اتخلعت قلت ليها عيان كيف ومازن وين؟؟
قالت لي مزوني فوق في غرفتو
طلعت سريع لقيتو قاعد في اللابتوب حق ابوي بالجد مازن كان مجتهد اكتر مني في القضيه حقت ابوي
جيتو مسكتو من رقبتو من ورى
مازن....قلبي
قلت ليهو ياخ والله ما عارفه اقول ليك شنو الحمدلله عليك بس
مازن...انتي عارفاني لو قمت عليك صعب ما تحسسيني اني غريب انتي اختي يا جزمه
قلت ليهو واها عمو حسين مالو؟؟
مازن...الزايده دي تعبتو بس امشي البسي وشيلي غياراتك حنمشي نقعد معاهم كم يوم
قلت ليهو مازن ما تقولها لا(انا ومازن بنكره بيت ناس عمو حسين شديددد لانه هناك ما بنتصرف بي حريتنا نهائي)
مازن...للاسف والله ارح
مشيت غيرت هدومي وشلت شنطه فيها مستلزماتي وشيتاتي وكده ومشينا
لمن وصلنا هناك لقيت كميه ناس يعني ناس عمو يوسف وناس عمو عثمان وناس عمو حسين وتاني في عيلتين كده قالو اولاد عم ابوي ولا شنو ما عارفه
لمن جينا داخلين نور طوالي جات جاريه علي مازن قالت ليهو بابا تعب يا مازن والله الزايده دي عذبتو شديدد وطبعا بتتلصق مبالغه يعني استغفر الله بس
مازن قاليها لالا متخافي وما بحصل الا كل خير ادعي ليهو بس
طلعت فوق لقيت مؤيد ومحمد قاعدين معاهو سلمت عليهو وجيت قعدت جمبو بستو من راسو قلت ليهو ربنا يشفيك ويخليك تاج فوق راسنا
حضني قالي الله يحفظك يا بتي
مريم جات داخله قالت لي اسيل قومي منو ما ناقص هو
طبعا اتحرقت منها شدددييييد بس سكت وقمت مشيت قلت لي مؤيد ومحمد الله يشفيهو يرب ما يشوف شر
مؤيد...امين يرب كيفك انتي
قلت ليهو تمام والله يلا حنزل تحت
محمد...جاي معاك اصبري
طلعنا من الغرفه لاقاني مازن قالي امي دايراك تحت
قلت ليهو طيب
محمد...تعالي هنا يا بت
قلت ليهو اها😂😂😂
محمد....في زول سالك في الجامعه؟؟
قلت ليهو لا متخاف
محمد...طيب طيري
ضربتو وجريت لي خالتو هاجر سلمت علي وباستني قالت لي كيفك وكده وادتني عصير وبتاع بعدين قالت لي امشي الغرفه نومي سامعه ما القاك حايمه انتي تعبانه
قلت ليها طيب
مشيت غرفتي نمتتتتتتتتتت
صحيت بي صوت تلفوني لقيتها تالا طبعا خجلانه عديل اتكلم معاها لاني ما بسال منها كتير
رديت قلت ليها حياتي
تالا...اسكتي يا رمه يا عشرتك عشره حبش اصلا انتي وسخه وبياعه
قلت ليهو ويت ويتتتت والله والله مشغوله وانا لسا ما حكيت ليك شي اصبري كدي
تالا...قبل ما تحكي لي هاك ابوي
قلت ليهو اهلين عمو كيفككك
عمو خالد.... والله تمام الحمدلله انتي كيفك
قلت ليهو كلو تمام اتطمن علي شددديدد كده بعدين اداني تالا
قلت ليها يا تالا ما شفتي الحصل اتخيلي احتمال عمو حسين يكون عندو يد في قضيه بابا
تالا...وتتتتتتتتتتتت؟؟؟؟؟؟؟
قلت ليها والله انتي عارفه انه عمو حسين ده اصلا قبل ما يمسك الشركه كان هو وانور متفقين ينصبو علي ابوي لكن ما عارفه حصل شنو وعمو مسك الشركه غايتو انا واولاد عمي كلنا شغالين في الموضوع الله يسهل بس
تالا....والله بالجد الله يسهل وحتى اولادو معاكي؟؟
قلت ليها يا بت اولادو اتخيلي ما اولادو هو اولاد مرتو وحكيت ليها القصه
طبغا تالا بقت مصدومه صدمه كده عجيبه
قلت ليها ما تتصدمي يا بت عيلتنا فيلم اكشن
اتونست معاي مساااافههههه بعدين قفلت منها وطلعت من غرفتي نزلت تحت
لقيت النسوان كلهم قاعدين مشيت قعدت جمب خالتو هاجر
خالتو هاجر.... حبيبتي صح النوممم
خالتو ليلي...عاد يا اسيل بتي الله يديك ود الحلال البستحمل دلعك ده
خالتو مروه....مالها قال والله يجيها سيد سيدو
خالتو هاجر... بتي عاد كدي قومي خليني اسوي ليك سندوتش بيرقر تاكليهو
قلت ليها وين الاولاد؟
خالتو هاجر... في السطوح عاملين قعده
قلت ليها الله احشي لي سريع عشان امشي
خالتو هاجر خشت المطبخ وانا خشيت وراها
خالتو هاجر... اوعك تزعلي من كلام ليلي
قلت ليها مش انتي هنا وجمبي تاني مافي شي بهمني
حضنتني قالت لي حبيبتي انتي والله العظيم مكانتك زي مكانه منى بتي
قلت ليها وانتي برضو والله الوحيده الحسستني بي حنان الام
************************************
في بيت كبير بتدور احداث بين ولد وامو
الام....انت كيف عرفت انهم بدأو يفتشو عن القاتل
......ماف شي يا امي بس من التلفون داك
الام....انت لازم تسافر هسا كمان
.......امي انا ما جبان وانا ما حسافر لانه انا لمن قتلت كان ثار هم قتلو ابوي يا امي ابوي
الام...الله يهدي بالك يا ولدي لكن انت لو حصلت ليك حاجه تاني نحن نقبل وين؟؟
......ماف شي بحصل الا الالله كاتبو متخافي يا امي
********************************
انا مشيت للاولاد فوق لقيتهم قاعدين وبتونسو واخر رواق
مؤيد.... بتي تعالي جمبي
مازن....تعالي جمبي انا
قلت ليهو انت جمبك نور خليني اقعد جمب مؤيد
قعدت جمب مؤيد واتونسنا وبضحكنننييي شدددددييييددد
قلت لي مؤيد انت نور ومازن ديل بحبو بعض ولا شنو
مؤيد.... هوي يا بت
قلت ليهو بالجد نور دي كل ما تشوف مازن بتتلصق فيهو مع احترامي ليك
مؤيد..... انتي خليتي فيها احترام يعني
قلت ليهو اعمل شنو ما بقدر اخبي شي عنك
مازن....بتقولو فشنو
قلت ليهو مبخصك اسكت
مازن...ظابببطط خليك قدر كلامك
محمد...هوي ما تهددها
قلت ليهو عندي اتنييييننن
كلهم قعدو يضحكككووو
#يتبع
ما تنسو التصويت
في امان الله
منتظره اراءكم💙💙💙💙💙💙💙💙
