الجزء الواحد والثلاثون....
اتحركنا انا وعمر بالعربيه وكنت مبسوطه انه اتصافيت مع البت مع اني ما بعرفها لكن ما بحب اخلي زول متضايق من كلمه طلعت مني حتى لو هو غلطان❤❤
قلت لي عمر احنا حنتأخر في القعده
عمر....اي احتمال لانه الموضوع احتمال يجر غدا وحوامه وكده مالك انتي؟
قلت ليهو خلاص رجعني اغير هدومي
عمر....لي مالك؟
قلت ليهو عمر ما انت قلت يمكن نقعد كتير وكده ماف شي
عمر....لالا لا تغيريها لا شي اصلا قربنا نصل
قلت ليهو هي وين القعده؟
عمر...منتجع سياحي فاتح علي البحر كده
قلت ليهو طيب
بعد ربع ساعه كده وصلنا المكان كان حلو شديد عمر نزل وانا قعدت جوه ساعه اصلح الميكب ولفة الطرحه عذبتو عذاب😌😌
لمن نزلنا مشينا علي اصحابو كانو ولدين وبت بي عمري او اكبر
عمر....اسيل د قصي صاحبي ودي مرتو ندى
ود وائل ووين المدام
وائل....مشت تفطر مع صحباتها هسا بتكون قربت تصل
سلمت علي ندى وطبعا قعدت لاني ما بصافح
ندى د عسل شديد وظريفه وحلاتها ماشاءالله وطبعا ما محجبه
بعد شويه جات بت قالت هاي انا قلت د مالها لاحقانا
قطع تفكيري صوت وائل اها يا اسيل د مرتي جوان
قلت ليها انتي
جوان....انتي مرت عمر؟؟
وانت عمر؟؟
وائل وقصي بقو ساكتين وبعاينو عمر قعد يحكي ليهم وهم ماتو من الضحك😂😂😂😂😂😂😂😂😂😂😂😂😂😂😂
كمان جوان د بالرغم مني اني ما بتأقلم مع زول سريع نهاىي لكن سبحان الله حبيتها شدددييييددد شديد شديددد حسيتها زوله واضححههه وما عندها لف ودوران
بعد ما قعدنا نتونس وكده عمر جاني بي ورى الكرسي قالي حبيبي نقوم نتمشي شويه برانا
قلت ليهو اي ارح عن اذنكم يا حلوين
وقمت معاهو
قلت ليهو عمر انا متضايقه شديد من السبورت ما عارفه ليه
قالي طيب اصبري ةداير ينزل تحت يفك لي الجزمه
قلت ليهو عمر لا زح مني وزحيت منو لانه الناس بتعاين
عمر....اول شي انا راجلك تاني شي فستانك د ضيق انا ما عارف قبيل ما شفتو كيف لو نزلتي حيبقا اضيق عشان كده خلينا نتخارج
قلت ليهو عمر انا ما دايرا اتمشا وبالنسبه للفستان ما شايفاهو ضيق انا وطوالي رجعت
وانا عارفه انه عمر اخلاقو ضيقه شددييييدد طوالي جا لحقني وقعد ووشو لونين
جوان كانت جمبي قالت لي اتمشيتو؟
قلت ليها لا ما نفسي
قالت لي غايتو من وش عمر القلب بنفسجي د شكلو في شي
انا ضحكت ضحك فيها دمها خفيف شديد وعسل
الزمن جرا واتغدينا وقعدنا كتير ونسه وضحك وشلتا ارقام البنات عشان نطلع برانا وكذا وبعديها رجعنا طبعا انا ما حاسبه انه الموضوع او النقاش د شكله لكن عمر يا كافي البله خشمو ما فتحو معاي وانا نفس الشي
ركبنا العربيه وانا كل شويه اقول اتكلم تاني اقول لالا خليهو يتكلم هو لمن وصلنا الفندق وطلعنا الجناح هو طوالي دخل استحنا وجا وانا دخلت وراهو استحميت وطلعت لفيتو قافل النور وراااققدد انا كمان الضلمه د بالنسبه لي رعب طوالي نشفت شعري وقعدت في السرير قمت شلت تلفوني شغلت الفلاش وختيتو جمبي وبقيت قاعده بس
انا قايله عمر نايم فجاءه اتلفت قالي د شنو النور د اقفليهو
قلت ليهو عمر انت عارفني ما بقدر انوم بدون نور لكن!!
عمر طوالي فتح لي يدينو قالي اطفيهو وتعالي
انا فرحت شديد انه هو ما زعلان طوالي طفيت النور ومشيت عليهو
بقا حاضني من ورى وبتكلم معاي
قلت ليهو عمر انا اسفه
عمر.... علي شنو؟
قلت ليهو عشان قبيل
عمر....لا حبيبي ما تعتذري انا بس بخاف عليك وانتي عارفه ولمن اقول ليك د ضيق او د ملفت ما بقول كده عشان اضايقك والله انا نفسي تلبسي الدايراهو والنفسك فيهو لكن يا اسيل العيون بره ما بترحم وانا مجرد التفكير في انه زول بعاين ليك بتضايق فعشان كده بمنعك
قلت ليهو حبيبي انت والله انا عارفه انه خوف علي بس انت عارفني مرات بعاند
عمر...بي حقك يا غاليه
قلت ليهو عمر لا اله الا الله غاليه د شنو
عمر......ما عجبتك؟؟
قلت ليهو نهائي ما تقولها لي تاني قولها لي الست الوالده لكن ما لي
عمر....😂😂😂😂😂😂😂😂😂😂😂كويس اتخمدي
************************************
اسيل اصحي قومي يا اسيل يلا حنرجع السودان
انا قمت مخلوعه وشفت عمر بنزل في الشنط ويلم في الهدوم بي شكل عشوائي شديد نزلت من السرير مخلوعه قلت ليهو مالك فشنو؟
عمر.......اسيل انتي قويه صح؟؟
انا هنا اتوقعت اني حسمع منو خبر يصدمني حاولت اتماسك وقلت ليهو عمر فشنو واحد من اعمامي حصل ليهو شي؟
عمر جا مسكني وقالي اصلا ماف زول قاعد في الدنيا د صاح؟؟ كلنا ماشين يا اسيل الموت حق علينا كلنا
انا هنا جسمي بررددد شديددد بقيت بعلي صوتي وبقول ليهو منووو عمو يوسفف؟؟؟ عمو حسين انطققق يا عمر منوو؟؟؟
عمر....عمك حسين اداك عمرو
انا طوالي رجعت لي ورى وقعدت في السرير اتعاد نفس الموقف الحصل لي قبل كم سنه في وفاة ابوي ما نزلت مني ولا دمعه ما عارفه لي بس كنت قاعده وبشوف عمر وهو بلم في الهدوم تلفوني جمبي بتصل ما رديت علي اي زول ممكن تكون تاني اتعس ساعه تمر من عمري بعد الساعه العرفت فيها موت ابوي للحظه حسيت انه ربنا ما بحبني ربنا بشيل الناس من جمبي كنت بعاين لي عمر وبفكر لو عمر مشا حيحصل لي شنو كنت متاكده اني بعدو ما بقدر اعيش
عمر....يا عمري قومي البسي يلا
قمت لبست اقرب عبايه عمر شال الشنط ونزلنا تحت لقينا قصي ووائل وندى وجوان بره منتظرننا ركبنا العربيه وانا كنت ساكته ولحدي الان ما نزلت مني ولا دمعه وصلنا المطار واقلعنا من مطار دبي زي الساعه عشره صباحا وصلنا السةدان بعد ساعتين كده وكانو معاها اصحاب عمر ونسوانهم ما سالت حتى هم لي جو معانا
بعد اجراءات المطار المعروفه مرقنا وشفت مازن ومحمد ومؤيد منتظرننا بس ما عارفه حسيت بي دوخه ناديت عمر
عمر...مالك؟
قلت ليهو عمر انا تعبانه ما عارفه ود كان اخر شي بتزكرو
صحيت وانا في المستشفي وسبحان الله صحيت ببكي وبكوركك كان جمبي مؤيد وتالا ومحمد ومازن وعمر اكيد الغرفه كانت مليانه نزلت من السرير وطوالي قلت لي مؤيد عمو يوسف وين؟؟
عمر جا مسكني قالي عمو يوسف قاعد انتي تعبانه اقعدي قلت ليهو عمر زح مني في شنو ليه كلهم بمشو ورى بعض اول شي امي الما شفتها بعدين ابوي المات بي ابشع طريقه وهسا عمو حسين لي انا كعبه يعني؟؟ مشيت علي مازن قلت ليهو مازن انت الوحيد البتوريني الحقيقه انا كعبه؟؟ هم بكرهوني عشان يمشو مني؟؟
سمعت عمر بقول للممرضه اديها مهدأ جوالي قلت ليهو عمر انا ما مجنونه ما دايرا مهدأ انا بسالكم لي الناس البخبها بتمشي مني يا الله ليههه بعدها جا محمد مسكني والممرضه ادتني المهدأ تاني صحيت بالليل كنت في غرفتي في بيت عمو يوسف صحيت احسن بشويه زي اتقبلت الواقع او كتر الصدمات بقتني ما بحس يمكن💔
عمر كان جمبي في كل لحظه ما بتزكر اني احتجتو وما لقيتو الفتره د قربت من جوان شديد كنت معتبراها اخت وسند لي حبيتها وبقيت بتطمن ليها اكتر من اول بي كتير.
الفتره بتاعت العزا انتهت ورجعنا الامارات عشان شغل عمر وفعلا من تاني يوم رجعنا عمر طوالي نزل الشغل الهو كان الصباح بكون في مكتب المحاماه حقو بخلص زي اتماشر ضهر بجي البيت لحدي اربعه بقعد وبعدين بمشي العياده برجع حداشر مرات اتناشر انا وجوان كنا في بيوت ما بفرقها الا نجيله كده وقعده عاملها عمر لكن ندى كانت ساكنه بعيد نسبه لي ظروف شغل راجلها
الايام مرت وانا بديت احس انه عايشه في فراغ ودايما ما عندي موضوع يعني يومي عبارا عن اني بصحا بطلع عمر بقرا كتب في مكتبتي العاملاها في البيت بمشي لي جوان او بتجيني بسوي الغدا حق عمر وبنمرق احيانا ومرات لا
كان كل شي في حياتي عمر ما كان عندي اهتمام غيرو حتى انه ما كان عندي نفس للشغل وعمر كمان ما كان مقصر مني في شي خصوصا انه بهتم بي ادق تفاصيل حياتي❤❤❤❤❤❤❤
**********************************
في يوم قاعدين انا وجوان وبنتكلم عادي قالت لي عارفه يا اسيل انا كنت بحب واحد بس وضعو المادي ما كان كويس وابوي رفضو وعرسوني لي وائل عارفه انا عمري في حياتي ما حبيت ولا ححب غيرو
قلت ليها وانتي لي قبلتي؟؟
جوان....عادات المجتمع فرضت علي اني اقبل بالشي الشايفو ابوي كويس لي يلا اصلا انا جيت الدنيا ومنتظره المشيه وابتسمت لي
قلت ليها جوان ما تقولي كده انتي مدام الدنيا ختتك في موقف زي د حاولي حبي وائل ما حتخسري شي
جوان....احب منو؟؟😂😂😂😂😂
اسيل انا ماشيه بالله
استغربت من كلام جوان لكن ما ختيت في راسي الموضوع المهم طوالي مشيت فتحت غرفه في الطابق التاني من بيتنا الغرفه د انا كنت بدخلها لمن افكر في قضيه ابوي العمر رافض تماما اني ارجع افتحها
لكن انا اصراري كان اقوى من حبي لي عمر المره د
دخلت الغرفه وقعدت في الكرسي جبت اللابتوب حقي وقعدت اقرا في الحاجات الوصلت ليها لحدي الان د
جا في بالي اني ارجع اتصل للرقم الاتصل عليهو مازن قبل كده وقالو ليهو انور مات وبعدين الرقم اتقفل
جبت الرقم وكنت بعاين للرقم بي استغراب كانه د ما نفس الرقم داك ولا هو نفس الرقم لكن لي المره د حاسه اني بعرفو جبت تلفوني الصغير واتصلت علي الرقم دخل معاي جرس قلبي بقا بدق شديد الخط فتح وجات صوت بت قالت الو منو
انا هنا كانو وقعت فيني صاعقه قلت ليها دنيا؟؟
دنيا.....مرتتتت اخووووييييي ياخخخ وين انتو مشتاقين والله
انا ما قدرت ارد كل العملتو اني قفلت الخط وقعدت في الارض كان اقرب زول لي وممكن اتصل ليهو جوان اتصلت عليها قلت ليها جوان تعالي لي سريع
فعلا خمسه دقايق جوان كانت معاي جاتني فوق لقني ماشيه وجايه في الغرفه وهي شكلها جات مخلوعه
قلت ليها جوان تعالي
جوان....مالك يا اسيل خلعتيني
قعدت معاها حكيت ليها اي شي من اول ما ابوي اتوفا للان
جوان....بسم الله الرحمن الرحيم الجاب الرقم لي دنيا شنو؟؟؟
قلت ليها د نفس السؤال المحيرني يا جوان
انا حسال عمر
جوان....انتي متخلفه هو عمىدر رافض الفكره اصلا هسا تساليهو حيعرف انك فتحتي القضيه تاني وانتي ما ناقصه
قلت ليها طيب اعمل شنوو؟؟؟؟
جوان.... اصبري حتصل لي وائل انا
قلت ليها طبعا لا وائل صحبو يا بت
جوان....خلي الموضوع علي واصبري
دردشتنا...
معليش علي التاخير😂😂😂😂😂دايرا تفاعل لو ما لقيت ما حكمل الباقي ارح اتفاعلو وورةني توقاعاتكم في الكومنتات وما تنسو التصويت في امان الله❤❤❤❤❤❤❤
