*لِحُزني حكاية...YARA YACOUP*
الجزء الثامن عشر
صحيت الصباح بدريييي قمت استحميت وصليت وقريت ياسين ومشيت اتريضت في الجنينه لمن الساعه جات تسعه دخلت
خالتو هاجر... كنتي وين؟؟
قلت ليها بعمل رياضه
خالتو هاجر بري ما ناقصك شي يا بتي مالك بتسوي رياضه
ضحكت قلت ليها ما عشان ناقصني شي بسوي رياضه عشان ادي جسمي طاقه
خالتو هاجر.... بري يا اسيل انتي كمان ما بناقشك
ضحكت😂😂😂😂قلت ليها طيب انا ما دايرا افطر بس في عيش توست؟
خالتو هاجر...ايي في جوه مالك
قلت ليها دايرا ادهن زبده وعسل بس
خالتو هاجر..... مالك ومال اكل الكفار د يا بتي انا عامله ملاح باميه حلو كده زيك
قلت ليها والله يا خالتو ما باكل انا طبايخ
خالتو هاجر... ادخلي خلاص
دخلت حشيت وطلعت غرفتي فتحت النت وجيت مسكت التلفون
جوني مازن ومؤيد
كان لي زمن ما اتونست معاهم فرحتتتتت شدددييييددظ وقمت سلمت عليهم
مازن....المفتريه
قلت ليهو Omg (اومايقاد) لمن اجي افتري افتري عليك؟؟
مؤيد....لكن لا بتسالي لا بتتصلي لا كده
قلت ليهو وانتو مالكم
مازن ومؤيد مع بعض....قادررااا😂😂😂😂😂😂😂
قعدت اضحك قلت ليهم اها الجديد
(طبعا في ناس حيقولو انا لي ما شغاله بي قضيه ابوي؟؟طيب حقول ليكم انه انا لمن اشتغل في القضيه بتعب نفسيا والله يعني بالجد بتعب شديددد فعشان كده مازن ومؤيد قالو لي القضيه تاني نحن المسؤولين عنها من اولها لي اخرها وبقو شغالين فيها زي ما انتو شايفين)
مؤيد.....المهم انا جاي اودعك!
قلت ليهو ماشي وين😂
مؤيد...السعوديه
قلت ليهو جادا انا
مؤيد....بسم اللع واكذب ليه يعني
قلت ليهو يعني انت بالجد جاي تودعني
مؤيد....اي والله لانه عندي مشروع وكده
قلت ليهو وتتتت؟؟؟ لالا ياخ عليك الله ما تمشي يا مؤيد
مؤيد....ما حتاخر انا شهر بالكتير بس في اجتماعات واوراق لازم اشوفهم وكده لكن انا اصلا ماسك الفرع الهنا متخافي
قلت ليهو ياخ عليك الله كان تقعد زعلت شديد والله
مازن ضربني في راسي قالي انا مشيت وين؟
قلت ليهو ما كده بس يعني وبكيت
لانه حرفيا لو مؤيد ما قاعد بحس انه ماف امان نهائي انا كنت متعلقه بي مؤيد ومازن بي طريقه مبالغه شددديييييددد
مؤيد...اسيل ما تندميني اني حكيت ليك بتبكي ليه انتيي
قلت ليهو بقيت بخاف من فكرة الوداع ما بحب اودع زول نهائي يا مؤيد ولا زول
مؤيد بقا مقعدني جمبو وبتكلم معاي لانه انا كنت بقول اكيد ما حيجي بعد شهر اكيد كانت الفكره د في راسي
المهم ودعتو وبكيت شددددييييييييدددد ومزاجي بقا كعب مبالغه بعد ما مرقو كملت البكا كده وغسلت وشي وقعدت في التلفون اقلب ساي
فجاءه لقيت نفسي دخلت الشات حقي مع عمر وبشوف ونستنا وبضحك
اتزكرت اني من امبارح ما شفت اي ستوريات مشيت شفت الاستوريات لمن وصلت لي ستوري عمر لقيت صورتنا وكاتب الكلام داك حق my Beautiful New freind
قلت ليهو ثانكيو
طوالي رد لي لمن اتخلعت قالي وين الليله مختفيه
انا بي طبيعتي ما بحب احكي لي زول حاجه كده عني او مضايقاني لكن مع عمر لساني كان بفلت شديد طوالي حكيت ليهو انا مؤيد مسافر وانا مخنوقه وكده لقيتو اتصل لي وطبعا د اول مره من علاقتنا تبقا كويسه نتكلم رديت بعد مسافه
عمر....سلسوله
قلت ليهو ههههه انت دلعك شنو
عمر...ما عندي دلع كيفك
قلت ليهو lam fain وانت
عمر....نقلب انجليزي؟
قلت ليهو براحتك
عمر....اها الاخبار ياخ
قعدنا نتونس كتير شديد انا بتكلم معاهو تقريبا ساعه فجاءه بقينا نتكلم عن لبس البنات وكده وعكر ماشاءالله تبارك الله زول فاهم مبالغغغغغهههه
لمن فتحنا الموضوع انا قلت ليهو ما أي بت بتلبس كعب كعبه وما اي بت بتلبس محترم كويسه
عمر.... بتفق معاك يا اسيل ده فهمي وفهمك وفهم الموضه لكن الدين؟؟ البنات بقو ما شغالين بالدين لا هم شغالين بالتصاميم وكده الوحده بتطلع بي لبس انا والله بخجل اعاين ليها وهي لابساهو وتجي تقول ليك بشاغلوني اها حيسو ليك شنو يعني احترمي نفسك عشان يحترموك وبعدين انتو بنات ولازم ترضو بي انه ربنا سبحانه وتعالى فرض عليكم الحجاب ولاحظي فرض مش اختيار
قلت ليهو انا بتفق معاك والله وكلامك منطقي شديد لكن طبعا الاهل والتربيه تلقي الام تقول بتي صغيره صغيره لمن البت تخش الجامعه ولبسها كعب يعني عامل الاهل قوي
عمر....طيب اقول شي واعتبريهو من صحبك اخوك او اي شي بدون زعل
قلت ليهو طبعا قول
عمر....انتي لو كنتي اختي ولا حبيبتي انا بدون طرحه ما بخليك تطلعي من البيت
لانه يا اسيل في نوعيه بنات بكون ضروري يلبسو حجاب ولبس محترم ياخ ما عشان شي عشان جمالك خسارا اي زول يشوفو والله
قلت ليهو ما عارفه اقول ليك شنو والله لي فتره بفكر في الموضوع د حتى ابوي الله يرحمو كان بقول لي كده وان شاءالله كده ربنا يثبتني
عمر....يارب ايي
اتكلمتا معاهو كتير كده وقفلت
انا من اول يوم ابوي اتوفا فيهو ما ابتسمت ابتسامه من قلبي الا الليله
لاول مره في حياتي اقيف قدام المرايه واسال نفسي ده شنو الحاسه بيهو ده انا لي مبسوطه كده معقوله بديت احبو ؟ طيب حتى لو بديت في حب بالسرعه د
#نقيف مع بعض شويه
الحب ما شعور لا الحب مرض لكن مرض كلنا بنتمناهو الحب هو المرض الوحيد لو صابك ما بتقدر تتعالج منو
المرض ده بخليك تعيش اجمل لحظات عمرك وبخليك تنوم وانت بتبكي وبخليك تغير وتحقد وبوصلك مرحله الجنون وبخليك تقتل!
ايوا الحب بخلي الزول يعمل اي شي في الدنيا
وطبعا ده لو كان حب حقيقي
حب حقيقي ده شنو طيب؟
حب حقيقي يعني هو لو بحبك وشاف ملكه جمال الدنيا ما يتلفت ليها
حب حقيقي يعني بخاف ربنا فيك
حب حقيقي يعني لمن تزعلو من بعض ما بهون عليهو يخليك تنومي زعلانه
حب حقيقي يعني ما يجبرك علي شي لا يقنعك
لو حباك حب حقيقي الحب حيبان في وشك حتحسي نفسك بتو
والبقول مافي حب الا في المسلسلات والروايات لا في حب وشفناهو بي عيونا واحلا من حب الروايات نحن بشر واي انسان لازم ينصاب بي مرض الحب حبو بعض لو بتحبيهو ما تخليهو وانت لو بتحبها ما تخليها حرام عليكم توجعو قلوب بعض وانتو مفروض تكونو بتسمعو من بعض احلا كلام الدنيا فانيه ونحن ما قاعدين حبو بعض
الحب عمرو ما كان حرام ولا عيب بس الحب ادوهو للشخص الصح
*من اجمل ما قيل في الحب ان الرسول صلى الله عليه وسلم كان يقول للسيده عائشه حُبكِ كالعقده فكلما تراه تساله كيف حال العقده يبتسم ويقول كما هي*
عليه افضل الصلاه واتم التسليم
#يتبع
الليله البارت خفيف وظريف وفيه دردشه كده
ما تنسو التصويت
في امان الله
منتظره اراءكم❤️❤️❤️❤️❤️❤️❤️❤️❤️❤️❤️
